مواطن فى قسم البوليس

زجل باللهجة الصعيدية
كتبت قبل ثورة 25 يناير

مقسوم لي ودخلت القسم
مقبوض علىّ بلا إثم
ولا حتى ليّ خصم ...
ويابوى هناك ع الحَسْمْ
أتارينهم في البوليس
مابيندهوش بالإسم
يابيشتموا بالأم
يايعلموا ع الجسم
تهمتي نسيت البطاقة
ولا لىّ ف الشر جمل
ولا لىّ ف الشر ناقة
إنما جهل وحماقة
كيف أتسوق ف البندر
مش متسلح ببطاقة
ليه اتمخطر وأتغندر
وافتح للشر طاقه؟
كفوف صُولات متكلفه
والمخبرين تضرب كدا متأففة
كل التفاهم ع القفا ،والصدغ
ضرب يجيب دفا
أتحوش بأيد تلقى البعيد
بالجزمه شاط ف المقعدة ...
تلقى الآهات متعددة ومترددة
قلت أتكلم ف التليفون
قالوا أنت باين لك مجنون
قر.. أنت سرقت مين
انطق .. كنت رايح وين
إن كنت هتسوق الجنون
هانجننك..
ياروح أمك أنت ف كركون
اليأس دب ف قلبي
والخيبة لزمت جنبي
ياربى .. كان إيه ذنبي ؟
فرت دموعي ودمع الرجال غالى
نسيت حتى جوعي وسرحت أفكر ف خالي
بس لو جالى
عشان يضْمَنْي
فوقني قلم جنني
على صدغي طلع م الننى
قالوا قر بلاش كئابه
قلت له يابيه داحنا غلابة
قالي بالفم ..والكتابة
يعرض غداّ ع النيابة

م ن ق و ل

علشان كده الناس لغاية دروك

مش طايقه الشرطه رغم مرور سنه وشويه علي الثوره

لانهم كانوا طغاة متجبرين في الارض

شكرا زهره
.....

اختلف الحال الآن
وفقدت الشرطة هيمنها واهتزت الصوره
وهتاخد وقت علشان تقدر تصلح الامور بينها وبين الناس
شكرا ابو جمال

والله الجميع بيتمني من الله ان تعود الصورة الجميله
اللي الكل رسمها ليهم بعد احداث الثورة الجميله
وربنا عليه صلح الحال ان شاء الله وتون بلدنا بلد الامن والامان

ان شاء الله ربنا يعدل المايل
وتنتظم الصوره
شكرا عبقر

» مواطن نموذجى
» مواطن لمرسي أوعى مكتب الإرشاد يحكمنا
» مواطن فى الاستفتاء يبحث عن رمز الهلال
» لايوجد انسان ضعيف ولكن يوجد انسان يجهل مواطن قوته
» هموم وأوجاع مواطن مسلم