خناقة قديمة وذكريات جميلة تحت عنوان اضحك على الزمالك بس اوعى ينضحك عليك

كنا عملنا موضوع قبل كده عن الزمالك وكان ابطاله الثلاثى حماده وزهره وسعيد

حبيت اجدده ونفتكر الذكريات القديمه

انا بدأته هكذا

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

بعد كده جا حماده عبقرينووو ورد على بالشكل ده

ليه كدا يازهرة
انتي كمان هتنضمي للحزب التاني وعاوزين تطفشوني
؟
ليه ايه السبب مش كفايا كدا ولا ايه ؟

علي فكرة انتي كدا بتعملي حجات غريبه وقاصده انك تخليني ازعل
كفايا بقي يازهرة كده مش هينفع

طبعا انا رديت عليه

ايه يا عبقرينوو
ما انت طول عمرك بتتقبل الضحك
ومش متشدد لا لزمالك ولا غيره

ايه اللى جرى المره دى
بنهزر يا اخى

جا عبقرينوو رد على تانى وقال

لا يازهرة كدا كتير بجد
كل شيئ وليه اخر

خناقة قديمة وذكريات جميلة تحت عنوان اضحك على الزمالك بس اوعى ينضحك عليك B64c06f539eee2619bc8802200be7c3c_lm

طبعا انا كده نفذ صبرى ورحت راده عليه

يا استاذ حماده سيادتك
انا لا افتعل معك الخناقات

وواضح كده انك متحامل على

وزهره ما حدش يرميها على الارض
ولعلمك انا كنت حاحذف الموضوع علشان خاطرك

لكن بعد اللى انت عملته مش حاحذفه

ومش حايهمنى زعلك

ودقايق واكمل لكم باقى الخناقه

ابو حسام مسكتش قاللى

مهو انتي لو مش بتفتعلي الخناقات مكنتيش عملتي كده
وانا كمان كنت هحذف المشاركه بس كده هخليها برضوا ومش هيهمني زعلك

رديت انا عليه ...الحكايه على فكره لسه مطوله محدش يزهق

مش من حقك انك تحذف لى موضوع يا استاذ حماده

ولو سمحت كفايا كده
انا مش حاسامحك ابدا على اللى بتقوله ده

دخل بقى سعيد مش مصدق ان عبقرينوو وزهره عاملين وصلة الخناق دى وقال

كده يبقى أحنااللى هيضحك علينا ولا أيه؟

جا ابو حسام رد

بصي يا استاذه
وانتي مش من حقك تحذفي اي موضوع ليا
رحم الله الانسان الذي يعرف قدر نفسه

لا يااساتاذ سعيد
كده انا اللي بيضحك عليا
والاستاذه بتتريق كمان

سعيد حب يلطف الجو راح قال

معلش ياحمادة أحنا بصراحة زودناها معاك

برضه حماده مش ساكت

لا يا استاذ سعيد الاستاذه واخده الامور كلها هزار والموضوع زاد عن حده

سعيد فهم اللعبه وقال

أنا صراحة معاك هو الموضوع زاد عن حده قوى

دخلت انا بعد طول صمت وقلت

اسكت انت يا سعيد

واضح كده ان الحكايه مش حكاية زمالك

خليه يقول اللى فى نفسه

رد حماده

لو انا غلطان حد يقولي ؟
لكن بالشكل ده معلش مش هينفع ابداً
اعترض وبشده

لا يا استاذه ميسكتش خليه يتكلم
انا لو في نفسي حاجه هقولها مبخافش من حد
بس انتي شوفي انتي بتعملي ايه وبتقولي ايه

سعيد عجبته اللعبه دخل قال

بس أنت ياحمادة قلت انك مش بتزعل من الموضوع ده ولا هو كلام وبس

انا بقى مبالغة فى الاستفزاز رح خناقة قديمة وذكريات جميلة تحت عنوان اضحك على الزمالك بس اوعى ينضحك عليك Comdy

ت جبت الصوره دى

استشاط عبقرينوو غضبا وقال

ماشي بس الانسان مننا له طاقه والواضح ان الاستاذه ليها اغراض اخري مش موضوع زمالك ياسعيد

اتفرج ياسيدي
ده اسمه ايه ؟ مش استفزاز يعني ولا ايه ؟
اتكلم انت بقي علشان ما ؟؟؟؟؟

قول كلمة الحق ياسعيد

سعيد دخل قال له

بس كلمة الحق هتزعلك ياحمادة وانت لسة بتقول خليك صريح مع نفسك

حماده رد على سعيد

قول ممش هزعل منك لانك حبيبي
اما ناس تاني لالالالالالالالالالا
مش هقبل اي كلمه الا بعد الاعتذار العلني

نزل سعيد بقى بالضربه التقيله وقال


أنا بصراحة يا حمادة شايف أنك أنت غلطان ماهو مااللى يشجع الزمالك يستاهل اللى يجرالله

أنا بصراحة يا حمادة شايف أنك أنت غلطان ماهو مااللى يشجع الزمالك يستاهل اللى يجرالله

حماده فاض بيه

حتي انت ياسعيد
ايه الحكايه يا اخونا ليه العمايل دي
هو علشان سكت يبقي خلاص بقيت لقمة طريه وكل واحد منكم يتكلم شويه ؟
لا معلش كل واحد يعرف بيتكلم ازاي ويعمل فواصل في كلامه
علشان نبقي كويسين بلاش شغل الدويتوا ده مش هياكل معايا
ومتجيش منك ياسعيد

سعيد اندمج

والله يا استاذ حمادة أنت اللى طلبت أنى اقول رأيى بصراحة وأنا قلته والحق ما يزعلش والى يزعل .........

حماده كده لوحده قدام اتنين

مش قلتلك الموضوع مش زمالك ولاغيره الموضوع فيكم انتم عاوزين ايه ممكن اعرف اللي عاوز يقول حاجه ياريت يتكلم وبلاش اسلوب الع........ وخلينا نقول بصراحه عاوزين ايه
لاني بجد كدا قفلت معايا

سعيد مبالغة فى الاستفزاز قال له

قفلت معاك طيب واحنا ايه اللى دخلنا فى الموضوع ده .اذاكنت أنت متضايق من حاجة معينة قول .أنا عن نفسى مافيش عندى مشاكل

استمرارا فى الكلام عبقرينوو قال

متشوفوا طريقتكم في الكلام ياجماعه انتم مش داريين انتم بتقولوا ايه ولا ايه
متصحوا بقي شويه وعيب كده

سعيد قال له

الظاهر أن انت يا استاذ حمادة اللى مش حاسس نفسك بتقول أيه بالضبط .احنا بنهزر ونقول الزمالك وانت مش عاجبك العجب بصراحة

رد عليه عبقرينوو

كمان انا اللي طلعت غلطان والله انتوا بتهرجوا يا اساتذه عيب كده

انا بعد فترة سكات اتدخلت اعمل ايه لازم اتدخل طبعا

سيبه يا سعيد

هو الظاهر متوتر النهارده ولا ايه

ويا استاذ حماده
مع اعتذارى لكل الزملاكاويه

دى مش اخلاق رياضيه

رد على عبقرينوو

قولي الكلام ده لنفسك يا استاذه مش ليا انا وراجعي مشاركاتك كويس من فضلك
واعرفي انتي بتقولي ايه ولمين

رحت قايله له

يعنى ايه لمين

انا منزله موضوع فيه كاكتير

مجرد هزار

لكن انت اللى لاول مره تقلبها جد وتنفعل بالطريقه دى

فينك يا استاذ عبد الفتاح

انت سايبنا كده ليه
....

عايزه ادخل كمان الاستاذ عبد الفتاح وسط العركه

عبقرينوو قال

سايبنا لان دي مهاترات منكم انتي اللي بدأتي يا استاذه ومش عاوزة حد يناقشك كمان دا ايه دا اسمه ايه تسلط يعني ولا ايه علشان نفهم ونعرف

دخل بقى ابو جمال كبيرنا ولازم يلمنا ويقول عيب اللى انتم بتعملوه ده

خلاص خلصتوا كلام.....قلتوا كل اللي قي نفسكم

رجاءا لحظه من فضلكم

بعد ما سكتنا اتكلم ابو جمال وقال

اول حاجه انا لسه جاي من الشغل

ويدوب فتحت الجهاز

لقيت الموضوع ده

ولحد الان انا معتبر انكم بتهزروا كالعاده

وما توقعت ابدا ان الموضوع يكون جد

جري ايه ياحماده....مالك يازهره....فيه ايه ياسعيد؟؟

اول مرة اشوفك معصب كده يا حماده

ومظنش ان زهره ليها مارب اخر علشان يبقي الموضوع مش موضوع زمالك

ولا اظن حماده يقصد حاجه غبر كده

الموضوع بسيط ياحماده

كلنا متعودين علي الهزار معاك وعارفين ان روحك حلوه وموضوع الزمالك مبيزعلكش مننا

انا عن نفسي زملكاوي ومع ذلك مبرضاش اعصب او ازعل من حد

ايه الحكايه...اتعركوا الفران علي هميرة الجيران

لا ياخوانا مش كده

واذاكانت زهره وسعيد غلطانين ياعم راسك ابوسها وحقك عليا انا

ولا ملبش خاطر عندك

واذا كنت انت غلطان ...انا بعتذر لزهره بالنيابه عنك

صلوا ع النبي

وميصحش كده

واقفلوا الموضوع ده رجاءا

انا بقى سبت الكلام كله اللى قاله ابو جمال ومسكت فى كلمه واحده وقلت له

أبو جمال ممكن اسأل سؤال

يعنى ايه

اتعركوا الفران علي هميرة الجيران

رد على عبقرينوووو

هجاوبك انا بعد المشاركه دي وانزلي بالتقيل يازهرة

واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا ...العفريت قاله ده طلب صعب جدا اطلب حاجه تانيه قال له عايزين نفوز على الاهلى..... العفريت قاله انت ابوك مات سنة كام ؟؟؟

-واحد زملكاوى راح يخطب واحده
العروسة للعريس : انت هاتكون الحب التانى فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا

-مره واحد زملكاوى راح إشترى بطيخه .. فطلعت حمرا.. راح مرجعها

-مره واحد زملكاوى بيوقف تاكسى بيقوله 6 اكتوبر فقاله لا ستة واحد

-مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو

-مره واحد زملكاوى حب يتجوز واحده اهلاويه جابوا المأذون من ايطاليا

-واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة

-مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريك

-مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى طالع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى نازل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة............ .وحكلهم على الموضوع...المهم عمله اجتماع.....
واتفقوا .....ان الزملكاوىيسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوىوقال مين اللى بيتكلم........قاله انا الزملكاوى......
قالهه برده غلبناكم ستة واحد............ ......... ..

-مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6

إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد

-اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول

-مرة واحد قابل واحد قالة الاتوبيس رقم كام بيروح ميت عقبه .... قالة الاتوبيس رقم 6

-مرة واحد زملكاوى سمع النكت اللى فوق جاتله ستة(سكته)قلبية

شايقين حماده جايب نكت على الزمالك

بدأت اللعبه تنتهى رديت انا على حماده وقلت

جدع يا عبقرينووو

بس انا عاوزه قبل ما ارد عليك افهم المثل علشان اقدر انسى الاساءه واصالحك

خناقة قديمة وذكريات جميلة تحت عنوان اضحك على الزمالك بس اوعى ينضحك عليك 21997_01257164649

خناقة قديمة وذكريات جميلة تحت عنوان اضحك على الزمالك بس اوعى ينضحك عليك 21997_01257164649

رد عبقرينووو وقال

هههههههههههههههههههههههههههههههه
يجاوب ابو جمال مكاني لانه صاحب المثل وانزلي بالاتفاق والموضوع اللي عملناه
والاستفاده من التجارب وعرفيهم معني التعصب وايه اضراره وايه الايجابيات والخطوات الواجب اتباعها حتي لاتقع المحظورات والكراهيه بين الاخوه الاحبه
الرياضه فن ادب اخلاق
مش تعصب ولا خلافات ولا كلام فارغ
كملي يا ام شروق باقي الموضوع

خلاص كده المسرحيه انكشفت رديت انا

كما قال عبقرينوو

الرياضة فن ادب اخلاق

والمعركه اللى انتوا من الصبح بتتفرجوا عليها دى

ممكن قوى تحصل

وبتحصل كتير
نتيجة التعصب

لكن احنا هنا حبينا ندق ناقوس الخطر

ونقف وقفه صريحه ضد التعصب

عبقرينوو زملكاوى بس مش متعصب وروحه رياضيه

وزهره ما لهاش فى الكوره من اصله

وسعيد أهلاوى وصاحب روح رياضيه عاليه

الاستاذ عبد الفتاح صقر المناره وميزان العقل
دخل يفض اشتباك وهو مش مصدق اننا نعمل فى بعض كده

وهو عنده حق لأننا عمرنا ما نتكلم مع بعض بالاسلوب ده

علاقاتنا هنا محترمه ومناقشاتنا هادفه حتى لو كانت هزار

شكرا للناس اللى شدينا اعصابها ومعلتش
تعيشوا وتاخدوا غيرها

رغم انى غششتكم من عنوان الموضوع

وهذه مقالة عن التعصب الرياضى
هدية منى لكم

[center][size=21][b]لا جدال في أن التعصب الرياضي هو من أبرز العيوب والأمراض التي تشوه الرياضة،
وللأسف فقد انتشر التعصب الرياضي في الآونة الأخيرة بشكل ملحوظ في معظم دول العالم ومنها بلداننا العربية.
ونتذكر كيف وقعت كوارث بشرية مفجعة في مباريات كروية أوروبية وعربية بسبب التعصب وأدت إلي وقوع العديد من الضحايا وتخريب المنشآت والأموال.
والتعصب بشكل عام هو الميل المبالغ فيه لشيء ما لدرجة كبيرة يجعل من الشخص يتحيز لما يحب لدرجة تصل إلي تجميل القبيح منه وتحويل سلبياته إلي إيجابيات في نظر الناس.. وفي عالمنا الرياضي اليوم، تعاني الرياضة عموماً وكرة القدم خاصة، من تعصب الجمهور والإدارات الرياضية علي حد سواء، حيث يحاول المتعصب لنادٍ أو لاعب معين مثلاً التقليل من شأن المنافس أو الخصم، دون وجه حق، حتي ولو كان الخصم أفضل من النادي الذي يشجعه بشهادة الجميع.
والتعصب الرياضي المبالغ فيه سواء بممارسة الشتم أو القذف أو النقد الجارح وقد يصل إلي أمور أخري أشد كالإيذاء البدني والمادي، وتخريب المنشآت، أو ما يسمي في الغرب الهوليكانزم .
فالتعصب الكروي يفقد مشاهدة كرة القدم المتعة والاثارة، ومن المؤلم أن نري بأن التعصب الرياضي في الوطن العربي قد وصل لمرحلة خطيرة جداً مقلدين في ذلك تعصب الغرب الأعمي كما في دول أمريكا الجنوبية بالاضفة إلي هوليكانز الانجليز بحيث أن هناك روابط في إنجلترا أو بالأصح عصابات وأناس أعمي عينهم التعصب وأصبحوا مهووسين فقبل كل مباراة يتجمع عشاق الفريق في حانة ويحتسون الخمور حتي الثمالة وتذهب عقولهم ومن ثم يدخلون المباراة وبعدها سواء كان الفريق خاسراً أو رابحاً تقع معركة بين رابطتي الفريقين وتسيل الدماء وتخرب المباني كما حصل في هايزل مثلاً.
البعض يري في التعصب أمراً طبيعياً، بين الجماهير العربية، ونحن نقول إن هناك فرقاً بين التشجيع وبين التعصب ، فالتشجيع هو جزء مهم من الوفاء للفريق والنادي والمنتخب وحق علي من يحب فريقه، لكن التعصب غير التشجيع.. فمنذ وجدت الكرة وجدت معها الانتماءات والميول التي تخطت حدود المعقول أحياناً كثيرة، ولكننا يجب أن نعلم أننا نختلف عن الغربيين سواء الانجليز أم الامريكيين الجنوبيين وغيرهم. فنحن أصحاب عقيدة محبة، وتجمعنا الاخوة التي أمرنا بها ديننا العظيم الإسلام بحيث يعتبر كل شخص بمثابة أخ لك في الإسلام وهذا ما يفتقر إليه الغرب وهو ما يدفعهم لكراهية الآخرين..
يجب ألا نقيس عليهم لأن الله ميزنا بهذه الاخوة التي ولو تمعنا بها سنجدها أسمي وأعلي من كل ناد أو فريق أو حتي من كيان وتاريخ رياضي برمته! ويكفي أننا نؤثم شرعاً إن تبادلنا أي نوع من الشتائم أو أي شيء يمس هذه الرابطة الاخوية السامية.
إن الرياضة اليوم، إذا خلت من التعصب فلاشك أنها تكون ذات منفعة عظيمة للأمة والأوطان. إن الرياضة متعة بريئة ترتقي بالنفوس وتسمو بها، ويجب أن تستغل لتصلح فيما بيننا، لا ننكر أن لكل منا انتماءه لنادي بلده، ومساندته لفريق بلده، وهذا أمر طبيعي، لكننا اخوة قبل كل شيء فلا يجوز الخصام أو الشجار من أجل مساندة فريق أو ناد، بدل من أن نتابع فريقنا ونشخص هفواته نقوم بالبحث عن أخطاء الفرق الأخري والتصيد لها وعلاج ذلك هو الروح الرياضية التي تسود عالم الرياضة وهو ما يطمح له الجميع في هذا العالم المليء بالفتن والمشاكل كفانا الله شر التعصب الرياضي.

رد عبقرينوو وقال

التعصب ظاهرة قديمة حديثة يرتبط بها العديد من المفاهيم كالتمييز العنصرية و الدينية والطائفيي والجنسي ولعلك استنتجت من دراستك للحروب والصراعات التاريخية أن اسباب الكثير منها كان التعصب للدين أو العرق أو اللون وما زالت هذه الظاهرة تتجدد باستمرارٍِ في عصرنا الحالي وتشكل آفة تدمر الشعوب والأمم.

وقد صدر عن الجمعية العامة للأمم المتحدة في تشرين الثاني عام 1981م إعلان خاص بشأن القضاء على جميع أشكال التعصب والتمييز القائمين على أساس الدين أو المعتقدةتعني أي تمييز أو استثناء أو تقييد أو تفضيل يقوم على أساس الدين أو المعتقد ويكون غرضه أو أثره تعطيل أو إنقاص الاعتراف بحقوق الأنسان والحريات الأساسية أو التمتع بها أو ممارستها على أساس من المساوة.

تعريف التعصب

أنه شعور داخلي يجعل الإنسان يرى نفسه على حق ويرى الآخر باطل ويظهر هذا الشعور بصورة ممارسات ومواقف متزمة ينطوي عليها احتقار الآخر وعدم الاعتراف بحقوقه وإنسانيته.

شكال التعصب

للتعصب أشكال مختلفة قد يرتبط بعضها ببعض:

* التعصب الديني
* التعصب العرقي
* التعصب الفكري
* التعصب للنوع الأجتماعي
* التعصب القومي
* التعصب القبلي
* التعصب الطائفي

النظريات المفسرة للتعصب.

يمكن الاستفادة من نظرات علم النفس وعلم الاجتماع في فهم ظاهرة التعصب حيث تساعدنا في فهم كيفية تطور الاختلافات بين الثقافات أو الجماعات التي تصبح مشحونة عاطفياً. وتكشف تلك النظريات الآثار السلبية لظاهرة التعصب, وتفسر سمات الشخصية المتعصبة التي يمثل الأتي :

سيمات المتعصب

* التسلط والجمود في التفكير.
* اللجوء إلى العنف لتحقيق الغايات.
* التمركز حول الذات وعدم تقبل الحوار مع الآخرين.

تصنيف العوامل المؤدية إلى التعصب

يمكننا تصنيف هذه العوامل إلى نوعين :

1-عوامل ترتبط بالفرد أي بتكوينه النفسي. 2-عوامل ترتبط بما يحيط الفرد من جوانب اجتماعية واقتصادية وسياسية وثقافية.

أولا العوامل التي ترتبط بالفرد :

1.محاولة الفرد إشباع حاجاته. 2.حاجات اقتصادية. 3.التعبير عن العدوان. 4.الإسقاط.

____________________________________________________________________

1- محاولة الفرد إشباع بعض حاجاته: مثال ذلك الحاجة إلى الشعور بان الفرد يحتل مركزا مرموقا بين الآخرين أو الشعور انه أفضل من الآخرين فقد تدفع مثل هذه الحاجة الفرد إلى تقوية هذا الاتجاه العنصري حيث يتيح له الفرصة لاحتقار البعض والتعالي عليهم للإشباع حاجته إلى الشعور بأنه أفضل منهم, وهذا الاتجاه نلاحظه بشكل واقعي ويومي ونستشهد به تعامل الغني أو صاحب السلطة مع الآخرين تكون في هذا الإطار, فهو يفرض سيطرته المطلقة ويشعر إن في ذلك إرضاء لغروره ومكانته الاجتماعية والمادية, وهذا يعتبر مرض اجتماعي ليس الجميع ذو السلطة والنفوذ لديهم ذات الطابع يختلف ذلك من بيئة إلى أخرى فالكثير من الأحيان نجد إن الشخص الذي كان يعاني من معيشة صعبة وثم تفتحت له أبواب الشهرة والسلطة والمال نجده قد تحول إلى شخص متعجرف عنصري يرى من هم اقل منه أنهم حقراء لا يصون شيء, ومثال على ذلك احتقار الفرد لأهله الفقراء عند وصوله، وهذا يبرهن شعور النقص لدى الفرد وحاجته للإشباعها.

2-مرتبة اجتماعية حاجات اقتصادية: تندرج هذه الحاجة تحت التعصب لسلبياتها فالفرد الذي يعيش تحت ضروف الفقر يجبر بعضهم إلى السؤال الغني الذي قد يحتقر بشكل علني مما يتيح البعض من الفقراء إلى اعتقاد ان له حقا لدى الغني فيحلل له الانخراط في النهب والتعدي على الاخرين بدعوى التحرر من الفقر واشباع رغباته.

3-التعبير عن العدوان : فالتعصب وما يعبر عنه من سلوك عدائي يعطي الفرصة لمن يعاني من إحباطات مختلفة عن عدوانه الذي ينتج عن هذه الإحباطات في مجال قد يتسامح فيه المجتمع وبل قد يعمل الآخرون على تنميته، ويقال في مثل هذه الحالة إن الفرد لجا بصورة لا شعورية إلى الإحلال أو الإبدال وهي حيلة آلية دفاعية لاشعورية يلجأ إليها الفرد حينما يتعذر عليه لسبب وأو لأخر التعبير عن انفعال في مجال جماعته التي اختارها أو ارتبط بها, مثال على ذلك فقد يجد الفرد نفسه غير مقبول اجتماعيا لسبب اضطهاد سياسي, فهو يعبر عن شعوره بالاضطهاد والظلم بكتابة العديد من المقالات المناهضة للأخر والتي تحمل طابع التعصب والعدوانية فهنا يتسامح المجتمع مع هذا الفرد ويعطيه الدافع للكتابة حول ما يواجه من عنصرية وتعصب من جماعته، يساعده على التنفيس على يدور في خلده من أفكار.. وهذا ما يحدث كأقرب مثال في المنتديات المختلفة حيث يعبر الفرد عن انفعالاته ومشاكله اتجاه مجتمعه وما يشعره من اضطهاد وهذه المنتديات التي أنشئت لأجل هذا المفهوم، ومما يساعد الفرد على التعبير بحرية هو الكتابة باسم مستعار ومن الصعب الاستدلال على صاحبه الحقيقي, فمن النادر من نجد أشخاص يعلنون عن هوياتهم الحقيقة في مثل هذه المنتديات وهؤلاء يجدون المؤديين لهم والمعارضين, ومهما وصلت حدة الخلافات التي بينه وبينهم يبقى الكل يعيش في حالة من الغموض للطرف الأخر, فهو يحاور إنسان لا يعرفه إلا بهذا الاسم المسجل ومع معلومات بسيطة من هنا وهناك يستطيع الأخر إن يستشف منها هوية الشخص الأخر.

4-الإسقاط: فقد يلجأ الفرد تخلصا من القلق ومشاعر الإثم المرتبطة بنقائص يدركها في شخصيته وسلوكه إلى إسقاط هذه النقائص على الآخرين, فإذا به لا ينفرد وحده بهذه النقائص إذا الآخرون يتصفون بها أيضا, الأمثلة على ذلك كثيرة وتتفرع إلى عدة أنماط فحكاية هذا الشاب الإفريقي الذي تزوج من لبنانية وعاملها أسوء معاملة السبب في ذلك لان أمه لبنانية وتزوجت من أباه الإفريقي فهو يشعر بالسخط على أمه لماذا تزوجت من أبيه وأنجبته اسود البشرة وبالتالي لأنها والدته لا يمكنه أن يسئ معاملتها, فاسقط غضبه على زوجته حبا في الانتقام بدل من والدته, وقد يكون الإنسان يرى نفسه انه كذاب ولكنه يتهم الآخرين بهذه الصفة بدرجة شديدة التعصب في المقابل يوجد الكثير من شخصيات في مجتمعة يتصفون بالكذب.

عمل ترتبط بما يحيط بالفرد: الأسرة : قد تقوم الأسرة بدور تنمية الاتجاه العنصري لدى أطفالها, وقد يتم هذا الدور بصورة مباشرة عن طريق تلقين الطفل انه ينبغي أن يسلك سلوكا معينا أو يشعر بمشاعر خاصة وإن يكون مدركات معينه حول أفراد الجماعات العنصرية المختلفة.. بل وقد تعاقب الأسرة الطفل إن سلك سلوكا لا يتسق مع هذا الاتجاه العنصري الذي تحاول الأسرة تنميته، وقد يتم هذا الدور بصورة غير مباشرة عن طريق إدراك الطفل لسلوك ووالديه وحديثهما عن أفراد هذه الجماعات. و يتضح من ذلك ما يحدث في واقعنا اليومي بان الطفل الذي ينتمي إلى أسرة تعتنق مذهب ديني مختلف, تجدها تغرس في طفلها حب هذا الانتماء وكراهية بقية الانتماءات الأخرى إلى درجة الحقد والتعصب.

جماعة الرفاق والصحاب أو الجيرة: أيضا لهم دورهم في تنمية هذا الاتجاه فالطفل يكتسب منهم اتجاهاته وقيمه وسلوكه وشان التعصب في ذلك شان بقية الاتجاهات والمعايير.

ما يشيع عن أفراد الجماعة العنصرية من صفات بتناقلها إفراد المجتمع البعض منها يثير النفور والاشمئزاز والبعض الأخر يثير الخوف وقد يثير الغضب.. ففي الولايات المتحدة الأمريكية يشيع عن الزنوج اتصافهم بالبلادة والانحلال الخلقي, الخ مما ييسر للأبيض مواصلة استغلاله واستمرار اعتباره عبدا له, فلا تقدم له من الخدمات ما يقدم إلى الآخرين لأنه قد لا يستحقها وقد لا يفيد منها, ويعاني الكثير من الجاليات العربية في بعض دول الخليج من العنصرية, حيث يعتبر سكان الخليج هولاء الجاليات أناس يتصفون بالفقر وعدم رقيهم اجتماعيا, مهما كان هذا الإنسان من مستوى ثقافي معين يعتبر الدون أمام المواطن حتى لو كان هذا المواطن اقل ثقافة وعلما وأخلاقا.. لان للأسف مثل هذه الدول الغنية تظن إنها تشتري الناس بأموالها, حتى إن يصل الامر بدل ما ينادى الإنسان باسمه ينادى بانتمائه أو بجنسيته وكان جنسيته أصحبت موضع استهزاء وسخرية. تمر الدول بشكل عام بمشاكل كثيرة اقتصادية, دينية, اجتماعية ويحدث عن ذلك وجود جماعات وأنظمة متعددة نظرا لهذه المشكلات, فمثلا جماعات التي تنادي بالحرية والتي منها حرية المرأة في السعودية لقيادتها للسيارة, أو عملها في أماكن مختلطة, فالبعض من المتشددين الإسلاميون يلقبون هولاء المنادين لهذه الحرية بصفة المنحلين فكريا, فتلتصق بهم هذه الصفة في المقابل يرى المحررين بان المتشددين ليسوا متطورين مع إيقاع العصر الحديث وأنها من ضروريات العصر, فبدل أن كانت المرأة قديما تركب حصان أو حمار فالمانع أنها تركب سيارة وتقودها.

التحرر من التعصب

* الفهم السليم للتعاليم الدينية, وعدم ربط الأفعال العدوانية للمتعصصبين بالدين.
* التعايش السلمي وتقبل الحوار بين الثقافات والأديان.
* التمسك بحقوق العداله التي تضمنتها المعاهدات والمواثيق الشرعية جميعها.
* الإعتراف بالخطأ وتقبل النقد من الآخرين.
* مقاومة الفتن والإعلام المظلل.
* التعاون مع الإخرين والاستفادة مما عندهم من معارف وخبرات.

بعد كده بقى علينا دور اننا نصالح عمنا ابو جمال اللى افتكر اننا بنتخانق فعلا جا حماده وقال

تحية حب وتقدير للعم الكبير
الكبير بأدبه وبأخلاقه وبعلمة وبقلمة
عمنا كلنا وعم المنارة الاستاذ/ عبدالفتاح عبدالشافي
صقر المنارة الجميل الاصيل الرائع
صاحب الخلق
ورساله اعتذار ان كان حدث سوء فهم للموضوع انما المقصد منه كما قالت الاخت الغاليه زهرة
هي شجب التعصب وادانته
نحن احبه اخوه في الله واحببنا ان نوصل رساله ياكل متعصب رجاء الهدوء
كن خلوقاً تكن محبوباً الرياضه ادب فن اخلاق
لا للتعصب بشتي مجالاته
لاتتعصب بكل المقاييس
اقبل الاعتذار ياصقرنا يا ابو جمال
الموضوع كده وضح لحضرتك والرساله ان شاء الله تكون وصلت لكل الاخوه الاحباب
اعضائنا الكرام اخواتنا في الله
اهلاويه وزملكاويه والكل كليله هههههه علي رأي بخاتي
قصدي احمد بدير

وبعد كده جا رد ابو جمال الصقر قائلا

انا كمان كان لازم اشد اعصابكم شويه واعمل زعلان

فعلا موضوع حصري وليتعظ الاخوه مهاويس الكوره

ويتحلوا بالاخلاق الرياضيه

المثل

اتعركوا الفيران علي خميرة الجيران

يعني خناقه علي شئ لابهم احد فيهم

زي العروسه للعريس

شكرا لكم جميعا

طبعا دى كانت لعبه موضبينها انا وابو حسام وسعيد

علشان نشد اعصاب الاعضاء وفى الاخر ندى درس فى التعصب الكروى

والاخلاق الرياضيه ......بس ايه رايكم ما تيجوا نتخانق تانى

انا عن نفسى معنديش مانع يا ام شروق بس تكون خناقة موضبة

زى دى مش بجد ربنا ما يجيب خناق ابدا ان شاء الله بس انا فهمت

من الاول انها لعبة علشان كده اعصابى كانت هادية .شكرا ام شروق

على تذكيرنا بهذه الذكريات الجميلة

ايوه يا كرومبو انت اكتشفت اللعبه من اولها ودخلت معانا على الخط

وولعت النار اكتر ...كانت ذكريات جميله فعلا بس احنا كنا عارفين ان محدش هيصدق قوى

ان انا وعبقرينووو نختلف على حاجه هايفه زى كده بس كانت محاوله

وانا مش عايزه اتخانق تانى النهارده مليش نفس

الله يجازيكم فكرتوني بأيام وذكريات جميله جدا والله هههه
بس الفكرة والخميره كانت من اختي الغاليه زهرة وهي الاساس
في الفكرة ومنها عرضنا الفكرة بتاعت عدم التعصب لانه مش هيخسرنا غير بعض
ربنا يحببنا في بعض كمان وكمان

كلها كانت ذكريات حلوة فعلا يا ابو حسام

و انت اتقنت التمثيل يعنى شويه وكنت انا هصدق انك بتتخانق معاى بجد

بس جا عمك ابو جمال وخلانا نقف استوب ونكش ونخاف

» اضحك من قلبك مشعوذ لفك النحس عن الزمالك
» ايمان القدوسى وذكريات رمضانية
» خناقة على ايه ؟؟؟؟؟؟؟
» خناقة زوجية !!!
» خناقة عبدالحليم مع الجمهور