عاوز أقولك

موضوع: عاوز أقولك الإثنين يونيو 22, 2015 11:44 am

عاوز اقولّك
*****
***
**
*
قبل ما تفارقي خيالي
قبل ما يضايقِكْ سؤالي
قبل ما تغيب الشموس
قبل ظلمات الليالي
خَلّي حِتّهْ مِن جبينِكْ
وطرف نظره منها عِينكْ
تكون ونِيس للذكريات
تكون أنيس للأمسيات
وتبدد الليل والسكات
عشان أشوفِكْ ف العلالي
قمره فوق كل النجوم
فوق السّحُبْ
فوق الغُيُوم
وان شُفت ومضَاتِكْ ف يوم
أناجي منهَا ظِلّهَا
إن كُنتِي ومضَه للفراق
أو كُنتي ومضه للسها
لو كنتي ناويه تتركيني
خليكي فاكره دموعها عيني
واذبحي مني يقيني
وازرعي الصبر ف حنيني
واسجني ف قلبي الآهات
نسيني لحظات السّعاده
وامحِي من عمري اللي فات
وان طال بعادك بـ السّنين
غيّرِي نظام الزمن
بُعْدِ السّنهْ خليه يومين
خليكي فاكراه الأنين
والآهه من قلبي الحزين
لما تطلع حارقه جوفي
ومعاها تنزل دمعتين
وان كان ضروري م الفراق
خدي المحبه والدفا
خدي الوداد وخدي الصفا
واتركيني
مع قلبي العليل
وشئ يخصّك ولو قليل
سؤال أخير
فراقك انتي ملوش بديل ؟؟
**************
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

» عاوز سكر عايز زيت
» عاوز ينتحر
» عاوز ..اعيش
» مسلسل السيرة الهلالية الجزء الاول هدية لإخواتى مصطفى عدلى وحماده وسعيد
» مين عاوز يسجل اسمه؟؟