سالونى مين بنت حلال للشاعر عمرو جاهين

سالونى مين بنت حلال
خطفت قلبك ومشاعرك
وقالولى مهو بعدك طال
ولاتسمع صوتك ولاشعرك

وقالولى تبقى دى مين
تعشقها بجد سنين
وان غابت تبقى حزين
وعشان تنساها محال

وقالولى مين تستاهل حبك
وتسكنها جوة فى قلبك
تتمناها دايما جنبك
وان غابت تعمل زلزال

اصحى وفوق من اوهامك
فى الدنيا مفيش زى كلامك
دة موجود بس ف احلامك
لكن فى الجد محال

انا قلت دى نبع الحنية
وخلاص مبقتش بتقسى عليا
انا قلت شفوها بعنية
انا قلت حبيبتى منال

بصو وشوفو انا بعشق مين
ياللى انتو عليا قوام ظالمين
حبيبتى دى رقة وبحر حنين
وكلامى دة غنوة فى موال

سالونى مين بنت حلال

عمرو جاهين

يا بختك يا منال

شكرا سعيد علي هذه القصيده الجميله

مع اني اراها تصلح ان تكون اغنيه جميله جدا

لما بها من صور جماليه رائعه وانسياب في الكلمات والمعاني
.........

ههههههههههههههههههه يا بختك يا منال فعلا

شكرا ابوجمال على المرور الجميل بالموضوع

وفعلا الكلمات تصلح لتكون اغنية وجميلة جدا

» زجل صلاح جاهين
» الدرس انتهى لموا الكراريس (صلاح جاهين)
» عجبتنى كلمة من كلام الورق وغيرها من رباعيات جاهين
» لسه ماتابش عليك ؟..بهاء جاهين
» موسوعه لشاعر العاميه صلاح جاهين