احساس صعب \ بقلمى

احساس صعب
ورجفة تموت قلب
لما تلاقى عينيك كده زاغت
والخطوه فى طريقك تاهت

احساس صعب
لما يكون موجود وياك
وبقلبك تهدى له دعاك
وبإيدك تمسح له دموعه
والآه تفطر له ضلوعه
احساس صعب
ترسم بسماتك قدامه
وتبدد حزنه و اوهامه
وانت عارفها مش اوهام
قلبك غارق فى الآحلام
احساس صعب
هو عارف نفسه ماشى
وانت تقول دا اوانه مجاشى
تخدع نفسك وتطمنها
تترجى الهم يهملها
احساس صعب
لما الحبيب القلب يروح
تتبدل اغانيك بالنوح
ومكانه فى البيت اهو فاضى
وسريره بفراقه اهو راضى
احساس صعب
بانى فى قلبك اعلى قصور
ذكراه كلها فجر ونور
لامسه بقلبك وبإحساسك
نبضاته ترافق انفاسك
عايش هو لسه مماتش
طيفه معاك سارى و مغابش
زهرة

» لا كان ولا كنا/ بقلمى
» انت مين \ بقلمى
» قال ايه \ بقلمى
» يا نفس كفى عن سوى مولاكِ/بقلمى
» بحر أشجانى \ بقلمى