مدى ايدك \ بقلمى

ضاقت الدنيا ف عيونى
لما احبابى سابونى
واللهب فى القلب قايد
بالفراق زادت شجونى

ياما قالوا وسألوا عنك
يا ما قلت فى وصف حبك
بس كنت ساعتها جنبك
اوصفلهم واتوه فى دربك
كنت اقول واقول كتير
احكى لفقير ولا امير
اوصف ملامحك وبضمير
والوصف قلبى معاه يطير
حبيبتى لما بتبتسم
الضحكة فى الكون تترسم
ولو دمعة طلت من عنيها
ورد الأمانى يتظلم
النظرة تشفى من عنيها
واللمسه تكفى من ايديها
كنت اخاف دايما عليها
وادعي ربي يكون حاميها
واهي راحت بشكل ولون
وراح شكل وجمال الكون
وفضلت انا ....الحيران
وف بحر الهموم مسجون
مدى ايدك يا حبيبتى
كنتى مرسايا وسفينتى
قبرك انتى فى الثريا
هو محرابى ومدينتى

» إتاوة \ بقلمى
» لا كان ولا كنا/ بقلمى
» انت مين \ بقلمى
» قال ايه \ بقلمى
» يا نفس كفى عن سوى مولاكِ/بقلمى