كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 في حب مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: في حب مصر    السبت مارس 25, 2017 1:08 pm

سواعد من فولاذ صافي
بتبني لِكْ قصور المجد ..
وفكر ف عقل اولادك
يجدد لك سنين العهد ...
يامصر يا حته من قلبي ما تتهزيش ..
ماعاش اللي ينول منك
وانا جندي ف ساحات الجيش ..
معايا كل اولادك
معايا نبضي وفؤادك
معايا صحبه بتحبك
ويفدوا بنفسهم دمك
من الجندي ولوا وشاويش ..
أنا نيلك انا هرمك
انا ابنك ومن بطنك
انا اصلك وغيري مفيش ..
لا حر الصحرا نال مني
ولا ف بردك قفلت الشيش ..
انا الحارس علي حدودك
انا اللي يهمني وجودك
عشان لعدوي متوطيش ..
ولا من ندل تحتاجي
للقمة عيش ...
ولا تعولي ف يوم الهم
ترابك هوا فينا الدم
أنا منوفي انا قناوي
انا سويسي وجرجاوي
انا سوهاجي ومنياوي
وحارس بابك الشرقي
لاني صعيدي بحراوي
انا اسواني شرقاوي
وحارس غرب صحرائك
أسد ...فوق سدك العالي
وافدي ترابك الغالي
ولا إني ف ذل أعيش ..
ما تندهيليش ..
انا جايلك بدون صوتك ما يوصلني
ضريبة العز ادفعها انا بدمي
معاي رجال ما بتهابش ولا بتخاف
وعشق الارض ف قلوبهم ويعملوا
من سماكِ لحاف
ولا يناموا علي مذله
ولو ياكلوا ف يوم عيش حاف
اسود ف الحرب تلاقيهم كسيف الحد
لا يعرفوا موت ولا يخافوا ف ساعة الجد
ما تتهزيش ...
ولا بقولهم ما تهتميش ..
شرف ليا اكون جندي انا ف الجيش
لانه حق وعباده
يا إما نصر.. يا اما افوز لي بشهاده
وفي الحالتين انا المنصور
يا اتجوز بنات الحور
يا فوق ارضك بعز أعيش
ما تهتميش ..
............


[ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
في حب مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: