بقيت بليد

موضوع: بقيت بليد الأحد سبتمبر 06, 2015 10:53 am

بليد
*****
باين عليّا بقيت بليد
ولا عدت فاهم في اللغه
ولاعدت قادر اقول نشيد
ولا عارف اوصفلك ملامحك
ولا حتي أعبّر عنه فرحك
وكإن عقلي مني غاب ف بلاد بعيد
بلاد ما فيها جاذبيه
او حتي فيها نبض قلب
او حِس للقلب اللي حب
لما عِشِق ف الكون حوريه
وإتمني فيها يكون شهيد
باين عليا بقيت بليد
ولاّ يكون الحِس مني خد أجازه!؟
ورجعت من تاني لدنيا معشتهاش
يمكن تكون حلوه في عنيهم
بس انا بعنيّّا حتي ما شفتهاش
رغم الورود اللّي بعددها تملا فاظه
ولا قلت كيف أو لأين أو لماذا
ولا قلبي دق ف صدري حتي من جديد
باين عليا بقيت بليد
متعاتبينيش ومتزعليش
يمكن عشان مبقيتش حاسس بالدفا
والقلب لما حبك انتي
احساسه كان كله وفا
وإتمني لو يوم الحياة
ميكونشي فيها غير صفا
ميهمكيش وعلي قولي حتي متحكميش
أصل الأمل لساه بعيد
باين عليا بقيت بليد
ولا عدت فاهم قصتي
ولا عدت عارف مين أنا
ماتت مشاعري ف الهوا
ولاّ اتولدت ومن جديد
باين عليا بقيت بليد
باين عليا بقيت بليد
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

» بقيت حاوي
» بقيت حاوى وغيرها -مسار اجبارى