بحبك يا رسول الله / محمود وحيد

عليل القلب لو صلـــــى
على أحمد يطيب قلبــه
ولو أعمى البصر هيشوف
بنوره سكته ودربــــــــه
حبيب المولى يا ساده
يا بخت اللى ينول قربه
حبيبى ومهجتى وروحى
وكل منايا أشوف وجهــه
وأملى عيونى من ضيــه
واعطر قلبى من يـــــده
واحنى كفوفى من طيبه
واسطر ع الجبين حبــــه
بحبك يا رسول الله
ومهما اوصف فانا عاجز
ومين فى الوصف كان وفًًًاك
مداد الكون ما يكفينــــى
ولا لغيرى المداد كفًـــــــاك
حروف اسمك تسيع أكــوان
فى معناها القلوب تهـــــواك
ورقٍة قلبك الطاهــــــــــــر
هدى درب اللى غاوى خطاك
يا أطهر من خلق ربــــــــى
على عين الجمال ســــــًواك
كتب إسمك مع إسمــــــه
وبارك فى العُلا مسعــــــــاك
بحبك يا رسول الله
ويشهد ع الهوى ربــــــــــــى
وترتيلى كتــــــــــــــــــاب الله
وشوقى لو يكونله لســــــــان
لغنى بالحنين جـــــــــــــــًواه
ووصًـــــــــــى ع الغصون اطيار
تناجى ربنا فى سمـــــــــــاه
ينول قلبى مُنا عينــــــــــــــه
وأتهنى بيوم لقيـــــــــــــــــاه
واشرب من ايديه شهــــــــده
وفى الجنة اكون ويـــــــــــــًاه
شفيعى لو ما يشفعلــــــــى
ما ينفعنى لا مال ولا جــــــــاه
بحبك يا رسول الله