إقروا الفاتحه

موضوع: إقروا الفاتحه الأحد أبريل 09, 2017 8:46 pm

اقروا الفاتحه
***
**
*
لمّــا طـــــــفله تمد إيدها
تِِنفي تهــــــمه من عليها
وطـــــفله تانيه بالبراءه
منها تِتكتّــــف إيديـــــها
يبقيَ لازم فــــيه ما بينّا
حاجه تتكســـفي تقوليها
حاجه يامّه ف السلــوك
بيع وغدر وطعن خنجر
حاجه من ظلم الملــــوك
لما رفضــوا لعبله عنتر
باعوا اصــل وإبن عــم
واشتروا بالباقـــي زينه
وعاشوا هم وضيم وغم
والعروسه تبات حزينه
لما طـــــــــفله تمد إيدها
بتدعِي ع الظـــــــالم إله
وطفله واقفه جنب منهـا
مِنّــه منتظره رجـــــــاه
يبقي إحــــنا العيب علينا
وضــــــاع أملنا لمنتهاه
يبقي إحنا أمّه فاســـــــده
والعـــــدو صحّت معــاه
لمـــا طـــــــفله تمد إيدها
والهلـــــــع باين عليهــــا
والــبراءه جـــنب منــــها
فيها خوف جوا ف عنيها
يبقي لازم إحــنا أمــــــــه
للشــــــــرف بعنا أصوله
واشتروه منا بدراهــــــــم
شيك وصرفُه بيمنعوا له
إشتروا منا الكـــــــــرامه
بعنهالهــم بالحــــــــــمايه
وعشـــنا زمنك ياندامـــه
للأســـــــف ونقولوا غايه
لما طـــــــــفله تـــمد إيدها
بذُل نفس وعيش محــــال
يبقي لازم نقروا فاتحـــــه
علي زمانك يا جمــــــــال
***********************
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

» اطول نفس فى قراءة الفاتحه واول سورة آل عمران من الشيخ رأفت حسين