عاوزه إيه ؟

موضوع: عاوزه إيه ؟ الإثنين أبريل 27, 2015 11:36 pm

عاوزه ايه ؟؟
***
**
*
يعني لما بقول بحبك
معناها إني بقيت أسير؟
ولّا لمّا اوصف جمالك
يبقي قلبي خلاص كسير؟
ولاّ لو خدني حنيني
ودمعه نزلت منها عيني
يبقي ضعفي ملوش نظير!!؟
لأ..اسمحيلي
قولك أنتِ شئ خطير
الرجولة خُلُق كريم
الرجولة أدب ومبدأ
مش أوامر أو نواهي
نتباهي بيها مع الحريم
الكبرياء يعني شهامه
يعني عزة ..يعني هامه
مرفوعه لو وسط السعير
أصل عقلي مني راجح
مره أنسي ..ومرة اسامح
أبقي مش عالي وشامخ؟
ولا عاوزه وحش كاسر
بإيده وسنانه يعافر
وعلقة سخنه لما يحضر
وعلقة لما يكون مسافر؟
ولاّ يعني لمّا افَكّر
فيكي واوصف لك واعَبَّرْ
معناها اني شئ مِكَسّرْ؟
لو كان ده فكرك حدّدِي
من بين دا كله عاوزه ايه ؟
ومتقوليش ازاي وليه
ساعتها هتلاقي جبل
مليان حنان
وتسندي ضهرك عليه
........
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

» عاوزه وزنك يخف؟ .. خلي نملة تقرصك!!