كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 فستان كفن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: فستان كفن    السبت مارس 25, 2017 12:18 pm

فستان كفن 
***
**
*
مش هفارقك مهما قالـــوا ..
مش هطاوع مهما كانـــوا ..
مش راح انسيَ نص عمري وذكرياتُه
أو تغيب روحِكْ وتِبقِي من اللّي ماتــــوا
إنتي عايشه جــوّا منّــي ..
زي عـــين جــوّاها نِــنّي ..
هُمّا بس اللّي ما عرفوا يعني إيه كلمة
حَبيبَهْ..
وفْ عقولهم إنك انتي خلاص حياتِكْ
مستحيله ..
ميعرفوش ان اللّي ميّت جوا جوا قلوبنا 
حيْ .!؟
ميعرفوش انك لعيني زي شمس نهار
وضيْ.!؟
ميعرفوش اني بدونك طول حياتي ماتسوَيَ
شيْ .!؟
أنا اللّي عارف إنتي ليه مستعجله ...
واعرف كمان الرحله ليه مشيتيها قبلي.. وانتي
مش متندمه ...
إنتي مكانك مش بعيــــد ..
إنتي رحتي قبل مني لجل عطرك تِمْــلِي بيه
بيتنا الجـــديد ...
سيبك انتي من كلامهم واسمعيني ...
وحياة غلاوتك 
وحيات سنيني اللي ماشافت يوم قساوتك 
اي واحده غيرك انتي ما تملا عيـــني ...
إنتي وحدك عارفه طبعي وف حياتي أو مماتي تريحيني ..
إنتي بس اللي بعنيكي بدون ما احكي بتفهميني ..
جنب قبرك قصدي قصرك أحلي نومـــه
والبلابل فوق نومتنا جايه تجري حومه حومه
عاوزه تعرف إيه حكاية عشقي ليكي ..
عاوزه تسمع همسك انتي وقولي ليكي ..
حتي القمــــر
باصص علينا وشكله مني غـــــــار عليكي ..
طب هقول لك ..
شايفه مين ...واقفين قصادنا بيكتبوا بورقه وقلم ؟
شياطين لشُـــعرا طمعانين 
بيحولوا همس الكلام نغمة وأمــــل .
مراسيل قلوب للّي اتملوا حسره وندم ..
عاوزين يشوفوا كيف فراقك جوا قلبي صار أمل
وماهوش ألم ...
حتي نجومنا ف لسما فرحانه بينا ..
لما نور النجمه منهم ياجي ضي قصاد عنينا ..
زي عدسه زوم بتلقط احلي صورة وش لينا ..
أحلي صورة لورد ابيض جوا بستان زرع زِينه ..
فاكره لما ف يوم جوازنا
عن جهازنا كتير حكينا !؟
كنتي ملكه وانتي لابسه ابيض ف ابيض
والحَمَار اللي ف وشّك كان خــجل ..
ومكانشي زينه .
النهارده كان فراقك ..قدَرُه جاكي بالعجــــل ..
لكن ف قلبي ما انتهاش منك أجــــل ..
انتي لسه في قلبي لابسه ابيض ف ابيض
إنتي العروسه اللي في قلبها سـرّي شالته واندفن 
فستانك انتي يا حلم عمري
الليله دي اصبح كفن .....
الليله دي اصبح كفن .....


[ندعوك للتسجيل في المنتدى أو التعريف بنفسك لمعاينة هذه الصورة]

 


عرض مزيد من التفاعلات

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
فستان كفن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: