تخاريف وشيئ مخيف

في البدايه ان هذه الكلمات لاتعبر الا عن ما يدور بداخلي

لما اشاهده حالياً علي الساحه المصريه وما يجري فيها

وهذه الكلمات لاهي شعر ولاهي زجل وانما تعبير عن

حزن واستغراب لما يحدث في البلاد

اه منكم ياعرب

بقول الاه منكم ياعرب وفي حاجه فايتاني

ثوارتكم كانت جميله ومن البدايه عجباني

وقفتم في الميادين رجاله وقلتم لا للظلم من تاني

مسلم مسيحي الكل متكاتف وايد واحده لانه من زمان تعبان وبيعاني

صغير وشايب من بحري ومن قبلي سوهاجي كان ولا اسكندراني

الكل هتف وقال لا للفساد ولازم حقي يرجعلي من تاني

وف لحظه نسيتوا كل الكلام واختلفتم علي عبير وكامليا وتهاني

عبير مسلمه او مسيحيه في الاصل مصريه يا اخواني

قتلتم ابرياء واتصاب المئات من من الطرفين في ثواني

لحظة غضب تفرق ما بينا ليه والشيطان كأنه قاعد معانا وسطاني

عمال يقول للفتنه تعالي وهاتي الدم وكلكم من الاخر في احضاني

سمعناها زمان حكمه واهلنا عملوا بيها الظاهر نسيناها يا اخواني

فاكرين لما قالوا بلاد العرب اوطاني وكل العرب اخواني ؟

الاه منكم بقولها ووالله في صدري بتألمني ووجعاني

علي ناس رجاله كرام راحوا ضحايا مش شهاده والله يا اخواني

دول ماتو في لحظة جبن من شيطانك وشيطاني

فالحين بس نتكلم ونقول فلول الوطني رجعت لنا هنا تاني

ونسينا من الاساس انها شماعه بيعلق عليها الواحد غلطه للتاني

الغلط مننا احنا عرب مسلمين مصريين مسلم كان ولا نصراني

مطول عمرنا عايشين حبايب جيران واخوات وانت في حالك وانا ف حالي

عايشين في سلام جرجس محمد حنا ويوسف ولاكان كامليا ولا تهاني

قطيعه تاخدهم خسرونا بعض ولا واحده فيهم تسو ضفر راجل راح في ثواني

الاتنين عايشين مبسوطين وشبابنا احنا هنا ضايعين وف الاساس الاتنين اصلهم فاني

حسبي الله ونعم الوكيل فيهم قادر يخلصنا منهم وترجع الامور هاديه ما بين الطرفين من تاني

لاكمليا ولا عبير يستاهلوا يموت عشانهم مسلم ولا حتي والله نصراني

مع خالص تحياتي للاخوه المسلمين او اقباط

ابو حسام

ايه التجليات دى يا عبقر والله يسلم لسانك

بس خد بالك لسه فيه تاااانى جاى غير كاميليل وعبير

فيه حاجات مش مظبوطه بتحصل

يعنى ايه واحده نصرانيه فى التوقيت دا بالذات تعلن اسلامها

بعد شويه يقولوا الكنيسه خطفاها وتطلع هى تنكر بعد كده

لسه المسلسل ممتد

لازم نفوق للمؤمرات المدبرة لتفتيت الوطن

سواء كانت من سلفيه او من اقباط المهجر او حتى دول اخرى

لازم نفوق ونرجع نسيج واحد

شكرا ام شروق لتشريفكالتخاريف بتاعتي هههه
بس فعلا ربنا يستر من اللي جاي لسه
البلد علي شفاه حفرة من النار علي الهاويه يعني
لوفضلنا كدا علي نفس المنوال السائد حالياً يبقي
يالله السلامه علي البلد ورجالها وشبابها
نتمني من الله ان تمر هذه الازمه بسلام ان شاء المولي عز وجل
تقبلي وافر التحيه والتقدير مرة اخري لتعليقك وتعقيبك
المميز والهادف فعلا

انت دايما طالما تقول تخاريف يبقى هتيجى على الجرح وهتقول

كلام فى الصميم يا ابوحسام .كلمات قمة فى الجمال ورسالة

الى كل مسلم ومسيحى لنبذ العنف والفرقة .فالاقباط وصانا

بهم رسولنا الكريم صلى الله عليه وسلم ونعيش سويا على ارض

مسلم اخوة شعارنا الدين لله والوطن للجميع .ماالذى حدث؟

هل سنظل دوما نلقى بالتهم على غيرنا ؟ ان كان اتهامنا

موجه لفلول النظام القديم فنحن من سمحنا لهم بزرع الفتنة

والفرقة بيننا .شكرا عبقرينوووو على هذه الكلمات القيمة

التى تعتبر حقا تخاريف فى زمن اصبح الحق فيه درب من

دروب الجنون واصبح الباطل فيه حق ويصان.

الله الله الله

ايه الجمال ده يامدير؟؟؟؟؟؟؟؟

فينك من زمان ياراجل

معالجه جميله لاحداث اقل ما توصف به انها

تؤدي الي دمار البلد

ولكن عباراتك رشيقه ورائعه

شكرا ابو حسام
..............

اخي الغالي / سعيد العارف
انت عارف والله الواحد حالياً
مش عارف ان كان صاحي ولا بيحلم
بسبب الاحداث الجاريه
فهي عبارة عن كابوس
ربنا يرحمنا ونصحي منه علي استقرار البلاد
تقبل تحياتي وتقديري لشخصكم الكريم

عمنا الكبير المحترم / ابو جمال
تحيه من القلب لااغلي الناس علينا
اشرقت الانوار بتشريفك المميز للموضوع
وهكذا انت دائماً تشد من ازرنا وتسندنا كمان ههه
ربنا يبارك فيك وميحرمناش منك يارب

جميل يا أبو حسام فعلا تستحق لقب عبقرينووووووووووووووووووووووووو

اخي الاستاذ/ احمد
اسعدني جداً تشريفك للتخاريف
هههه ياعمنا لا عبقر ولا حاجه هما بس بيحبوا
يكبروا المواضيع شويه ان كانت زهرة ولاسعيد

لا دا تواضع منك انت فعلا تستحق بس أنا نفسى أسمع أى حاجه بصوتك حاول

هههههه يا عم انت مصمم انك تسمع صوتي
مين قالك بس اني مطرب ؟؟؟؟
والله مش مطرب ولا منشد هههه
ولا عمري كمان غنيت انت ليه واخد عني الفكرة دي ؟

بصراحه يا عبقرينووو

ليه تبخل يا عم جابر قول واحنا سامعين

الشيخ احمد نسى اننا احنا اللى عايزين تلاوات بصوته

ومدائح نبوية فهو مقرىء ومداح ..امسك فيه يا ابو حسام اوعى تسيبه

انا هعمل معاه الواجب متقلقيش هههه
دا حبيبي

كلكو على ولا إيه عموما أنا هجيب تلاوه بإذن الله بس مينفعش أنزلها أنا هكلف حد تانى ينزلها/ طالما قولت شعر يبقى لازم تعرف تلقيه ولا هههه

ههههه شتان بين هذا وذاك يا شيخ احمد
بلغة المشايخ دي نقرة ودي نقري تانيه هههه

هههه أنا برده مصر إننا نسمع حاجه بصوتك ومعاك المهل ولا انتى مش معانا يا زهره

اقسم بالله
وعزة جلال الله
ورحمة خوالي اللي ماتوا من الخضه
ورحمة مرات بنت عمة جوز اخت خالة ام مرات صاحبي
انا معرف اعمل اللي بتقول عليه دا

طيب حطلنا صوره حلوه عاوزين نشوفك ولا دى كمان صعبه

لا ابدا مش صعبه ولا حاجه
بس ربنا ما يوريك الوحش هههه
متشفش وحش خالص يارب
صورة حسام ابني موجوده مش الولد خليفة ابوه يا عم الشيخ ؟ هههه

ما شاء الله زى العسل ربنا يحفظه ما شاء الله العسل يخلف عسل متشوفش انت وحش يا عم حسام برده مش هيأس منك أبدا يا عسل

جميل جدا ابو حسام ,كلامك غاية فى الروعة وانا معاهم انك فعلا تستحق لقب عبقرينو,نرجو المذيد من هذة الابداعات,.اما بخصوص الموضوع اذى تحدثت عنة فنحن على امل كبير فى الدكتور احمد الطيب فى تسوية هذة الامور,ربنا يوفقة ويبعد عنة الفتن

خد بالك ياشيخ احمد
اخوك نفسه طويل جدا جدا انت لسه متعرفش اخوك
عندي صبر يكفي بلاد بأكملها هههههههه

تشرفت جداً بمرورك الطيب اختنا صفيه
تقبلي وافر التحيه والاحترام
ونتمني من الله ان يوفق شيخنا الجليل
ان شاء الله الي ما فيه من استقرار البلاد وانهاء
تلك الازمات وليست الازمه

» من تخاريف ابو حسام
» تخاريف / بقلم ابوحسام
» تخاريف ابو حسام لسه بتسأل افتكرتك