حلفت يمين ..

موضوع: حلفت يمين .. السبت مارس 25, 2017 2:22 pm

حلفت يمــــين !!
***
**
*

حلفت يمين علي نفسي
مقول الآهـ
ولا الله علي بضاعه تكون
فاسده وملهاش سعر..
ولا كلمه تكون هابطه
ومكتوبه ف بيت م الشّعر..
ولا منشور عليه صوره
بشكل يِعـِــــرْ..
حقيقي تعبت من الفاسد
وم اللّي معاهـ..
وم اللّي كتير يِطبل له
ويمشي وراهـ ..
كلام الشعر لا هو لعبه
ولا هفيه ..
ولا كام بيت بيتقالوا
ف أُمسيّه ..
ولا كام سطز يتكتبوا ف ليل
قمره وعصريّه ..
ولا كام حرف يتقالوا يغيّروا
للكلام معناهـ .
منيش هنساهـ ..
حلفت يمين علي عيني
ما تنظر إلا للغالي ..
سواء من قول يكون مكتوب
وياخد العقل طوّالي ..
سواء من ناس بتتواضع
ونجمها ف السما عالي ..
ولا تشوفشي غير البسمه
علي وشوش هالّه كالنسمه
وناسيه الحقد والغيره ..
مخاصمه لأي تكشيره ..
ومن جواها فرحة أم لوليدها
ساعة تحضنه لو تاهـ ..
ودوم فاكراهـ ..
حلفت يمين علي قلمي
ما يكتب غير كلام مدروس ..
أرص حروفه علي كيفي
وللغاليين يكون محسوس ..
لا يخدش قيمه ولا معني
كلام عاقل مهوش مهووس ..
ولا طعمه عسل تلقاه
ومليان سم أو منجوس ..
كلام مكتوب لناس تفهم
وتعرف للكلام معناهـ ..
ساعتها بس مِن يِقرَا
لا هيندم ولا يقول أهـ ..
وهيقول ع الجمال الله ..
*****

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]أعجبني

أعجبني

أحببته

هاهاها

واااو

أحزنني

أغضبني

» يمين بالله ...
» ملامح راحت من عينى وملامح حلفت ما تروحش