مسابقه افضل صوره وأجمل تعليق

موضوع اليوم خفيف ومرح

كل عضو يتفضل بوضع صوره يوميا

ويترك التعليق للأعضاء

وفى اخر اليوم يتم اختيار افضل صوره واجمل تعليق

يلا هنبتدى وهنزل اول صوره وأترككم للتعليق

[img]

مسابقه افضل صوره وأجمل تعليق 1329389957911

[/img]

اعلام مسموم كالافعى التى تنتظر الرفاعى الذى يقتل سمها

والفتنة خامدة لعن الله من ايقظها

كوبرا العصر فاحذروها
اقطعوا رأس الحية

الستلايت العربي وابداعاته الاخيره
في اجواء يشوبها الغموض والحيره

شكرا سعيد

شكرا زهره

شكرابو حسام

على مروركم الرائع

ننتظر منك الصور للتعليق عليها

وعن نفسى اختار تعليق سعيد كاأفضل تعليق

وجهى اطلس خرائطى
عليه معالم الشقاء المحفورة عبر السنين

ماشي ننتظر الاخرين يازهرة
والحكم عقب المداوله

ولا كرنيفه الا وكانت قلب
..................

علي فكره ده مثل مش عارف عارفينه ولا لا؟

وهو تعليق مني علي الصوره اعلاه

ههههههههههههههه سأكتفي فقط بالضحكه حاليا
والتعلق بالنهايه يا عمنا الغالي

بس انا مفهمتش خااالص

النخله ليها سلالم من بره عشان الناس تركب عليها صح

اهي السلالم دي اسمها كرنيف ومؤنسها كرنيفه وهي نهاية الجريده

بتاعة النخله اظن الجريده معروفه

وفيه كمان في النخله حاجه اسمها القلب بتاع النخله

وهو عباره عن مجموعه من الجريد الرقيق الاملس الناعم جدا زو اللون الاصفر الجميل

وخوصه ناعم جدا ورقيق جدا

مع الايام والشهور يتحول هذا القلب الي جريده عاديه زات خوص اخضر بدلا من الاصفر الناعم

ثم تقطع الجريده فيما بعد لتظل نهايتها فقط التي هي بمثابة سلم من سلالم النخله التي يصعد عليها الاشخاص

في حين انها كانت في الاساس قلب رقيق ناعم املس وخوصه غايه في الجمال

وضح الامر؟؟

اقطع دراعي ان كانت بنتك فهمت حاجه
هي اصلا متعرفش يعني ايه خوص ياعمي
وخدها ثقه من العبد الفقير لله
هههههههههههههه اختي وانا عارفها

بعد كل ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا بقي يبقي اروح اشوف لي مدرسه تاني اشتغل فيها

اهههههههههههههههههههههههههههه

والله انا خايف لتكون انت اللي مش واصله لك المعلومه اهههههههههههه

لا تشوف ايه ياعمي لالالالالا
الفكره ان اختنا ام شروق ما تعرفش اي حاجه عن الزمن الجميل والكلمات الصعيديه بتاعتنا
معندهاش درايه بيها خالص منتا عارفها كل ما انا وحضرتك نقول كلمه صعيديه او معلومه بس بلغتنا احنا ترجع تسألنا عليها يعني ايه ههههههه البندر وعمايله ياعمي بقي بس ان شاء الله هنديها الجنسيه الصعيديه قريب
بس بعد ما تعرف يعني ايه مفردات الكلام وتجيب الموقد والكانون والمصبوبه
ههههههه

هههههههههههههههههههه
طيب علشان اثبتلك اني لسه صعيدي زي منا ومش ناسي
هو الجريد بيخلي من السلاع ياعمنا

صح ...ود ابوك والله

لايمكن الراجل الاصيل ينسي اصله
انا بفتخر اني صعيدي ولي الشرف وبتباهي والله
متخافش علي واد اخوك لسه زي ماهو
ميغيرتهوش السنين
والخوص كنا زمان بنجيبه ونتل بيه المقاطف والربعيه
زي الحلف نفتل بيه الحصر والسداده ياعمي

اههههههههههههههههههههههههههههههههههههههههه

انت لسه فاكر الحلف والحصر والسداده

الله يجازي شطانك

زماااااااااااااااااااااان يابو حسام فين الايام
.................

والله ما تتنسي ابدا هي بس افعال السنين والغربه
والتقدم والتطور اللي بنشهده في هذا العصر
الجريد كنا زمان نعقد بيه وتحديه بصفوف وطريقه حلوه علشان يتماسك
وتجيب الطين اللي مخلوط بالدهس علشان يغطيه ويحمي البيت من المطر
فاكر ولاناسي ياكبيرنا الحدي للجريد وتربيطه بحبال الحلف الجامده
كله من خير الطبيعه اما الان اصبح النايلون والبوليستر اهم العوامل برغم القديم احلي وامكن كمان

عندنا كانت حبال الليف يا حماده

لان حبال الحلف بتدوب بسرعه

فاكر طبعا

لكن حاليا المسلح نار في الصيف وتلج في الشتا

يعني بدون مكيف ميتفعش الكلام
.............

مهي من فوايد النخل برضه كانت حبال الليف لانها قويه كمان
بس الليف كان ليه استخدام اخر ومازال موجود حتي الان
في الصعيد او بعض القري الفقيره احيانا
ليف النخل بيستخدموه في التنظيف للجسد والخرفشه لو فاكرها ههههههه

ماشى
قاصدين تعقدونى بكل العبارات دى
الخوص انا عارفاه كانوا بيجيبوهولنا فى الخويصه
نلعب بيه
اما النخل والسلالم فانا فى بلكونتى فيه نخله فيها الحاجات دى
ممكن اعرفها بس الاسماء هى اللى كانت تايهه شويه
ومع نفسكم بوظتم موضوع مصطفى

موجود بالفعل حتي الان طبعا

ومثله مثل الخوص فيه منه انواع يعني

فيه الناعم ابو لون مصفر

والخشن او لون احمر داكن
.............

يعني ايه يا زهره؟

حماده يقطع دراعه يعني ولا ايه؟؟

اتحدي وكلي ثقه ان كانت تقدر تفرق مابينهم
ههههه معلش يادرش موضوعك اتلخبط علي الاخر

درش يسامحنا بقي

هنعمل ايه النورج حرتت في الضما

.....................

هههههههههههههههههههههههههههههههههههههه
طيب خلي زهرة بقي ترد وتقول لنا يعني ايه الكلام بعاليه هههه الله يمسيك بالخير ياللي في بالي
عذرا يادرشاوي والله انت راجل عسل فتحت لنا المجال كنا مفتقدينه من فتره

لا صعبه دي بجد ياحماده

لا لا لا

مش بنتك اللي بتقول انها عارفه كل حاجه
خليها بقي تحكيلنا وتفسر
وتقولنا ايه الفرق بين الربع والقنايه
والنورج والدراسه والمحرات

يارااااااااااااااااااجل هي عرفت حسن لما هتعرف حسين

حرام عليك واحده واحده

.............

خلاص ماشي انا هصبر ونشوف التفسير بتاعها ياعمي

على فكره انا عارفه المحرات
كنت بشوفه فى سر الارض
والنورج عباره عن سكينه كده ملويه مش عارف بيقلعوا بيها الزرع
وموضوع مصطفى باظ خلاص عليه العوض

سر الارض المسلسل بتاع احمد ادم
طيب معلوماتك كلها هتكوني واخداها من المسلسلات يعني ؟
لا انتي عاوزة دروس من جديد خالص
معلش يابو عدلي

» ناظم الغزالي وسيد خليفه في مسابقه غنائيه لطيفه
» وأجمل منك لم تر قط عينى
» البحر ابو جريشة وأجمل ما قال
» وأجمل منك لم ترى قط عينى \ للهلباوى
» مع حليم الرومى وأجمل ما قال