رسالة الى زوجتى الغالية (عسيرى السوهاجى )

للتحميل

رساله الى زوجتى الغاليه ...شعر واداء عسيرى السوهاجى.mp3

قبل مااعرف نور هواكى
قبل حبك ياملاكى
كنت كاره عمرى كله… كنت بتعذب ليلاتى
قبل ما القاها معاكى… كنت كارها حياتى
كنت عايش فى الضياع.. كنت مسرح للخداع
كنت عايش للذنوب …كنت كاسر للقلوب
كنت احب وادوب وادوب ..بس كله كان خداع
كنت فاكر انى عايش ..وانى خالى من جروحى
واكتشفت بانى ميت.. وانى ضايعه منى روحى
والحياه كانت ظلام ..وحزنى غطى ع الكلام
كنت مخدوع م اللى شفته ..من محبه او هيام
قبل ما اعرف نور هواكى
اللى عشته من غرام.. كان حرام
وهى دى كانت حياتى.. كنت عايش والسلام
وبعد ماعشت بهواكى …بعد حبك ياملاكى
بعد ما اعرفتك وشفتك.. بعد ما بقلبى عشقتك
ومن عيون الناس اخدتك
من ساعتها بقيتى ليا… ومن ساعتها بقيت لحبك
وانتى ياغاليه مراتى
نور لقلبى وفرح عمرى.. والسعاده اللى فحيات
والدوا انتى لجروحى ..والهوا اللى بيحي روحى
والنسيم اللى يسكن من اهاتى
ياحبيبتى انتى اغلى من حياتى
دنيتى تحلى بحبك ..فرحتى لما ابقى جنبك
منى هبعت ميت رساله..انادى قلبك
مش راح اكتب فى الرساله ..غير بحبك
يا اللى اغلى م اللى راح وم اللى اتى
ياحبيبتى ياللى اغلى من حياتى
قلبى مش عايش معايا .. لا معاكى
زى ضلك.. بين ما تمشى يروح وراكى
زى خاتم بين صوابعك… او قمر عالى فسماكى
الهوا اللى انا عشت بيه.. كان هواكى
والدما بتجرى فى عروقى.. دى دماكى
وربى حافظ كل خطوه من خطايا.. وده بدعاكى
بعد ما عشت بهواكى… بعد حبك ياملاكى
عشت حب معشتهوش الابهواكى
وشفت فرح مشفتهوش غير معاكى
لما تبقى بين اديا.. ولما بتنادى عليا
ولما تدينى شويه ..من حنانك
بنسى كل حنان عرفته …غير حنانك
بسنى كل مكان سكنته ..غير مكانك
بنسى فى عنيكى اللى فات.. بنسى كل الذكريات
بنسى ايامى وزمانى… بس بفتكره زمانك

جميلة جداا يا سعيد

شكرا على الاختيارات الجميلة

والانتقاء المتميز

شكرا ام شروق على المرور الجميل بالموضوع

وعلى الاضافة الجميلة للموضوع .جزيل الشكر

جميله جدا هذه الصور الشعريه الرائعه

في وصف الزوجه ومنزلتها بالنسبه للزوج

وفاء قد لا نجده كثيرا في زماننا الا من رحم ربي

شكرا سعيد
........

فعلا يا ابوجمال فى الوقت الحالى تجد معظم

الرجال يشكون زوجاتهم ولا تجد من يحبها

هذا الحب ويصفها بهذه الاوصاف وكإنها

حبيبته .شكرا ابوجمال لمرورك وتعليقك القيم