القصائد الفائزة فى المسابقة الثانية لومضات السها

المركز الأول
نشوى احمد / حاول تبقى انت وبس
وبيلعب دايما ع الجنبين ....
وبيمشى طريقو مبيفكرش ....
وبيلبس اكتر من وشين .....
تمثيلو بجد مبيهزرش .....
والدنيا بتاعتو بتسمحلو ....
يكدب ويغش .....
وبيجرى ولكن على مهلو ....
وبيرشق وش ..... ف اى حوار
وف كل نهار .....يشتاق ل الليل ....
علشان يداريه ......
علشان يتخبي ف حتة لون .....
مجنون وبيضحك على مجنون ....
مدهون الكون كله بألوان ....
والوش مكان .... كل التعابير
تتجمع فيه .....
نكتة وإفيه .... وزعل ودموع
ناس شاطرة بتعرف ف التمثيل ....
ناس حمل تقيل/ جوا قلوبهم .....
وف وقت زمانهم لما يميل ....
مين يصاحبهم ؟؟
حاول تبقي انت / وانت وبس ....
حبوك على عيبك / يبقي تمام ...
واحذف اﻻعيبك م الدنيا .....
وامشى ل قدام .....
صاحب كذا وش بيتعذب .....
على قد ما بتفيدو الصورة ....
براويز تتجمل من بره .....
لكن أرواحهم مكسورة ...




الفائز الثانى



عبد الباسط محمد\ بصراحه
بصراحه
تعبت كتير أخلاق
وأدب وصراحه
وكلام بهدوء
وتعامل بالراحه
وبقيت مخنوق
م الحق
أو أصاحب حد يوًصل ليه
وحقيقي قرفت
م الصدق وم الشفافية
من أى مشاعر فيها براءه
وجراءه
وبقيت مستاء
من فعل الخير
ومراعات إحساس الناس
ومشاعر الغير
والأحترامات والأبتسامات
وبشاشة الوش المتسامح
والضحكه الحلوة
المرسومة عليه
وبقت بيني
وبين الحنية عداوة
وخصام وحواجز
وبخاف أعشق بغلاوة
ولا أساعد محتاج أو عاجز
وبكش من الرؤيه وم النور
من أى وضوح
أو أكون
ف مواقف ظاهر أو ملموح
وبقيت مرعوب
م المشي الدوغرى
ووجودى الفعلي ف أى طريق
لأعتر ف ضميرى
اللي أنا مش عايز تاني ألاقيه..............عبدالباسط محمد




الفائز الثالث

عماد رشاد \ الحياة بالشكل غير الحياة باللون
أصل الحياة بالشكل ..
غير الحياة باللون ..
كتير نحب الشكل ..
ونكره المضمون ..
وكتير يكون الشكل ..
مضمونه مش مضمون ..
الناس قلوب ووشوش ..
متركبه ع بعض ..
والقلب لو مغشوش ..
ملعون أبوه ف الأرض ..
متجبش فالصو فشوش ..
لأصل سنة وفرض ..
الوش لو ف الوش ..
تلاقيه حبيب قابلك ..
يكره لقاك صدفة ..
رغم أنه بيقابلك ..
ما يحبلكش الخير ..
ويطير عليه قبلك ..
الغش خلى الوش ..
قابل يكون وشين ..
ما يتساواش أبو قرش ..
مع اللى جاب قرشين ..
متصدقوش كدبه ..
لو بالكلام هيطيب ..
ومتعملوش منه ..
صاحب قريب وحبيب ..
ماهو وش بيبان لك ..
بيداري وش الديب .




الاولى فصحى

خالد تقى \ ما بين نفسى ونفسى
هناك أراني ممزقا..
ما بين نفسي ونفسي
أبحث عن ذلك الفتى،
الذي أراد أن يولد في غد لن يأتي
أنا ابن الأزمنة التي
تاهت في سراديب اللامكان
أنا الفاعل الذي،
حجبه ضمير الغائب
أنا التيه السرمدي الذي،
فقد موسى
أنا الجبل الذي انهار..
لأن الإله لم يتجلَّ عليه
تتصاعد من داخلي
صيحات الوجع
وتكتبني رمزا
كطلاسم السحرة
تتقاسمني الخيالات
في حانة اليأس
وتبكيني الفراشات
في بؤرة الضوء
أنا العارف النوراني
أتلظى بالنور وأسعد

الفائز  الاول
خاطرة
جمعه عوض\  ما بين نفسى ونفسى

نعم...
كلنا اصحاب ذلك الوجه الجميل.
.....والله كلنا
أنظر اليه وهو محمول كقناع بين اصابع صاحبه.
صاحبه الذى نسى ونسينا معه من فرط ما ارتدينا من اقنعة..اين وجهنا الحقيقى!.....ثملنا ...واحتسبناه قناعا .
نعم...نعشق وجهنا والذى نعشق فيه خلقنا....ومن ثم يكون العشق لخالقنا.
واجسادنا..........
اجسادنا يا سادة ما تحمل الا قناعا
ما تحمل الا قناعا
ما تحمل الا قناعا.