إضحك مع شروط الترشح لرئاسة الجمهورية مسخـــــــره

تأثرا بالاعلان الدستوري الذي أعلنه المجلس الأعلى للقوات المسلحة والذي يحدد الشروط الدستورية التي يجب أن تنطبق على مرشحي الرئاسة في الإنتخابات القادمة، انطلق نشطاء موقع تويتر هم الآخرون في إعلان شروطهم التي يريدون أن تتوفر في الرئيس الجديد المنتظر.

وتعكس الشروط المقترحة كم كبير من الأمنيات التي يريدها المصريون في رئيسهم الجديد، فهم يطمحون في رئيس من صنع رغباتهم وأمانيهم، خاصة وأن معظم الذين شاركوا في وضع تلك الشروط هم من أبناء العصر المباركي المخلوع، وهو ما يبرر وجود الكثير الشروط التي تريد ابعاد أي كلمة أو وصف أو تعليق أو حركة أو ايماءه كان يصدرها الرئيس المخلوع!

فجاء في الشروط "الشعبية" ألا يكون الرئيس الجديد منوفيا، وألا يستخدم مصطلحات مثل "محدودي الدخل"، "المرحلة المقبلة"، "لا مساس"، وغيرها من العبارات والجمل التي كان تتردد على مسامع الشعب المصري كل أول مايو!

وفيما يلي بعض من الشروط التي اقترحها شباب موقع تويتر الاجتماعي حول الرئيس المصري الجديد:

كل يوم الصبح يسمع أغنية دامت لمين.

ما يعملش زيارات مفاجئة للمصانع يوم السبت الساعة حداشر، احنا اللي حنعمل له زيارات مفاجئة كل تلات ساعات.

مايفتكرش انه عشان بقى رئيس انه قائد الثورة

مايقولناش الإخوة و الأخوات.. أمي ما خلفتش غيري انا واخواتي

الي يقول كلمة بناء علي تعليمات السيد الرئيس يعدمة مباشرة من غير محاكمة

يكون بيتكلم و يفهم إنجليزى من غير ما يطرطق ودانه

ولو نجح بنسبة اكتر من 60% في الانتخابات يتحاكم

يبقى عارف اننا منتخبينه هوه مش هوه ومراته و ابنه و اخواته و امه و عيلته كلها

يبقى عنده فيسبوك و تويتر بس معندوش فارم فيل ..ويكتب تويت واحده ف اليوم عشان ميضيعش وقت الشعب

ميكونش ف لمعان و بريق حمادة هلال

يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم

مراته لازم تاخد لقب سيدة مصر الأخيرة

مايقعدش فى القصر الجمهورى ياخد شقة ايجار جديد احسن

لازم كل جمعة بعد الصلاة يزور منطقة ويتكلم مع اهلها

ياكل العيش أبو شلن ويشرب من الحنفية

ماتكونش البدله بتاعتو مكتوب عليها اسمه.. عايزينه يجيب بدل من عند ابو نسمه

المفروض يقعد يفر كل حاجة في البلد ، يا راجل كبر مخك.

لازم يبقي عنده ريسيفر وتيلفزيون وبيتفرج علي قناة الجزيرة

بيقول الكيان دوله الإحتلال مش دوله إسرائيل

مايكونش عمل أي ضربات جوية أو أرضية أو فضائية يذلنا بيها

مش كل ما نكلمه يقولنا عيب انا زي ابوكم

ميعطلش المرور عشان يروح مشوار يمشي في الشارع زيه زينا ياما يستخدم الطياره

الخوف من وجهه نظرى هو نتجيه لخوف الناس من نهايه كل شىء بيعكس اردتهم فيخافو حتى من بدء البدايه

لا يبدأ اي جملة بكلمة "سنظل"

ما يقولش على منتخبنا كويس ومايتصلش بحسن شحاته ولا يزور اللاعبين في التمرين.

لازم مايكونش راعى الرياضة والرياضيين ولا راعى الثقافة والمثقفين ولا راعى الفن والفنانين.

ميضحكش علينا ويروح يفتتح نفس الحاجه عشرين مرة.

ميكونش بيصلي العيد قبل العيد ما يبدأ و تلاقي صورته ملطوعه عالاهرام يوم الوقفه الساعه اتناشر بليل.

يبطل كلمة نشجب و ندين.

مايكونش من محبي الاستقرار..

الناس يا حول الله زهقت من الكلام ده

من كتر ما ردده الرئيس السابق

ولو يلقوا عدل يقولوا خليه يقعد علي قهوة سطوحي معانا

شكرا زهره
..................

ولا يقعد على الأرض زى ما عمل وزير التربية والتعليم فى آخر أيامه

باختصار كده الناس زهقت ومحتاجه لرجوع حاكم زاهد كما قرأوا فى سيرة الراشدين

شكرا ابو جمال

شروط مضحكه دول مش عايزين رئيس جمهوريه دول عايزين

غفير جمهوريه خصوصى والله الشعب المصرى ده شعب نكته

صحيح وحلوه حكاية البدله اللى من عند ابونسمه دى

شكرا ام شروق على الموضوع المضحك بس الايام الجايه

هيختلط فيها الجد بالهزار وربنا يستر

اصل انت مش واخد لبالك يا سعيد

الريس المخلوع كان بيلبس بدلة مخصوصه

مكتوب عليها اسمه مش عارفه كان بتكلف قد ايه

مبلغ كبير يعنى

بس انا بقترح يفصل بدلته عند الترزى بتاع شعبان عبد الرحيم

اظن بعد كده مفيش كلام

ناقصهم شرط واحد بس
انه يغسل قدميه قبل النوم
ويشرب اللبن ويكلم كل واحد في الشعب ويقوله تصبح علي خير
هههههههههههه اضحك الله سنك زهرة

قهوة سطوحى

وقهوة سعيد

هذا ما تعنيه ابو جمال

بس انا توصلت لحل فى هذا اللغز

المحير

والحل هو

العجل فى بطن امه

ناسف على الالفاظ الخارجه

ولكن هذا هو ما ااال اليه حالنا

شكرا ام شروق

والله لو عملهم قرد بيتنطط

برضه ما هايعجب

شكرا عبقرينوو

شكرا ابو مرح

» إضحك مع الصور
» كنانة يتراجع عن الترشح لرئاسة الجمهورية
» أحدث مرشح لرئاسة الجمهورية
» انتخبوا مرتضى منصور لرئاسة الجمهورية
» ابن دشنا محمد على بلال يترشح لرئاسة الجمهورية