المستحيل \ عبد الفتاح عبد الشافى

لَملَمتْ
تفاريحي القديمه وجِبتـــها
نوّرت في قلبي الشمـــوع
وحنيني كان بين الضـــلوع
وشفت في كل الربــــــوع
خيال جمالها وشكلهـــــــا
وأعد وقتي بالدقيقـــــــــه
الحاله أتاريها صعيبـــــــــه
والفكره فـ دماغي غريبـــه
محصلش عندي زيّهـــــــا
وفـ نفسي كان قولي كتير
وعليها دايما ليه بغــــــير؟
وقلبي بفَرَحْها يطـــــــــير
حافظ صورتها ورسمــــــها
حاسس بحاجه مشفتهاش
حاجه عمري ما عِشتهاش
تتحسْ . بسْ .... متِتقَراش
يظهر بجـــــــــد بحبهــــا
وان جات سيرتها فـ الكلام
أو حتّي طِيفها فـ الخيــــال
تِجِينِي عُقده فـ اللســـــان
والكلمه اقولهــــا عكسهــا
وعنيّا لو حَبّت تِشـــــــــوف
أداري شوفها بِالكُفــــــــوف
خجلانه نفسي م الكسوف
وكأنّي بِنت فـ خِدرهــــــــا
ورغم كل الإحساســــــات
واللّي حَكيته والحاجـــــات
من فرْح كــان ولّا آهـــــات
خايف أكون ما فهمتــــــها
وجات فـ بالي الدكـــــريات
أيام ما غنينا ســـــــــاعات
لما كنا من سكــــــــــــات
تنظر بعين وانظــــر لهـــــا
وقلت اروح لها نِنّ عينـــــي
وابَدّل الشك بيقينـــــــــي
ومعايا أشواقي وحنيتــــي
وبدله حلـــــــــــوه لبستها
ورحت علي بيت الحـــبيب
وعملت فيهـــــــا عند ليب
وإشارتي يفهمهــــا اللبيب
فتحت لي بابها وشفتهــــا
بصّيت بعيني فـ المكــــــان
وياريتني مُت ومن زمـــــان
العقل هيصيبه الجنــــــــان
حبيبها قاعــــد عندهــــــا
ياخساره .ليلي كان طويــل
وهقضي عمري ونا عليـــل
وعرفت معني المستحــيل
إن الإيدين هتضمهــــــــــا
************
عبد الفتاح
******

كل الشكر لسيدة الومضات
اعتذر بشده علي تقصيري
في نقل الابيات الي السها
بوركت زهره
......

متقولش كده يا ابو جمال
احنا يد واحده
ربنا يديمها علينا ان شاء الله

سلمت لنا سيدة الومضات
استاده زهــــرة