كل جديد ومتميز وحصرى تجدونه هنا فى ومضات السها


واحـــــة الإبــداع والفــن والتــألق
 
الرئيسيةالتسجيلدخول

شاطر | 
 

 علمونا ف المدارس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح عبد الشافي
مؤسس المنتدى
مؤسس المنتدى
avatar

عدد المساهمات : 11454
العمر : 57
الموقع : قطر

مُساهمةموضوع: علمونا ف المدارس   الأحد أبريل 09, 2017 7:52 pm


[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

***
**
*
علّمُونا ف المدارس
إن خير مصر ف إيدينا
لو مزارعك أو مصانعك 
إحنا شايلنها ف عنينـا
أو موادنك لما ساعة الفجر تنده
قمنا لبينا وأتينا
علمونا ف المدارس
إن ساعة الصبح بدري 
فيها رزق . وطوق نجاه
كلمه قريناها ف كتابنا وحي كانت م الإله
إحنا عمالك يابلدي
نِتْــــوِجِعْ ...لو قلتي آهـ
أحنا زرعِك جُوّا أرضِك ..
والسواقي دايره فيكي
لجل تتكحل عِنيكي
وتشوفينا بنحمي عرضِك ..
والسنابل فوق وشوش الناس بترسم ضيّها
والشمس طالعه ع الغصون وراسمه لينا ظلها
وف مصانعك مكنه دايره بتصنع
من خيوط الشوق تيابنا
لجل كلمتنا وقرارنا
يكون أساسه من دماغنا
حتي طواحينا وغلالنا
حتي وسيوفنا ورماحنا
م الجدود وارثينهم احنا
أصلهم من عهد خوفو يوم
بنينا الأهرامات ..
وحمينا أرضك م اللي غازي
واللي طمعان واللي ناسي
واللي صوّر لُهْ خياله إننا هنكون سكات ..
إحنا سيفك ...إحنا دِرعك 
ف الحياه أو ف الممات ...
والدليل إستنّي أقولّك
لما ( يوسف) خد إشاره من (عزيزك )
وإنه يُبقَيَ يكون أمين.. ويملا خيرك جوا كيسك
الخير ساعتها فاض وزاد ..
وغطّي حاجة كل واحد 
م العبــــــــــاد ..
حتي الدوا ..
صنعوه ولادك م العِطاره
علمونا في المدارس
إننا أصل الحضاره
إحنا مش فقرا ياغاليه 
إحنا ناقصانا الإداره 
*************

_________________
[ندعوك للتسجيل في المنتدى أو التعريف بنفسك لمعاينة هذا الرابط]
***ما ندمت علي شئ ندمي علي يوم*** ***غـــــــــربت شمـــــــــــــــــــسه نقص فيه اجلـــــــي***ولم يزد فيه عمــلي***
الرجوع الى أعلى الصفحة اذهب الى الأسفل
 
علمونا ف المدارس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الادب والفنون واقلام الاعضاء :: سحر الكلمات لشاعر الومضات-
انتقل الى: