احلام مشروعة

موضوع: احلام مشروعة الخميس نوفمبر 26, 2015 9:29 am

أحلام مشروعه
***
**
*
بِتِتمخطر ..
ولابسه عقدها الأخضر
وحاضنه إيدي بإيديها
وماشيه وهي تتمنظر
وشايفة الناس وبصّتها
بِِتتهامس
وتتغامز
وتتلامز
ولا بتهتم
كإنها النظره تِسعدها
وماشي جنبها ف طولها
وسايب نفسي ع الآخر
منيش شاطر
ولا مغامر
لكن عجباني خطوتها ومشيتها
ولما اسمعها همستها
بحس بحالي مِتعطّر....
مشينا ف شارع الأشواق
ناس همّاها أفكارها
وناس دايبين من الأشواق
وناس دمعتها غالباها
وناس راجعه وكأنه فراق
وناس ساكته منطقاشي
وناس بتعانق المشتاق
كأنه سوق مشاعرهم
وكله بشوقه بيعبَّر ....
خدتني الغاليه للدكاكين
وقالت لي ..
أبص معاها ع الفتارين
وهمستلي ..
وشاورتلي ...
علي واحد من الهايمين
يبص بعينه بس لفوق
ومليان قلبه حب وشوق
علي محبوبه مش أكتر ...
وقلبه عليها متفطّر ..
وساعتها ..
تُبصلّي وأبصّلها
كإنه لسانها بيقولّي
متقلقش ويطمنّي
وغافلتني
ومسكت إيدي باستها
كإنْهَا سحابه بتمطّر ...
بإيدي التانيه مسكوني
عيال بكلام يقولولي
كفايه نعاس
وقوم افطر......
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

» المفتى : مظاهرات 24 اغسطس مشروعة وحق كل مواطن
» اضغاث احلام
» هل احلام اليقظة مرض نفسى ؟
» احلام عاشق \ عبد الفتاح عبد الشافى \يوتيوب
» فيديو رواية احلام راعى الحمام لن تكون اوهام