الحب مش بالكلام \ بقلمى

$الحب مش بالكلام \ بقلمى 1509883_892462897464888_635537105556180905_n$

الحب مش بالكلام
ولا بالعتاب وملام
الحب طاقة رضا
تطل م الايام
ياما قلوب كالدهب
وقلوب نيرانها حطب
تحرق ف ساعة غضب
وتشوفوا منها العجب
وقلوب تصون ودها
والطيبه دى طبعها
مهما تقابل شين
ميهمهاش عمرها
يا باسل انت غلطان
للسر ليه عطشان
فتحت ليه البير
وعملت ليه طرزان
شفت السواد جواهم
فلوسك مش دواهم
طمع النفوس اغراهم
عن جنتك وعماهم
ونعمه بس اللى بنتك
مكانتش يوم بتغشك
رفضت يكون بكلام
وقالتهالك فى وشك
ملعون يا ابا الفلوس
اللى تذل النفوس
ملعون يا ابويا المال
اللى لإرادتى يدوس
يا قلب نعمه وعنيها
خليك دايما شاريها
اسعى وضلل عليها
خليك دايما حاميها
الحب احساس وبس
مش بالكلام والهمس
مش بالكلام والهمس

تصوير رائع لاحدي
حلقات هذا المسلسل الرائع
اجادت الزهره في انتقاء مفردات
مابين الحوار في المسلسل
وعزفتها بطريقه رائعه
مستخلصة منها الحكم والعبر
والنصائح فتحيه لها علي
هذا الابداع
.......

» انت مين \ بقلمى
» قال ايه \ بقلمى
» لا كان ولا كنا/ بقلمى
» يا نفس كفى عن سوى مولاكِ/بقلمى
» مدى ايدك \ بقلمى