مسحراتي السها

موضوع: مسحراتي السها الأحد يوليو 24, 2011 8:59 pm

كل عام والجميع بالف خير
..................................

من الاشياء المحببه الي نفوس المسلمين في هذا الشهر المبارك

هو صوت المسحراتي ...الذي يوقظ النائمين لتناول وجبة السحور

ومن اكثر هؤلاء شهره اي اللذين تغنوا بصوت المسحراتي

هو الراحل الشيخ سيد مكاوي

ولكن مع السها في ليالي رمضان هناك مسحراتي ولكن بطريقه اخري

ارجو ان تنال اعجابكم
........................................

مسحراتي منقراتي في السها جوال

وكل كلمه حته من شعري فيها للغني موال

خطيت وغنيت كما العاشق للسها ولهان

اصح يا نايم اصحي يا نايم

يا نايم اصحي

واسمع الانغام
.........................

مسحراتي منقراتي .......ابات ليلاتي....انده التواب

يتوب علينا ........يحافظ علينا..........من العذاب

من العاصي ..........عذابه قاسي.....والصبر غاب

ملناش بديل..........غير الدليل..........والقلب تاب

اصح يا نايم اصحي يا نايم

يا نايم اصحي

واسمع الانغام
.........................

ياناس يا هــوه.....قال ارحموه......شايب كبير

قضي حياته ........قبل مماته......فوق السرير

راقد وحاله...........مكانش باله.....ياجي النذير

لكنه شهّد........وبالرب وحّد.........قالت عبير

اصح يا نايم اصحي يا نايم

يا نايم اصحي

واسمع الانغام

.........................

رمضان وحاله..........طيب وماله.....كان فيه زمااان

ليالي صافيه.......ومحبه دافيه...........ثوابها الجنان

وعم سيد ..............بايديه يقّيد.........والصبح بان

صدقات كتيره ........من ناس اميره........والقلب لان

اصح يا نايم اصحي يا نايم

يا نايم اصحي

واسمع الانغام

.........................

فطارنا كان..........رحمه وحنان......قبليه نصلي

اما السحور......كان ليه امور..........وعليه تقولّي

هنصلّي بعده..........قال عم عبده.......دايما تملّي

قران كريم........خشوع ولين............فيه التجلّي

اصح يا نايم اصحي يا نايم

يا نايم اصحي

واسمع الانغام

.........................

احمد نبينا.........والجنه لينا.........قال الرسول

الصبح صايم .......والليل قايم.......عليه القبول

حسنات كتيره.......قران وسيره......خير للعقول

نسأل الهنا......يحقق مرادنا.........والجور يزول

اصح يا نايم اصحي يا نايم

يا نايم اصحي

واسمع الانغام

.........................

زهره وسعيد.....دول ناس حديد......فوق السها

وكمان حماده .......سكر زياده.........هو كدها

وابو عدلي عارف........سيفه وحالف.....ليردها

وابو اوتار........قلبه احتار.............وهيصدها

اصح يا نايم اصحي يا نايم

يا نايم اصحي

واسمع الانغام

.........................

الي اللقاء مع الجزء الثاني قريبا ان شاء الله

عبد الفتاح
...................

ايه الروعة والجمال ده يا ابوجمال وكلمات جميلة جدا

فى اجمل ايام وافضل ايام .ايام رمضان فى السها ستكون

الاجمل ان شاء الله وفكرة المسحراتى جميلة جدا وافكارك

الجميلة ليست جديدة علينا يا ابوجمال فنحن نرى التنوع

فى كل موضوعاتك .شكرا استاذنا على الموضوع الجميل

والمتجدد ان شاء الله .جزاك الله خيرا

كل عام وانت بالصحة والسلامة يا حضرة مسحراتى السها

كنا احنا ضمننا سحور معتبر على ايدين ابو جمال المبدع

لا حرمنا الله منك ونفحنا جميعا بنفحات رمضان الطيبة

شكرا سعيد

وكل عام وانت بالف خير

وعقبال العيد الاكبر ....انت عارفه طبعا

شاكر جدا لمرورك العطر
................

شكرا زهره

كل عام وانت والاسره الكريمه بخير

لا.............لا...........انا عليّ اصحيكم وبس

لكن السحور علي مين.....ده موضوع تاني خالص

مش بخل مني ....لكن مفيش وقت اجهز

شكرا لكلماتك الطيبه
.................

بقول لك ايه يا ابو جمال

انا عارفه نفسى انا اللى هتدبس فيها

بس حاضر الفطار والسحور على .... رمضان كريم بقى

الله اكرم

ولايهمك .....كلنا هنساعدك

بس هما فين الضيوف؟؟
.....................

انا عارفه يا بوى

ياللا احنا فينا البركة يا ابو جمال ويوفروا برضه

انا هعمل لكم سحووووور عجب النهارده

واحنا في الانتظار

ومن وفّر شئ كأنه جابه
................

من وفر شئ زى اللى جابه

ده بخل مستخبى

ياناس اعزموا كويس

وصحوا الناس اللى نايمه

الله يجزاكم خير

شكرا استاذنا على جميل كلماتك

اهلا بيك ابو اوتااااااااااااار

ايدك معانا والنبي يا شيخ

انا تنبح صوتي من الصبح وانا اقول مسحراتي منقراتي

طيب اعمل ايه تاني ؟؟
................

يعنى نبعت لهم حمام زاجل يصحيهم

ونقول لهم لتيجوا تتسحروا فى السها

راحه وتخفيفه انتم عايزين تلخمونى فى سحور كتير ليه

ياعم دي مش لقمه اللي هتطلعي فيها

زعلك علينا......بكره السحور عندي يا شباب السها

وشوفوا هعمل لكم سحور ايه
...........

انا هستنى سحور ابوجمال بكره ده مضمون ومش هيطلع

شايط خلينا مع الناس الثقة انما ام شروق مفيش امل اننا

هنتسحر ولا يوم اصل ده طبع وصعب يتغير وفى انتظار

السحور بكره يا ابوجمال ووعد الحر دين عليه

تامر امر يا باشا

وانا عند وعدي اكيد ان شاء العلي القدير

وانا وانا هستنى السحور المضمون

نفسى اكل اكل مش شايط

اخيرا هتسحر ....ربنا يخليك للغلابه يا رب

وانا اول الغلابه دول

الله يجبر بخاطرك يا سعيد زي ما جبرت بخاطري

مش عارف انتي قارشه ملحته ليه ا؟؟ انا واسطة خير يعمي مش اكتر
...................

كل عام و حضراتكم بخير

ورمضااااااااان كريم

وانت بالف خير سيادة النائب...استاذ احمد سلامه

شاكر جدا لمرورك العطر
....................

عبد الفتاح عبد الشافي كتب:: وانا اول الغلابه دول

الله يجبر بخاطرك يا سعيد زي ما جبرت بخاطري

مش عارف انتي قارشه ملحته ليه ا؟؟ انا واسطة خير يعمي مش اكتر
...................

واسطة خير فعلا يا ابوجمال وبتهدى النفوس انا عارفك بس بجد

السحور فى منتهى الجمال لارز شايط ولا يحزنون وانتظر السحور

بتاعى النهاردة ان شاء الله بس ماتقلقش لو أتأخرت شوية وكل اى

حاجة مؤقتا علشان ماتقولش خلانى بالجوع

الله عليك ياصقرنا الجميل

رائع والله وفكرتنا بأيام زمااااان
ربنا يخليك لينا يا اغلي الناس علينا

» حزر فزر في السها
» نشـــوى فى السها وبس
» شكل الفطار فى السها
» تم افتتاح قسم المسابقات فى السها
» افراح رمضان فى السها