| خواطر ا بو العبا دى | |
|
+5زهرة الجنوب ابو حسام عبد الفتاح عبد الشافي احمد ابو عاصم محمد ابوالعبادى 9 مشترك |
|
كاتب الموضوع | رسالة |
---|
محمد ابوالعبادى مشرف المنتدى العام
عدد المساهمات : 933
| موضوع: رد: خواطر ا بو العبا دى الثلاثاء مارس 22, 2011 7:40 am | |
| اليو م مع الغريب
غريب وطال بى السفر
غريب والعمر من بين ايدى ارتحل
غريب ادور على اللى تاه منى
غريب والجرح جوا الحشى يالمنى
غريب وغربتى طالت
غريب والجروح جواى بانت
غريب وغرتى معندانى
والاه بقولها بتحلالى
@@@@ @@@
اه منك يا زمان واه
للحزن واخدنى ويا الاه
وعن الفرح بتبعدنى
وتسقينى المر فى كاسات
اضحك انت تبكينى
افرح للحزن تودينى
ولما اشوف الفرحة بتجينى
احس بنار الحزن بتكوينى
ولكنى هظل صابر ولربى ذاكر
ومحافظ على ايمانى
وتعاليم وامور دينى
محمد ابو العبادى
| |
|
| |
عبد الفتاح عبد الشافي المراقب العام للمنتدي
عدد المساهمات : 11453
| موضوع: رد: خواطر ا بو العبا دى الثلاثاء مارس 22, 2011 1:19 pm | |
|
شكرا ابو حسن
يبدو ان الحزن اصبح سمه اساسيه من ثقافة مجتمعاتنا
ودائما ما نتوق اليه حتي في عز افراحنا
الم ترانا حتي ساعة ان يضحك الانسان منا بشده
وعند الانتهاء من الضحك يقول ....اللهم اجعله خير
اي اصبحنا نخشي حتي من البسمه والضحكه لربما يعقبها شئ يكد صفو حياتنا
وما اكثر المكدرات والمنغصات في هذا الزمان ...............
| |
|
| |
محمد ابوالعبادى مشرف المنتدى العام
عدد المساهمات : 933
| موضوع: رد: خواطر ا بو العبا دى الأربعاء مارس 23, 2011 10:38 am | |
| بالفعل صديقى
الحزن سمة من سمات المصريين
حتى تجدنا سريعى البكاء
فى حالات الفرح والحزن
ويشدنا كل ماهو جزين حتى
الاغانى
عزيزى تقبل تحياتى
| |
|
| |
محمد ابوالعبادى مشرف المنتدى العام
عدد المساهمات : 933
| موضوع: رد: خواطر ا بو العبا دى الأربعاء مارس 30, 2011 4:26 pm | |
| هذه القصيدة كنت قد كتبتها بتاريخ 25ديسمبر1998
وقد القيتها فى امسية مع الشا عر الكبير عبد الرحمن الابنودى
فى نادى الجسرة الثقافى القطري وهى بعنوان ايام الغربة
عن ايام الغربة ياما حكولى
وفى ارض النفط يا ما وصفولى
قالوا هما سنتين ولا تلاتة
وترجع يامحمد بالدهب واللولى
طقة فى دماغى اجرب واشوف الدهب واللولى
انا رايح للرزق يامى
انا رايح للرزق ياخالة
بلاد النفط عايزة اللى عمرها
ارض النفط محتاجة للرجالة
وحياتكوا تقولوا لفوزية
تعمل معروف تستننانى
راح اغيب سنتين ولا تلاتة
وان شاء الله هرجع تانى
خدى بالك يا مة من نفسك
وادعيلى كتير ربنا يستر
وتقولى لفوزية وشرفى راح اجيبلها راديو ترانزو ستر
سلاماتى لعبلة وعيد واحمد والواد سيد
ولعمى خليل الف سلام
وان جالك يامة الواد ناجى
يتكلم تانى عا القراطين
تقوليلو العقد اما انا اجى
وده برضه راى الريس حسانين
وان جه عزوز يسال نى
تقوليلو راح عا الرزق يدور
فى ارض النفط ياما وصفولى
راح اجيب الدهب واللولى @@@ @@@ @@@
وسافرت فى يوم كان يوم ابيض
على واحة جميلة اسمها قطر
لافى ارضها كدب ولا حقد اسود
ولا غير الطيبة بتظغطط
وجم الكفلة يخطبوا فينا
قالوا بس تغنوا الله اكبر
وان شاء الله الرزق هيكون لينا
وفى يوم كان رطوبة وحر
والخلق ماشية تجر فى رجليها جر
قالوا فيه غزو وحرب
انا قلت اه عملوها العدى
وانتهزوها فرصة للحرب
قالوا الاخوة فوق يا ابله
العدى ما فيش لينا معاهم حرب
دى حرب فى قلب الشرق
حرب بين اخوات وحبايب
الود كان يوم بينهم زايد
قلت استر يارب
اخوات وحبايب طب كيف يحصل بينهم ضرب
قالوا الاخوة كل شئ ممكن كل شئ جايز
ما احنا فى زمن العجايب
قلت استر يا ساتر
دا احنا غلابة لا نعرف نصنع مدفع ولا دبابة
وطال الغزو قول كام شهر
لا عرفنا نصلح ولا نحسم امر
وفى لحظة دخل الشيطان دخل المكر
خطط ودبر وقال انا احسم امر
ولملم وفود وجيوش جرارة
وعملوها حريقة وغارة
حتى العرب يومها لبسو النضارة
نضارة سودة لاشافوا بيها طريق
ولا شعروا بايد غدارة
وخلى الغزو وخلى الغزو
قالوا فيه اسلحة محظورة
لابد نبيدها لازم نعمل حظر
لجل ما يهدد جار
ولا غابة سكانها كلاب مسعورة
وطال الحظر شهر ورى شهر
سنة ورى سنة
غارة ورى غارة
طفل بيلهث لاطايل لقمة ولا ثدى الام
كهل بيصرخ شربة دوى علبة مصل
ام بتنوح بتظرف بدل الدموع دم
اتالمنا يمكن بكينا يمكن
لكن ليهم مدينا ايدينا
بنفلف وندور ونمصمص فى شفايف
ونقول وين الحل والحل مش تايه
الحل فى ايدينا الحل فى ايدينا
محمد ابو العبادى
عدل سابقا من قبل محمد ابوالعبادى في الأربعاء مارس 30, 2011 9:33 pm عدل 1 مرات | |
|
| |
عبد الفتاح عبد الشافي المراقب العام للمنتدي
عدد المساهمات : 11453
| موضوع: رد: خواطر ا بو العبا دى الأربعاء مارس 30, 2011 4:38 pm | |
|
شكرا ابو حسن
اسعدني الحظ بسماع هذه القصيده مباشرة منك
في هذه الامسيه الثقافيه بنادي الجسره الثقافي
فقد كنا سويا نحضر هذه الامسيه لشاعر العاميه
الاستاذ الابنودي ........والتقطنا معه بعض الصور للذكري
ولا زلت احتفظ بهذه الصور للذكري
واذا اردت عما قريب انزلها في المنتدي ...........
| |
|
| |
ابو حسام المراقب العام للمنتدي
عدد المساهمات : 9558
| موضوع: رد: خواطر ا بو العبا دى الأربعاء مارس 30, 2011 8:15 pm | |
| الله الله ايه الكنوز الجميله دي ياعمنا الغالي كانت فين الدرر دي كلها وليه مش بتشارك في الرباعيات ولا خايف علينا نقحم من مشاركاتك القيمه وبخلان علينا بيها ؟؟؟ تسلم الايادي ويسلم القلم الجميل الذي طالما يشجينا بأعذب الكلمات بارك الله لنا فيك ولاحرمنا تواجدك المميز | |
|
| |
محمد ابوالعبادى مشرف المنتدى العام
عدد المساهمات : 933
| موضوع: رد: خواطر ا بو العبا دى الأربعاء مارس 30, 2011 8:41 pm | |
| عزيزى ابو جمال
كويس انك لسة فاكر والله
لان الموضوع بقاله سنوات
على فكرة انا برضه محتفظ
بالامسية دى فديو وياريت
تعرض الصور فى المنتدى
عزيزى تقبل تحياتى
| |
|
| |
زهرة الجنوب ...........
عدد المساهمات : 26070
| موضوع: رد: خواطر ا بو العبا دى الأربعاء مارس 30, 2011 9:23 pm | |
| ترجع بالدهب واللولى دى لوحدها عايزه نقاش طويل يا استاذ محمد الغربة مرة حتى لو كان فيها دهب ولولى ومرجان سنين بتتسرق وتغرب عن الاوطان واهى ايام شكرا استاذ محمد | |
|
| |
محمد ابوالعبادى مشرف المنتدى العام
عدد المساهمات : 933
| موضوع: رد: خواطر ا بو العبا دى الخميس مارس 31, 2011 12:19 pm | |
| اخى ابو حسام
شاكر لك مرورك العطر
وقفشاتك الجميلة التى
دائما ما تضئ بهاصفحاتى
اما الرباعيات فهى كسل وعملية
وقت فقط لاغير وبعدين انا اللى
خايف تقحمونى بابداعاتكم
عزيزى تقبل تحياتى
| |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: خواطر ا بو العبا دى الخميس مارس 31, 2011 6:51 pm | |
| اختى العزيزة زهرة
كل منا تراوضه الاحلام حين ينوى
السفر وكان خزائن الدنيا ستفتح
له ويتمرد على وضعه فى وطنه وللامانة
ليس كل من ترك وطنه وسافر متمردا ولكن
منهم من اجبر على ذلك من ضيق ذات اليد وعدم
الحصول عل فرصة عمل وكل منا يصدم بواقع الغربة
الاليم وفراق الاهل والاحباب وضياع العمر
مما دعانى وبعد فترة من الغربة ان اطلق
على الغربة بان الغربة تربة
عزيزتى تقبلى تحياتى
| |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: خواطر ا بو العبا دى الخميس مارس 31, 2011 10:21 pm | |
| شكرا استاذ محمد ابوالعبادى على هذه الكلمات
الجميله والرائعه والوصف الدقيق للاحداث والاحساس
بالاخوه العربيه وهى اخوة دم لا مفر منها الا اليها
جعلنا الله دوما اخوه فى الله وجمعنا دوما على الخير | |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: خواطر ا بو العبا دى السبت أبريل 02, 2011 4:20 pm | |
| عزيزى سعيد
الهم العربى هو هاجسى كما كان هاجس
الزعيم جمال عبد الناصر وهاجس كل عربى
لاننى او مئن بانه لا مناص من الوحدة ولا
تقدم لهذه الامة الا بوحدتها وتماسكها تنفيذا
لكلام الله سبحانه وتعالى حين قال واعتصموا بحبل
الله جميعا ولا تفرقوا صدق الله العظيم
عزيزى تقبل تحياتى
| |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: خواطر ا بو العبا دى السبت أبريل 09, 2011 12:41 am | |
| - عبد الفتاح عبد الشافي كتب:
شكرا ابو حسن
يبدو ان الحزن اصبح سمه اساسيه من ثقافة مجتمعاتنا
ودائما ما نتوق اليه حتي في عز افراحنا
الم ترانا حتي ساعة ان يضحك الانسان منا بشده
وعند الانتهاء من الضحك يقول ....اللهم اجعله خير
اي اصبحنا نخشي حتي من البسمه والضحكه لربما يعقبها شئ يكد صفو حياتنا
وما اكثر المكدرات والمنغصات في هذا الزمان ...............
| |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: رد: خواطر ا بو العبا دى الجمعة أكتوبر 14, 2011 6:21 am | |
| ما احوجنا الان الى الوحدة الوطنية | |
|
| |
محمد ابوالعبادى مشرف المنتدى العام
عدد المساهمات : 933 العمر : 59
| موضوع: مصر لا تحزنى الثلاثاء مايو 29, 2012 1:09 pm | |
| مصر لا تحزنى
مصر لا تندمى ... وانتظرى ماهو قادم
مصر لا تحزنى .على شعب ... ... بات اكثره ... قطيع من البهائم
غرته .. لوثته ...الفلول والعمائم
اراد شرفاؤك .. ان يحرروه
وقدموا ارواحهم ... ودمائهم
دون انتظار لمقابل
فاستنطع ..وأبى الا
ان يكون فى الرذائل
مصر لا تحزنى
وانتظرى جيلا .. قادم
جيلا يرفض المذلة
نظيف السريرة والضمائر
جيلا يرفض انصاف الحلول
يأبى البدائل
فنحن جيل قد تعفن .. نرفض العزة
ونستكين عند الشدائد
فألفظينا ..وامقتينا
وارمى بنا خلف المدائن
مصر لا تحزنى
وأستبدلينا ..
من نيلك .. من ترابك .. بجيل قادم
جيل يأبى المهانة
يمقت الصغائر
مصر لا تحزنى
فلا مكان بأرضك
لمن أدمن الانكسار والهزائم
هذا حمدينك ... وذاك فتوحك
شرفاء .. مزقتهم الدسائس والضغائن
تكالبت ...عليهم فلول
تساعدها عمائم
وأتو بشفيق .. نقبوا .. واستخرجوه
من بحر الرذائل
كى يكسر فرحتك
يخمد ثورتك
فى يوم حزنه .. هائل
يغمد سيفك ..يعرى جسدك
بين العدى والقبائل
مصر لا تحزنى
فما دام نيلك يجرى
وبطون نسائك .. لم تنضب
فان فجرك قادم .. فان فجرك قادم
محمد ابو العبادى | |
|
| |
| خواطر ا بو العبا دى | |
|