سرب الحمام

موضوع: سرب الحمام السبت نوفمبر 19, 2011 5:45 pm

حامد أنور

سِرب الحمام مصري
فـرْد اليمام مجروح
مهـما الـــغُنا يـسـري
صـوت الوطن مدبوح
بيـنادي يا ولـدي
ياللي انت من صلبي..

يـا صـــانـع الــثــورة
نفسـي أشـوف بـكـره
أبيـــض كما جـبينــي
أخـضر كما الزرعـه
صـافي كـماء نـيــلي
طاهـر كـما العـــدرا
سرب الحمام مصري
فرد اليمام مجروح
* * *
أنا عمري ضاع يـابا
واتـكـعبـلـت مـهــري
كان زرعي من كـدي
والـحلـم كـــان وردي
طـب ليه أنا باغرق
وباتوه علي شطي؟!!
سرب الحمام مصري
فرد اليمام مجروح
* * *
الــــــــود لــو ودي
ياللى انت من صلبي
بالإيد نقيم البُنا
روسنا تطول السما
يرجع تاني عزي
والدنيا طوع أمري
سرب الحمام مصري
فرد اليمام مجروح

موضوع: رد: سرب الحمام السبت نوفمبر 19, 2011 6:26 pm

كلمات جميلة جدا يا ام شروق وانتقاء جميل كالعادة

وكلنا بنحلم بمصر افضل ان شاء الله واحسن حالا

مما كانت عليه ان شاء الله . شكرا ام شروق على

الانتقاء الجميل

موضوع: رد: سرب الحمام السبت نوفمبر 19, 2011 9:27 pm

الابيات فعلا جميلة
وكلنا مجاريح من الحال القائم
وربنا يجمع الشمل ويقام ميزان العدل والامان ان شاء الله
شكرا لك

موضوع: رد: سرب الحمام الأحد نوفمبر 20, 2011 9:22 am

شكرا زهره علي هذه القصيده

القيمه التي تعبر عن حال كل مصري

في هذه الايام واهم امنياته لهذا الوطن
...........

موضوع: رد: سرب الحمام الأحد نوفمبر 20, 2011 9:26 am

شكرا ابو جمال
ونتمنى لسرب الحمام ان يتحد حتى لا يستضعف وينكسر

الاوضاع السيئة التي نعيشها في الفترة الاخيرة

لا بد لها من تكاتف وتعاون ووضع مصلحة الوطن في المقام الاول

حتي نخرج من هذه الكبوة او ما يسمي ( عنق الزجاجة )

حتي نخرج للبراح وننطلق للامام وننمي ونعمرونغير للافضل .

شكرا ام شروق

يااااريت يا ايمن
نصحى من الكابوس ده
ونبدأ فى تعمير البلد بدلا من اتلافها
شكرا لك

» حط الحمام
» حوادث ... في الحمام؟؟
» قذافى قاتل الحمام
» فرعون بيكره الحمام
» الحمام الزاجل\الدكتور محمد راتب النابلسى