طالب جواز / ابو حسام

اسعد العطار:-
ياخلق ياناس ******** لشرع الله انا طالب
اكمل نص ديني******* وجاي ليه انا طالب
عجبتني صبيه *****والكُحله حلوه في عنيها
لابسه لبس الدلع *****وعيون الكل حواليها
دقيت الابواب وقلت *******للحلال انا طالب
قابلني ابوها *******والاسم احمد ابو طالب
ابو طالب :-
قالي اهلا مراحب********** يا جميل سلامات
وبسمه ع الوش مرسومه ** وبالاحضان سلامات
سألني سؤالين *********وف التالت طلع غالب
الاول عريسنا الزين ********وايه يكون شغله
دكتور ...مهندس؟ ********اوعي تكون طالب؟
اسعد العطار:-
رديت بصوت الادب ******صلي ع العدنان ياطيب
وصفاتي مثل الدهب **** من صنع الرحمن بتطيب
وعشبى للعليل بديه ***** وف وصفه الطبيب يحتار
وحبة البركه تشفيه ****** ما هو انا صنعتى عطار
عارف اصول ديني ****** وقلت شرع الله اهو قريب
ابو طالب
وبصوت واطى مش مسموع ****لقيته بيه بيهمس لى
يا ولدى واسمك ايه *****وانا عرقى نازل كسا جسمى
اسعد العطار
قلت الاسم اسعد كمال ***** اسعد الله لياليكم
قريب هنا مش بعيد *****ساكن هنا فى ضواحيكم
جاى عشمان *****وليا الشرف تناسبونى
صيتك فى البلد واصل ***وبنتك اصونها فى عيونى
ابو طالب :-
وجينا لسؤال تالت**** عرفني ياولدي ايه تُملك
رصيدك كام وايه تُملك***عندك اراضي ولاعذب تُملك
قول لي ياولدي ومتخبيش*** انا غير عوايدنا مش طالب
كان ردي عليه مستوره ****طلباتك ايه يا ابو طالب
رد ابو طالب:-
هقول كلامي وليه تحفظ**** ولا اجيبلك ورقه عشان تكتب
اوضة نوم تكون بليكار**** وصالون وسفرة واوضه للمكتب
اوضة عيال بلون دهبي *** ونيش عليه بمية الدهب تكتب
مهر البُنيه يكون غالي **** مؤخر نص مليون هنا تكتب
صنف الدهب يكون عالي****ونقول للقاضي تعالي اكتب
اوعي يابني تقل فرحتها **** ف النادي تحجز تكون زفتها
دلع العرايس اسم كوافيرها *** يكحلها ويظبط لي قُصتها
فستانها يابني ع الموضه ****ولا تقل شي عن بنت عمتها
من صنف العطور تجيب اشكال ** تغرقها هي واخواتها
والهدايا يابني متدقش *** دهب الماظ قنوعه هي بطبيعتها
اسعد العطار:-
هو يقول ويحكي ***** وانا جوايا بغلي وانا ساكت
كلامه خرم ودني***** وجابلي صداع وانا ساكت
وعيوني حايره ***** وعقلي من الغلب اهو فاير
كاتم انا انفاسي ******** والفكر شارد هنا وطاير
عشان البعيد يفهم ****** ولا يسأل ليه انا ساكت
*********************
زعقت بعزم صوتي ******ما توحد الله يا اخينا
طلبات دي ولا افتري***** ولا ماليكش غايه تدينا
خليك عاقل يا ابو طالب**** واطلب حاجه ف ايدينا
تكونش فاكرها شاكيرا***** ولا حتشبسوت يا افندينا
نازل عد ورص ******** خف ياشيخ مالغلب كاوينا
*******************
اسمع انت وافهمني **** وخد مني كلام بحساب
اعمل حساب بكره ***** ده كل شئ بحساب
طلباتك ع الغني ساهله ****وانا مش هكون كداب
مالها عيشة العزوبيه **** عايش ملك ومعاملش حساب
دي دنيا غروره ********يا ابو العروسه والزمان قلاب
*********************
بنتك جميله بصحيح ***** وانا عجبني منظرها
عايقه ومتغندره ****** وف الدلع حافظه مظهرها
بويا ع الوش بالكيلو**** وانا قلت ياواد استرها
لو غسلت وشها ***** والله الصبح تعوف منظرها
هتعفن خلاص عندك*** تف على قبري لو حد جه زارها
************
اسمع كلمتي ******** يابو عقل ناصح واعقلها
هقولك بميزان الادب **** وانت للمايله تعدلها
لو بعت كل اللي حيلتي***مفيش حاجه هقدر اعملها
طلباتك تعجزني ******** قبل الاوان بأوان
بنتك وخليها عندك ******* نصيحتي ليك تخللها
**************
العيشه صعبه قوي ****** يا ابو البنات اسمع
شبابنا غلابه وحياره*****وغلبه للقلوب يوجع
متقساش عليه يا شيخنا***علشان طه ليك يشفع
بص بعين الابوه *****وانظر بعينك علي حاله
جالك للحلال طالب ***** لاتبص لعمه ولا خاله
بص علي شخصه**** لو يصونها قول هنياله
متدوسشي بأيد قويه ***** وتنظر لفرش البيت
ستر بناتك ******* ينزاح همهم عليك م البيت
مفيش حاجه هتدوملك**** ولا حتي حيطان البيت
ده العفش ياسيدنا بيولع *****والله بعود كبريت
خليك قنوع وعاقل ****وقيم الفرح ف البيت
وعجبي ،،،
ابو حسام