طعم الخوف بقلم .. مصطفي عدلي

طعم الخوف

قولوا ياللى سميتونى باسم عربى

قول ياجدى ايه نهايه كل ظالم

كل طاغى بارضى حالم

كل طامع ف نبض قلبى

قولها تانى قول ياجدى

انتو علمتونا نكدب من زمان

شاب شباب العمر من قبل الاوان

نحلم بقصر عالى نسكن فى برج عالى

والحقيقه اننا وسط الحطام

كل عربى فينا والله لسه خايف

لسه شايف

اننا سلعه رخيصه لليهود

اشتروها بالدراهم والدينار

دم اطفالك ياغزه بكام دولار

صوت صراخ بغداد بينده

حد سامع

كل مدنه ف كل جامع

صوت بلال طافح مرار

سامعك ياقدس بتندهى

بغداد خنقها العم سام

ومهما ياامى هتندهى

مانا زيهم برضه جبان

بص تانى دوق معايا يا كل عربى

قولى ايه طعم الاهانه

خلف السجون اسرانا

اطفال بتنهش لحمها غربان جعانه

صوت الجوامع قال حرام

جرس الكنيسه قال خيانه

وخيول بلادنا متكتفه ب غصن الزتون

طابت عناقيد العنب فوق الشجر

حلم البنات الى انتحر جو العيون

زرع اليهود طارح دانات

متوجهه ف صدر العيال

خيل العرب اصبح جمال

والطيارات فوق البيوت صابها الجنون

ايه ياعرب

صعبه عليكو المساله

ققمم السلام عنديكو حسبه معضله

والطاغى فاتح جو جسمى زوايا المنقله

والطفل كاتب بدمه فوق المريله

تهون حياتى ياقدس وحياتك لا تهون

وصف اكثر من رائع يا مصطفى لحالنا الان

وما يعانيه كل عربى والاحساس بالانكسار

واحساسا بضياع الارض وسرقة الاوطاان

ولكن مازال الامل يُحينا ويجبرنا على البقاء

والحلم بعودة الارض لأصحابها فى يوم

من الايام . شكرا مصطفى على الكلمات

الرائعة والجميلة

» ساويرس بقلم/ مصطفي عدلي
» مسلسل أبواب الخوف {رعب فى رعب}
» الفرق بين الخوف والوجل والشفقة والخشية والرهبة
» لمحات بقلم: منى رجب
» بقلم/ هدي عبد الناصــر