رداً علي باب الفضل للاستاذه زهره اقدمها لكم بطريقتي الزجليه

رداً علي رائعة زهرة بنت الاصول في قصتها التي سكنت بداخلنا وتوهجت نيران الاحساس بها فكانت قصتها باب الفضل لها اثر كبير بداخلي وتأثرت بها كثيراً مما جعلني افكر جلياً في ان اعبر عن مدي مقدار اقتناعي بتلك القصه الرائعه التي قدمتها لنا ومست قلوبنا لما فيها من شجن وفرح وامل بكل انسجتها وجعلتني اردد قرائتها اكثر من مره وددت اليوم ان اقدم لها تعليق بسيط من وجهة نظري ومن شخصي المتواضع لاختي الغاليه اعدت كتابة القصه ولكن بطريقتي انا متماشياً مع احداث قصة زهرة  لن اطيل عليكم لكم التحيه والتقدير واليكم الموضوع :-

باب الفضل
طالبه شفاعه وناظره يارب اليك
بفرحه ودمعه  انادي واقول لبيك
الفرح ماليني وبالخشوع بناجيك
             *******
ياسعدي ياهنايا الفرحْ خبط على بابي
هكمل  فروضي باركـــولي ياحبابي
والشنطه اهي جنبي وفتحت دولابي
هــاخد كفايتي منه عبايتى وحجابي
           **********
حبايبي معايا والدمعه م الفرح مجبوره
ادعي لنا يــامــامــا  واللقــب نــــــورا
بــاصه عليهـم وفـــــرحانه ومسروره
جات يدي  في حاجه وزمان متشالـــه
ذكــريات قديمـــه في القـــلب محفوره
فــوقي يــاعيني ورجــعـــــي الصوره
          ***********
سنين طوال مرت  وجاها خلاص اليوم
انظـــر انـا بعيني واقــرب يطلع الالبوم
البــــوم صـــور عمـــره مــــــن عمري
قفــلت عليا بـــابي وقلت افتكر عمـري
الـــكل بــره فرحـــان يغني ويـــــدعي
وانــا اقلب ف الصور وينزل انـا دمعي
            **********
يااااااااااااااااه يــازمان وفيك العبر كانت
عيـون نورا سرحت ؟؟ لا خلاص نامت
             ***********
شريـــط ذكــــريــــات بيمــــر  بسهوله
رجعت لطفولتى رجـــــــعت لسنه اولي
طفله يـادوب مـــــــ الــــعمـــر 6 سنين
تـــلاعب عروستها والعيــــون صافيين
                **********

بيــن دراعتها اهــــي نايمه وحضناهــــــا
تنــــام وتصحي وتـــقوم وتــــــرعاهـــــا
حلـــم الامــــــومه كان سـاكن بداخلهـــــا
قولة ماما تحرك شعورها تهز دواخــلهــا
صورة ورا صوره وصورة مقلوبه تعدلها
             ************
والعمر يجري ف الصور والسنين قدامها
وجـــاها الـــفرح وكـــــان السعد خدامها
فى صورة الــفرح شافت حبايبها  قدامها
             ***********
خدي حظك ياعين م الدنيا الفرح عمره قليل
رب العباد اهو كرمنى  والشــاب اسمه نبيل
عـــارف اصول ديــنه  وفـــرع عيلته اصيل
              ***********
عـــاشت معـــاه نورا فــــــ الفرح يا خوانا
سنه والتانيه عدوا تقـــول عايشه ف الجنه
يبدأ يومه نبيل بضحكتها وفي مساه بيتهنا
امانه يارب دوم الفرح جود علينا ما تحرمنا
               ***********
قــــالــــوا زمان ...الكلمـــه تقدر تهد جبال
يمـــوت السبع وبعــد مــــوته ذكرته تتقال
بولد منه يحمل كمان اسمه ع الكتاف يتشال
او بنت لــونها من رسمه لا الفرع يبقي مال
سبحـــانـــك يـــادايــــم يامبـــــــدل الاحوال
والاهل اهم زنوا قالوا  عاوزين نشوفو عيال
           **************
عـــاوزين نشـــوف ذُريه إحنا كمان  ليكم
ولاد ولا بـنـــات يــــجروا حـــواليكـــــــم
نفـــرح ونتهني كـــمان نفتخـــر بيــــكــم
             **********
نبيل يــــاعينى  والفـكره  مش ســـــايباه
عـــاوز خلوفه تعينه  تــكون كمان ويــاه
ونـــورا يــــاعيني مـــش قــــــــــــــادره
كـــلمة يــــامــامـــا وحشتهـــــا من فتره
لكـــن بحب نبيل على العيشه اهي صابره
       ***************
تعدي ايام وتاجي ايام والكل مش ساكت
قــــوموا واسعـــوا وليه يــــانبيل ساكت
الام عـــاوزه  تشـــوف للــِوليْد خِـــــلفه
اخــــر العنقــود نبيل اصلــه والِخلفـــــه
وعيال ولادها في البيت عاملين كما زفه
لكــن للغــالي نبيل نفسها تشوف خِلفــه
           **************
حطت الام الرأي في دماغها وم الغلب  اه ياني
يا تجري على الدكاترة ياتشـــوف جوازه تاني
همـــوت يا نبيل واشوف لك خــــلفه ياعيوني
يا اغلي الحبــايب يانـــــــور الضي ف عيوني
خايفه اموت يا نبيل ومتشوفهمش انا عيوني
ذريــه من ضهرك ياولدي  لما اموت يشيلوني
              ***********
كلام وجارح كما سهام في نورا واهي بتطعن
ساكتـــه وكاتمه الغلب وكتمانــــه يكون العن
عشــان خاطر نبــــيل  حبيب العمر وشريكها
وهو حنانه فايض وف الـــعيشـــه مشاركهـا
بكلمـــة حنـــان منــه   يحتويها يـــــواسيها
يطبطب عليهـــا وف حضنــــه بيـحميهــــــا
علي الحلوه اتعاهدنا ياقلبي وكان الامان ليها 
والمره شيلتي  معاي ودي عمري ما ناسيها
                ***********
تهمس تقولــــه حبيبي مسيرهـــا تتعــــــدل
رزقنــــــــا مــــــوجـــــود والله هــتتـــعـــدل
لو عرضوا كنوز الارض ف ضفر منك ما ابدل
              ************** 

يكفينى ياعمرى  م الدنيا  طيبتك وحنانك
حبك ليا وعطفك كفايا عايشه  فى ضمانك
انت ولدي وضنايا وقـــلبي سكنك ومكانك
               ************
تعبنا جرى وعلى الدكاتره كل يوم نتعب
ومفيش مـــــوانع ولا حاجه كمان تتعب
كلام الاهل كضرب النار ف الجسد يصعب 
             **************
بــــعد 4 سنــين يـــاناس والامــل موجود
قالـــوا طبيب وشـــاطر فــــــ البلد موجود
نروح لـــه يانـــــــورا ورب العباد موجود
بريشته الطبيب  يداوى  وبــالعلاج هيجود
               ************
كشــف عـــليهم  طبيب م الغـلب يــا مبالي
حط السماعه علي قلبه لقي القُــــليب خالي
مفيش موانع  عندكم وفـــين العلــه ياغالي
عاوز تحاليل فمعمل زين وبسرعه تجيبهالى
          *************
امانه ياطبيب المعمل هات النتيجه بالعجل طاير
وخدها في يده  وبسرعة على الدكتور اهو طاير
قولي يــاطبيب وايــــه الخبـــــر وطمني ببشاير
رد الطبيب وقاله وليه علي الهــم مش صابـــر
             ***********
الطبيب رده صــريح مهــو فى المهـنه متمــــكن
العقــــــم فيـــك يا ولــدي ساكــــن ومتمـــــــكن
يقـــــولـــــه امانه علــيك تعيــد الرؤية من تانى
جايـــز غلطـــــــه ف كتابه  وياريت تقول يمكن
                 *************
أكــــد لـــه  الطبيب  الخبر ونبيل بقي حايـــــر
رجــــع لنــــورا يبكى والفــكر منه  ف جــراير
دمــــوعه نازلــــه نـــار كاويه عــــلي خدوده
فـــاضل ثواني  م الغلب يلطــم على خدوده
يانورا  ما خــــلاص والعيب طلـــــــع مني
قالـــي طبيبي ان اصـــــل الــتعب مـــــــني
              *************
يانورا  وعرفتى وقـــولي أيـــــــه طلباتك
انتى دنيتي وانـــا كنت شــــــريك لحياتك
            *************
دمـــوع الــــــــرجال علي الرجال تصعب
والـــكرامه يــــــاخلان ف الامور تصعب
بهمسة م العــــــين نورا  والدموع سالت
يـــاقلبي لاتــــحزن مهمــا الـــعيون قالت
بايدها ترفعه م الارض علي حضنها شالت
             ***********
انت ولـــدي وحبيبي وعمـــري ما هسيبك
امســــح دمــــوعك  ده انا قدرك ونصيبـك
              **********
كــــلامي وهقوله لـــيك يانبيـــــل بحساب
اوزن واعقل الامور وخــــلى ليها  حساب
ســـرك فـــــ بير اوعــــي تنطــــــــق  بيه
ربــــك كـــــريم  وراميين حمــــولنا عليه
                ************
خــــلي العيـــوب قــــــدام الكل تكون مني
كـــرامتك يـــا غالي اغلي عندي م الـــنني
اوعـــــدني وحــــافظ عليـــــــا واحلف لي
من الدنيا مـــــــــــا عايـــزه غيرك يدفيني
حبك ياغالي ســــكن قـــلبي ووالله مكفيني
                ***********
احــــلف يا غالي تصون السر طول عمرك
لسانك ما ينطق بيــه مهمــــــا طال عمرك
             ***********
وعدت الايام وعلي الــغلب اهــــــي صابره
كــلام حماتها كضرب النــــار واهي صابره
قالت لـــه اتجــــوز ياولدي نورا دي عاقره
        ***********
صرخ بصوت الـحزن م القلب كــان طالع
كفايا يا امى عـــذاب وانا داخل وانا طالع
لـــو زعلتي نـــورا يكــــــون العتاب مني
شـــالتني سنينهــــا وشـــــالت كتير عني
تسألي ع السبب يا امي يكون السبب مني
             ***********
ياااااااااااااااااااه ع الدنيا والايام والشكوي
نسينا اخـــــــت نورا وتسمي اهي نجوي
               **********
رب العبــــــــــــــــاد ع الدوام مـــــوجود
كرمهــــــــا بعيــــــل واسمته محمــــــود
زارها الـــــمرض والبــــــــــلا اهو جاها
حــــامل كمــان مره وادي المولي عطاها
              ***********
يا نورا وليا عندك رجـــــــا ياريت طلبي تلبيه
محمود ضنايا خديه عندك امانه تحافظي عليه
شيلني في تعبي وافتكري اللي زمان حلمنا بيه
                   **********
الفــــرح دق البــــاب عـــــــلي نورا من تاني
ساعات قليله يقضيها محمود وتمر ف ثواني
مـــلي البيت  عليـــهم فرحــــه وحنيــــــــــه
نبيل يــــــدلع يهني  و نــــــورا الاساس هي
              **********
الواد حليوه  ومـــؤدب بـــقي يقولها مـــامــا
عطشـــان جــــعان ضمـــيني يــــــامــــامـــا
نورا ف الاساس ربت تعبت وشالت كتير ياما
نجــــوي فــــ يــــوم موجـــــوده بمــــــكانهم
سمعت ولـــدها محمود لنورا يـــقول مــــامـا
                ************
قـلبت وشهــا ولمحمود  تعالي طمني علي حالتك
يـــاحبيبي انـــــا مــــامـــا ونـــورا دي خـــــالتك
الـــطفل حـــــاير وللـــــكلام هــــو مــــــش فاهم
اللـــــي ربتــــه نــــــورا  ومع نبيل هو متفاهم
جري ف حضن نورا الحقيني يا امي مش فـاهم
                     ************
نـــورا حالها على  الكافر يــاناس  بقي يصعب
كــلام نجـوي الشقيقه خناجر تطعن ولا تصعب
              ***********
تبكي تقول كـــويتي القلب يانجوي ومش داريه
جــــرحتي الفـــؤاد يا بـــت ابـــويا ومش داريه
لـــولدك صنتـــــه انـــــا ووفيـــــــــت وراعيته
يتــــعب ويمــــرض اسهر انــــا عليه  وراعيته
صبح  الـــولد حتــه مني وقلبــــي صبـــح بيته
                     **********
كلامهـــــا مكتوم جواها ولا حـــــــد بيه  يسمع
دموعها نارعلي خدودهــا وكلام اختها يـــوجع
خدت  نجـــوي الـــولد ومش حاسه كده بعيبها
حجتها كانت اخته الــجديده فـــــ البيت يلاعبها
                    *************
ونورا يانـــاس تتوسل لهـــــا والدموع سايله
الرحمه حــــلوه والــــيد يانجــوى مش طايله
هقـــــولـــه انــا خالتوا وماما تاني مش قايله
                    **********
بـــالله تسيبيـــه يانجوي يفــــرحني يلاعبني
ده ولـــدك ضنــــاكي انـــــا عاملته كما ابني
انتي امــــه الاســـــاس وانــــا عليــــــا ابني
               ***********
حــــكمت نجـــــوى الرأي وقالت كلام بحدود
نجـــــوي تقـــــول لنــــورا ولدي انا محمود
بمُر الشـــكوي نــــورا  تترجي كمــــان فيها
مفيش كسوف خــــلاص والخجل راح منيها
محمود للقلب دواه وللروح  يانجوى سكن فيها
                    ***********
كلامك  تانى يا نورا  خلاص معادش له لازمه
محمـــود هــــاخده معايــــا وتنتـــــهي الازمه
             **************
تصرخ نورا وتقول يــــارب الحزن كاسيني
والقلب مـــــوجوع وبــتنزل دمـــــوع  عيني
من بعـــد عين محمــــود الــــــفرح ناسيني
              *************
تمر أيــــام ونبيل ونـــــورا بالمُر ع الدنيــــــا
تصادف الاقــدار وينقلـــوه  لمحافظة المنيـــا
يمـــر عـــام والتاني ونـــــورا مع جيرانهــــا
تلــــعب وتضحك وبتراعي الله في جيرانهــــا
حــــــافظه عيالهــــم وبـــــالفطره ينادوهــــا
مــــامـــا وطـــالعه منهـــــم بيهــا ينادوهـــــا
فــــراق الحبايب صعيب علينا ياخوانا بيكوينا
والموت مش بينسى حد ومفيش حاجه بأدينـا
                  **********
الـــدنيا تتـــــم الصفــــا ولــــكل واحــــد دور
نبيــل ودوره خــــلص وجـــــــــه عليه الدور
فــــــارق الــــــــــدنيا وســـــــاب لنورا الدور
                  ********
تقــــاسي الــــفراق مـــــن بعد عينه يا وعدي
كــــان الامل كـــــان السند والحب كان وعدي
شـــــفت ليــــــــــالي الصفا وياه وكان سعدي
                  **********
تـــــلف أيــــــــام وتاجي سنين تكون حــــاده
ونــــورا لعيال جيرانهـــا وولادهم بقـــت جده
عيال مولدتهمش لــــكن ف الربايه كانت جاده
حبــــوها الاطفال وف قلـــب نـــورا ليهم سكه
هادوها فـــــ يوم بـرحله للمحبوب تزور مـــكه
                    **********
ترد نورا فـــرحة العمـــــر يــــــاولادي وجبتوها
مـــــاليش غير ربنا وانتـــم وتــربيتي  صنتوها
احلي هديه كده منكم والـــمولي اهـــــــو دعاني
علي يــــد الحبـــــايب ولادي لــقيت الفرح جاني
                 ************
واقول يـــــــارب:-
هكــــمل فريضتي وانــــــظر بعيني اليك
وارفع ايديا للكريم واقول يارب انــا لبيك
لبيك اللهم لبيك وجـــــــايه يا ربــي اليك
              **********
نايمــــه والضحكــه علي الوش مرسومه
مـــرت ثواني والبومها صــوره مقسومه
يخبــــط البـــــــاب  كام خبطه تفوق نورا
علي صوت سهـــا  بـــــتزغرت هنا لنورا
              **********
يـــاماما قومــــي ولا النوم خلاص غلبك
وايـــه ده يا امـــي  كسلانه ولا بان تعبك
قومـــي ياحاجه الـــعربيه خلاص وصلت
البــــــاخره ف المينا ع الشط اهي رسيت
               **********
تضحـــــك نورا ياه ع العمر سنينه عدت ف ثواني
ضحك ولعب وفــرح وحزن على الدنيا شفت ايامي
يارب نجينا واكفينا عذاب بكره ولا تشوفوا احزاني
ولكــــل محروم تديـــله زي المـــــولي ما راضاني
             ************
فوقى  يا عيني وانسى ولمـــلمي دمـــوعـــك
قومي يانورا دا الفرح النهـــارده موضوعــك
قومي يانورا حبايبك ضيوف ولعوا شموعـك
====ابوحســــــــــــــــام ============

كنت رائع بكل المقاييس ....لا فض فوك ابو حسام

انا مش عارفه اقول ايه .....وجعت قلبى وبكيت عينى ..وصغت القصة فى نطاق موالى
راااائع بكل المقاييس ولو اعرف ان قصتى هتأثر فيك كده وتطلع لنا الابداع
ده كنت كتبتها من زماااان قوى ودلوقت عندى استعداد اكتب لك على طول قصص
وتعيد نسجها بالشكل الجميل دا مش عارفه اقتبس ايه ولا ايه من حلاوة
الابيات بس اول حاجه بجد وقفت قدام جمال صياغتها دى (تصرخ نورا وتقول
يــــارب الحزن كاسيني
والقلب موجـــــوع وبــتنزل دمـــــوع عيني)