| العدودة فى التراث | |
|
|
كاتب الموضوع | رسالة |
---|
زهرة الجنوب ...........
عدد المساهمات : 26070 العمر : 43
| موضوع: العدودة فى التراث السبت سبتمبر 03, 2011 12:55 pm | |
| هحاول اجمع اكبر قدر من كلام العدودة الحزاينى فى تراثنا العربى والمصرى على وجه الخصوص
هوّه اللي مات ده كان لي مين هوّه اللي يدعي وأقول أمين وعنيه حواليّه ملوك حايمين يرحل بعيد عني وألقاني عاوز أعوم واديه مش عايمين
النخل طاطا في وداع لما به عدّيت عدّدْ على ـ دلّوني عاد ـ ولا ما هوش عدّيد هجّت بيوت الناحية والملقة إِلَىْ صرخت علىْ ، والصمت كان صوته كما الزغاريد
أنا الجنوبي اللي مشى على ادين الجمر رشّيت غناويّا هوى ولا امتثلت لأمر غنّيت تلات تيام فِدا وصمت رابع نذر ماشي على حرف الجبل ما عرفش وين رايح لكن أكيد وأكيد أكيد ديهيه سكة قبر
مين اللي خوّض في الفساقي حطّ لي مطرح مين اللي قام مد اللحود ونزعني م المسرح مالي عيون بيها أسير ـ حتّى ـ ولا أبصر حبل البكا سلبة ومدد حبل الحياة أقصر طوب الفساقي ني مش طايب ونا حلمي كان ليّه وعاش خايب طوب الفساقي مال علىْ سلّم مدّيت إيديْ ولقيتني بتألّم تبكوا علىّ اليوم ما تبكوشي وطني عيونكم بس راقوشي
نَفَسي تقيل سبحة تفرفط لي جروح الروح بتجري ونا أروح مطرح ما أروح أنا لسّه حي ـ ردّوا علي ـ ولا حلاوة روح قادرشي أغنّي للحياة يمكن عشان ميت ومنين أجيب صوت لكلامي في ليالي البوح
سامحني يا محمد بقى إن ضعت من يدي دا ما كنتش أعرف مين قبص مين اللي راح يدّي ما علهش عاد كان بدّي أبقى شيء مش بدي أنهيت كلامي أنا لكم ، أم لسّه راح أبدى
سامحني يا محمد كمان إن ضعت في الفتنة جاي البكا يرمح إلىْ مين عنه يلفتنا لا بزرعنا نافع ولا ـ معلهش عاد ـ حتى بحلفتنا إمتى النواح يرحل بعيد ويسيبنا ويفوتنا
سامحيني يا روحي أنا قصديش شايفة الحدود أهي لسه تعرفنيش أنا اللي طاير فوق كده ولاّ أنا من غير ريش قولي عجوز شايب أنا أم طفل ما بيحبيش تعيش لي يا حزني وطن ، أموت أنا وتعيش
حِلّي الضفاير ضللّي فوقي سامحيني يا روحي دا هوّة مش شوقي حِلي الضفاير كوني في عنيه سامحيني يا روحي معيش ديهّ سامحيني سامحيني أنا كنت لك فارس جدع كان رمحي رمحيني مين اللي راح يقدر علي مين اللي يمحيني
الصمت دلدل لي إديه والدمع ليه مالح صوتي انطفى لما بكيت سبع الجوارح زام الهوا ف وشي فزع ورماني لامبارح لما اتعدلت على كانون الجمر زفيتني وحيد أنا مرمي ، وحسي ماله مش طارح
لمّا بشوفني ونا بموت ما عرفش ليه بضحك ونا عُدت ليه أضحك وأبكي واستعير نصحك و أكب عدودة على صدري يطيب جرحك حسي ما هوش طالع يسمّعني غُناي عدّيد متعازة يا دمعة فِدا .. خليكي في صرحك
طاطت مراكب للوطن لما بكا لي النيل واتمدّدت لِعْضَام هوا كما وليف تِنّيل اتساوِتِ اكتاف الرمال بكا من التنميل غطيت عيوني بالبراح ، وِعْليت أنا درجة لما لمسني بالشراع ، وبست بحر النيل | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: العدودة فى التراث السبت سبتمبر 03, 2011 8:29 pm | |
| يعنى ملقتيش غير العدودات يا ام شروق تعملى
عليها موضوع بس فيه حاجات كتير بيعرفها الستات
بتوع الجنايز لوقعدتى معاهم هتعملى موسوعة حصرية
مش منقولة | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت سبتمبر 03, 2011 8:37 pm | |
| هات لى حد منهم
ويكون لك جزيل الشكر يا سعيد
ويكون فعلا ملف حصرى | |
|
| |
سعيدالعارف الضبع المراقب العام للمنتدي
عدد المساهمات : 17528 العمر : 37 الموقع : الرياض
| موضوع: رد: العدودة فى التراث السبت سبتمبر 03, 2011 8:42 pm | |
| لو فى البلد كنت اتصرفت يا ام شروق لكن دلوقتى
ده واجب عليكم وبعدين هما اكتر من الهم عالقلب
روحى اى عزى واسمعى مش هتحتارى يعنى | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث السبت سبتمبر 03, 2011 11:29 pm | |
| كنت فاكر منه كتير
لكن نسيتهم والله
بس موضوع حصري فعلا.....اقراي صفحة الوفيات كل يوم يا زهره
منها تعملي واجب مع الناس ومنها نستفيد في المنتدي ................... | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأحد سبتمبر 04, 2011 12:01 am | |
| طيب مال صفحة الوفيات بالعدوده يا ابو جمال
انت بتهزر صح
بدل ما تفيدنى وتساعدنى فى الموضوع
ماشى ماشى
انا هحاول اشوف اى واحده فقريه من بتوع الجنايز واسجل لها | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأحد سبتمبر 04, 2011 8:58 am | |
| انا هحاول اشوف اى واحده فقريه من بتوع الجنايز واسجل لها .......................................................
اههههههههههههههههههههههههههههههههههههههههههه
ماهو عشان توصلي للفقريه دي لازم تقراي صفحة الوفيات عشان تعرفي تلاقيها فين وتعرفي خط سيرها
بس بجد ده تراث وانا لو في البلد كنت جبت لك كام واحده ...ولو ان الموضوع اوشك علي الانقراض
الناس حاليا بدأت تفهم وتعي ان ده حرام ومش من الدين زيه زي لطم الخدود وشق الجيوب
وده بيكون مصاحب للعدوده بالفعل بعد كل مقطع من المقاطع اعلاه ...بس مفيش احسن من جنايز الخليج
بصراحه وسعيد يعرف كده ...ولا نفس هس هس ................ | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأحد سبتمبر 04, 2011 9:05 am | |
| طيب كلمنا عن جنايز الخليج التى نوهت لنا بها بأعلاه
على ما تفرج علينا بحد يقول لنا عن العدودة اى شىء
انا اريد ان اتناولها كنظم وقافية اصلهم بيقولوا شعر رثائى وهما مش حاسين فعلا
دلوقت بس عرفت قيمة الاختلاط بالناس لو كنت محتكه بالمجتمع كنت وفيت كويس بالملف الذى باعلاه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأحد سبتمبر 04, 2011 9:17 am | |
| طبعا هو شعر رثائي وموزون ومقفي كمان من الناحيه الابداعيه ...مفيش شك في كده
جنايز الخليج يحطوا الميت في عربية اسعاف ويجيبوا اي واحد عامل يحفر القبر مسبقا طبعا
ويروح ورا عربية الاسعاف كام عربيه من اهله وبعد الدفن برجعوا البيت وتنحر الزبائح كل علي قدر
وضعه المادي ...ممكن الزبائح تكون خرفان او عجول او جمال
وكل اللي جاي ...لازم ياكل ويتقهوا وينبسط ...كانه فرح مش جنازه
ده بالنسبه للرجاله ....بالنسبه للحريم ...كنت اعرف واحد راجل كبير في السن وكان شغال عند واحد
قطري زي غفير ع القصر كده يعني وفي يوم من الايام توفي ابن الراجل القطري وكان طالب في
الاعداديه .....وبعد الغسل صاحب البيت اللي هوا ابو الولد قال له روح هات الكفان من جوه
عند الحريم ....راح صاحبنا يجيب الكفان لقي الحريم قاعدين وقدامهم تليفزيون 40 بوصه
او اكثر والتليفزيون شغال اربعه وعشرين قيراط والقهوة والشاي والحريم قاعده تحكّي وكانه مفيش اي شئ
الراجل شاف المنظر ورجع علي قفاه من غير الكفان ولما صاحب البيت ساله فين الكفان قال له روح هاتوا
دي حريم معندهاش دم ...اصل الراجل ده كان مصري ومفكر نفسه هيدخل يلاقي الحريم بيلطموا او
لابسين حزون اسود.........ادي جنايز الخليج ......... | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأحد سبتمبر 04, 2011 9:27 am | |
| دا شىء مضحك جدااا هما مؤمنين قوى كده
ولا معندهمش دم اصلا؟ | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأحد سبتمبر 04, 2011 9:34 am | |
| هو لاده ولا ده
لكنها العادات والتقاليد وان كانت لاتخلوا من الثنين ولكن بنسب بسيطه
جدا .....بس مش هو ده السبب الفعلي..لكن السبب الفعلي يميل للعادات والتقاليد اكثر من الجانب الايماني ........ | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأحد سبتمبر 04, 2011 9:39 am | |
| هو انا مش من المؤيدين للحزن الشديد واللطم والخروج عن الشعور اللى بيحصل عندنا
لكن فى نفس الوقت فيه شىء اسمه مشاعر انسانية على الاقل بعض التأثر لفقدان قريب
او العظة مما حدث والتفكر فى يوم الحساب ...لكن اللا مبالاة خااالص دى مصيبة كبرى | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الجمعة سبتمبر 09, 2011 2:24 am | |
| لالالا يازهرة حرام عليكي فيه عدودات كانت بتتقال زمان بس مش فاكر منهم ولا واحده بس اوعدك هحاول افتركهم والستات الفقريه بتلاقيهم من غير عزومه في المعازي والوفيات بيروحوا يجاملو للمجامله فقط وتسمعي اشجي الالحان هناك هههههههه | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الجمعة سبتمبر 09, 2011 4:46 am | |
| الموضوع مش سهل زى ما انت فاكر يا حماده
انا مش بروح لا واجبات ولا افراح
يبقى ايه الخل ؟ | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث السبت سبتمبر 10, 2011 3:12 am | |
| اروح انا واسمع لك وانقلهم لك واقولك عليهم ههههههههه طيب متفقين انهم صعب عليكي هحاول اتصرف واجيب لك كام واحده كدا علي الماشي من جماعه قرايبي | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت سبتمبر 10, 2011 6:22 am | |
| دا انت تبقى عبقريون مش عبقرينوو بس | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث السبت سبتمبر 10, 2011 9:18 am | |
| انا وعدتك ووعد الحر دين عليه | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت أكتوبر 01, 2011 11:54 am | |
| تحت حشيش البير دورته على دوا العيان ما وجدته تحت حشيش البير دورنا على دوا العيان ما لقيناه قالوا طبيب طليت له براسى معاكى دوا لابوى ولا ناسى خدى حلقك واطلعى على جرجا هاتى دوا العيان فى العلبه مش عارف ايه كد لما شافنى حل القلوع ومش ترجمتهم بالعافيه حاجه كده على ما قسم لحين اشعار اخر | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الثلاثاء فبراير 07, 2012 12:38 pm | |
| طريق الجوامع تبكي عليه وتنوح ، فين المصلى اللي ييجي ويروح؟ § طريق الجوامع تبكي عليه ديمة ، فين المصلى صاحب القيمة؟
عديد البنت التي لم تتزوج
§ يا ماشطة ارضي لها المقصوص ، وارمي لها بين الفروق دبوس
§ يا ماشطة ارضي لها لِبة ، وارمي لها بين الفروق دبلة
عديد الشجاعة
§ كان لنا سبع تهيبه السبوعة ، والسبع مات واحنا تاكلنا الضبوعة
§ كان لنا سبع تهيبه الناس ، والسبع مات واحنا صبحنا بلاش
عديد ذوي المناصب
§ القول عليك يا صاحب الجودة ، حجر الحدود ما تقلعك موجة
§ القول عليك يا صاحب المقدار ، حجر الحدود ما يقلعك تيار
عديد المواسم والأعياد
§ يا عيد عَيَّدْ على الجيران وامشي ، احنا الحزانى ولا نعيدشي
§ يا عيد عَيَّدْ على الجيران وروح ، احنا الحزانى وقلبنا مجروح
عديد المحروق
§ عين الجدع طالعة برة ، يا مين يحوش النار يا أهل الله؟
§ عين الجدع طالعة قدام ، يا مين يحوش النار دي يا أولاد؟
عديد صريع العربات
§ يا خد ويدي تحت العجل وحده ، يا حاضرين ابعتوا لاهله
§ يا خد ويدي تحت العجل وحديه ، يا حاضرين ابعتوا لاهليه
عديد السجن
§ سجانهم يا بو القفول نحاس ، واوعى توديهم بلاد الناس
§ سجانهم يا بو القفول حديد ، واوعى توديهم بلاد بعيد
عديد الصباح
§ رحت أصبحهم صباح الخير ، قالت الحمولة سيروا في الليل
§ رحت أصبحهم صباح بدري ، قالت الحمولة سيروا فجري
عديد العروس
§ مادي الله عريس معزوم في جنينة ، يا ريتها زفة ودخلته الليلة
§ مادي الله عريس معزوم بيت عمه ، لا طبلة ضرب ولا نقوط لمه
§ مادي الله عريس معزوم بيت خاله ، لا طبلة ضرب ولا نقوط جاره
عديد المرأة على زوجها
§ يا عمود بيتي والعمود هدوه ، يا هل ترى في بيت مين نصبوه؟
§ يا عمود بيتي والعمود رخام ، يا هل ترى في بيت من اتقام؟ | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الثلاثاء فبراير 07, 2012 7:50 pm | |
| يا بوووووووووووووووووووووي عليك يا قارشهم ههههههههههههههههههههههههههههههههه منك لله غاويه نكد والسلام | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 12:15 am | |
| ايه يا حماده دا فلكلور يا عم الحاج ولسه مصره اكمل الملف بما لا يتواجد على النت | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأربعاء فبراير 08, 2012 1:32 pm | |
| هههههههههههههههههههههههههههه
والله يا حماده كنت هقولها قبلك
سبقتني بيها....بس مكنتش هقول يا قارشهم
اهههههههههههههههههههههه ............. | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 1:40 pm | |
| بما انى سألت هوتس ذا ميننج اف قارشهم وعرفت معناها يبقى خدوا راحتكم | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 1:46 pm | |
| والله ياعمي بنتك دي مصيبه تربيه بندر فعلا وهتفضحنا وسط الصعايده ههههههه | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 1:50 pm | |
| طيب ابقى شوف لما اجيب لكم مقاطع بالصوت للكورال بتاع العديد | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 1:52 pm | |
| روحي ياشيخه الله يسامحك مش ناقصين نكد وينا اللي مكفينا عاوزين نفرح الفرحه بقالها كتير معدتش علينا | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 1:54 pm | |
| متخلينيش اتهوس واجيب لك مقطع يعكنن على الكل دلوقت | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأربعاء فبراير 08, 2012 1:54 pm | |
| شكلها كده بالفعل
عاوزه لها كام حصه في الصعيدي
طيب رايحه ليه للعدوده ....وبتفهميها ازاي؟؟
طيب اراهنك لو كانت تعرف معني الكلام ده ...........................
§ يا ماشطة ارضي لها المقصوص ، وارمي لها بين الفروق دبوس
§ يا ماشطة ارضي لها لِبة ، وارمي لها بين الفروق دبلة ........................
| |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 1:57 pm | |
| تكسب الرهان طبعا ياعمي انا اقطع دراعي لو فعلا كانت فاهمهم بقولك تربيه البندر وهتجيبلنا الكافيه قريب | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 2:00 pm | |
| والله ما فاهمه ولا كلمه منها بس عارفه انه كلام وحش وخلاص | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 2:01 pm | |
| مش بقولك ياعمي اقطع دراعي هههههههههه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأربعاء فبراير 08, 2012 2:01 pm | |
| وانت اللي يشوفك يقول ...اللي يقرأ كلامك قصدي
يقول عمره ما سمع بالقاهرة ولا شافها اههههههههه
سيبك انت ...بيعجبني الراجل الاصيل اللي ميتخلاش
عن جذوره....يعني مع الصعيدي صعيدي
ومع البحراوي بحراوي ........... | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث الأربعاء فبراير 08, 2012 2:03 pm | |
| شفت ؟؟؟
مين قال ان ده كلام وحش اهههههههههه؟؟ ............... | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 2:04 pm | |
| بس الطباع الاصيله لاتتجزاء ابدا اينعم صعيدي مع الصعيدي وبحراوي مع البحراوي لكن في كل الحالتين بطبع الصعيدي واخلاقه ان شاء الله ومحدش يقدر ينسي اصله بالعكس الواحد بيفتخر والله ياعمي | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الأربعاء فبراير 08, 2012 2:06 pm | |
| منا واثق انها مش فاهمه معناهم علشان كدا براهن وانا مغمض واقولك اقطع دراعي ههههههههههه امال ايه اختي وحافظها صم | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الأربعاء فبراير 08, 2012 2:11 pm | |
| امال انا تبع مين على كده لما لا صعيدى ولا بندراوى ويعنى حلوه فى وشكم دى لما ابقى انا كده علمونى مما علمكم الله | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الجمعة أبريل 06, 2012 8:15 pm | |
| اشعار جديد
وطلعت فوق الجبل على دمة القاهم لقيت الحدادى والغربان وكلاهم
*** اللى جايه دى صعبه قوى فى معناها والعياذ بالله ****
لو شفت قلم القدره وريته للقلم كسرته والحبر كبيته
***
اللى جايه دى تقريبا فى حد محدش بيطيقه وشمتانين فيه
كان عامل سبع وفارر شاشه أتاريه خيخه ما نافع ناسه
***
اللى جايه دى بقى آخر روشنه
جبت للمغسل باكو قص وقلت له اغسل راس المرحوم ببرت بلاس | |
|
| |
ابو حسام المراقب العام للمنتدي
عدد المساهمات : 9558 العمر : 41 الموقع : القاهرة
| موضوع: رد: العدودة فى التراث الجمعة أبريل 06, 2012 8:55 pm | |
| كان عامل سبع وفارر شاشه أتاريه خيخه ما نافع ناسه
ههههههههههههههههههههههههه يوه كتروا قوي اليومين دول يا زهرتنا الغاليه | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الجمعة أبريل 06, 2012 9:09 pm | |
| مش عارفه ازاى يقولوا كده على ميت ملهوش اهل يزعلوا عليه يعنى ولا ايه | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث السبت أبريل 07, 2012 9:29 am | |
| لا طبعا ده كلام ميتقالش علي ميت الظاهر اللي ألَّف الكلام بس بيتريق شويه
علي العدوده واللي بيعددوها
اذا كانوا بيكونوا شايلين الطين علي روسهم ..ازاي يبقي يقولوا كلام زي ده؟؟
وووووووووووووووووووووووووووه ووووووووووووووووووه
خلي المعازي والحريمات تاجي بقي ويعرفوا اننا عندنا جنازه
امال يعني هيروح فطيس ؟؟ من غير لا صرخه ولا عدوده ؟؟ ................. | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت أبريل 07, 2012 10:02 am | |
| طيب حلوه التريقة الفريش دى خد دول كمان من قبيل التريقه
جبت للمغسل الكفن وحطيته ع السرير
:علشان يغسل راس المرحوم بشامبو كلير
جبت للمغسل قرش حشيش
يغسل راس المرحوم ويقولي قشره مفيش
روحت ع الدوار وجبت للمغسل شريط برشام
علشان يكفن المرحوم ويرقده ما يبان | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث السبت أبريل 07, 2012 10:09 am | |
| المفروض الواجد يشتغل مغسل
عشان تاجي له كل الحاجات دي
مش بقول لك تريقه اههههههههههههه
ياخراااااااااااااااااااااااااااااااااااااابي
ياجملي ....يا سبعي
لا ... الصعيدي احسن بووووووووووووووووووووه عليك ياوكلهم
الله يشندل بالك زي ما مشندل بالي حتي في موتك ياقارشهم ............... | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت أبريل 07, 2012 11:18 am | |
| جديد الكلام ده يا ابو جمال صعيدى دا يعنى
| |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث السبت أبريل 07, 2012 2:09 pm | |
| حد بيقول يا وكلهم ياقارشهم غير الصعايده
ده تخصص وبراءة اختراع كمان ........ | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت أبريل 07, 2012 2:14 pm | |
| التانيه عرفتها خلاص انا بتكلم عن دى
الله يشندل بالك زي ما مشندل | |
|
| |
عبد الفتاح عبد الشافي المراقب العام للمنتدي
عدد المساهمات : 11453 العمر : 63 الموقع : قطر
| موضوع: رد: العدودة فى التراث السبت أبريل 07, 2012 2:37 pm | |
| البال هو الفكر والعقل
والشندلة يعني ..... النقار ع الفاضي والمليان
بعني النكد في البيت ...يعني عدم هدوان السر بالعاميه
كل ده يسموه شندله ....واحيانا الغريب في الامر انها تقال للمداعبه
رايح فين يا مشندل ....جاي منين يا مشندل
خاصة اذا كان الذهاب والمجئ كان لامر فيه بطولة للرجل او انتصار في موضوع ما
كم هي غريبة مفردات الصعايده واستخداماتها ................ | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث السبت أبريل 07, 2012 3:15 pm | |
| غريبه جداا فعلا الفاظ الصعيد واحيانا تكون مضحكه جداا | |
|
| |
زهرة الجنوب ...........
عدد المساهمات : 26070 العمر : 43
| موضوع: رد: العدودة فى التراث الثلاثاء مايو 01, 2012 2:16 pm | |
| لما نويتي كنتي إبعتي قولي وأنا أجيب لك حرير وألضم لك اللولي لما نويتي كنتي إبعتي مرسال وأنا أجيب لك حرير والضم لك المرجان ما قلتلك يا ظغيره إتداري ضراب بره يضرب ولا يبالي ماقلتلك يا ظغيره إتدسي ضـراب بره يضرب ولا يخبي | |
|
| |
| العدودة فى التراث | |
|