شموع حول محرابها

شموع حول محرابها
***
**
*
وبين لحني وموَاوِيلك
وانا ف ليلك
بسافر لجل ما أجيلك
وماسك ورتي بإيدي
وعناقيدي........
بطرح الشوق مليانه
وسهرانه........
تغني لك أناشيدك
بشوفها بس ف عيونك
واسمعها ف صدي صوتك
نغم معزوف...........
بيملا كل ايدي حروف
وأكتبها ألوف وألوف
وأنسيَ كل لحظة خوف
واطوف...........
بحرفي محرابك
وانور للضريح شمعات
واقعد عنده بالساعات
وأقرا لِك من الآيات
حجات ترقيكي من عينهم
وارش الملح علي قولهم
سبع مرات.........
وتفرح نفسي بالرقيه
وتزعل لو تشوف شمعه
بتنزل منّها دمعات..
تشوفها العين تغير منها
وانا سهران بكلمها
بهامسها .......
وبدعيلها.......
تكون غنوه
وألحّنها...........
واشوف ضحكتها
وارسمها...........
وأملا برسمها اللوحات
واعلق واحده فوق صدري
واحط التانيه قدامي
واوصّي لما اروح قبري
يخلوا التالته عنواني
ووحداني .........
ومحدش م البشر تاني
بشوفها بغيرعيون الناس
بشوفها بنبضي والاحساس
قمر وناس..........
سكن في الروح ووجداني
وصورتها
مش مفارقاني
.........
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]