ماترد ياواد؟؟؟؟

ماترد ياواد؟؟
جبتلك اللي انت كاتبهولي
و فانلة و شورت جٌداد
جبتلك الكوتشي .. على المكتب
خليك جاهز .. و على استعداد
جبتلك الشنطة اللي عايزها
ما ترُد يا واد
..
ما ترُد بلاش توجع قلبي
بكدب على أمك و مخبّي
و بقولها لسّه ف الديربي
جوّا الاستاد
طب أقولها إيه
طب مات كدا ليه
و ف أنهي بلاد
طب مين حيجرّيني وراه
طب مين حيضحّكني معاه
طب أقولّها .. تاه
ما ترُد يا واد
طب رٌد و الله لأسامحك
و حخلّي أخوك ييجي يصالحك
دا أنا حلم حياتي أحضر فرحك
محضرش الدفنة ب سَنّاد
................................

لاحول ولا قوة الا بالله العلي العظيم

ربنا ينتقم منكم بعدله ان شاء الله

لا اله الا الله محمد رسول الله

حسبي الله ونعم الوكيل

حسبي الله ونعم الوكيل

حسبي الله ونعم الوكيل

لا حولَ ولا قوة الا بالله العلى العظيم

هذه الكلمات لو يدرى من كتبها اثرها على

اهالى الشهداء ما كتبها .نسأل المولى عزوجل

ان ينتقم من كل من كان له يد فى قتل هؤلاء

الشباب ومن يحاول اشعال نار الكراهية بين ابناء

الشعب الواحد . شكرا ابوجمال

الكلمات الصادقه تنبع من القلب دائما

حتي انك تتخيل ان قائل الكلمات هو بالفعل اخ لشهيد

من شهداء بورسعيد...بل وتتفاعل مع الكلمة لدرجة

البكاء...

شكرا سعيد ...اللهم احفظ اولادنا واولاد المصريين اجمعيين

وابعد عنهم كل شر ومكروه برحمتك يا ارحم الراحمين

شكرا سعيد
............

لاحول ولا قوة الا بالله العلي العظيم
حسبي الله ونعم الوكيل فعلا
كلمات غايه في الروعه والصدق
لانها خارجه من القلب تحكي وتتحاكي
بلسان الكثير من الامهات
تحياتي عمنا الغالي علي الموضوع القيم