على فين شيطانك واخدك يا متغندر

ظهرت بكثره غريبه جدا جدا في الاونه الاخيره ظاهرة المعاكسات
والتخفي خلف ستار الحب والهوي الزائف فخطرت ببالي فكرة عمل زجل فكاهي بعض الشيئ
اهو نضحك مع بعض عليه شويه ونشوف حوار ظريف بين واحد صايع وابوه مثلا
تعالوا نشوف ايه الحكايه مع بعض

اوعي يا عايق تغرك
نفسك ويا صباك
تجمل لسانك وتشغله
في نصب شباك
علي قلوب الصبايا
وترمي بلاك
تغازل تعاكس
وتعمل ملاك
مؤدب وعاقل
يدوبوا في هواك
صورة ومغشوشه
شافوها معاك
نظرة خبيثه وتسرقها
من هنا كمان وهناك
ناسي اختك وناسي امك
وناسي كمان كل اللي وراك
اوعي عرض الصبايا
ياولدي غالي واخره هلاك
تعب قلبي من الشكوي
وبعدين وياك
دا يشكيلي ودا يحكيلي
واخرتها معاك
فاردلي قلوعك
والشيطان وياك
علي الناصيه واقف بتتعايق
يشفوك الناس يقولوا حلاك
مسبسب القصه علي القوره
وعاملي فيها مستر جاك
مستني واحده لما تعدي
تسبلك وتقولك اموت في هواك
علشان تفرح يامتغندر
وتجيب الصحاب كمان وياك
ناسي الملايكه اللي علي اكتافك
تكتب كل حرف وكمان شيفاك
شايفه عمايلك خطوه بخطوه
ولحظه بلحظه قاعده معاك
يوم العرض هتعرض وحدك
والكتاب هيكون وياك
يقولك
فاكر لما راقبت ف جارك
واتصنت من الشباك ؟
فاكر ياد الشقه اياها
لما رحت وبيت هناك ؟
فاكر ياد البنت فلانه
لما ضحكت عليها هناك ؟
غير في الدنيا يا ولدي مهانه
وجايبها لناسك يافقري معاك
مش هيقولوا اخص عليك
لا وكمان ع اللي رباك
جبت الاساءه ياولدي لنفسك
واعمل ايه ياغلبي معاك
لو كنت اقدر انا اتبري
والله لااعملها كمان وانساك
جايبلي العار كضرب النار
وكله ياولدي كمان بغباك
اه لو يرزقك بواحده جاحده
وتطرقعلك تيك توك تاك
وتعمل فيك احلي مقالب
وتطفي النار اللي مسكاك
تاخد علقة موت ياصايع
وابو ورده ينزل رن كمان في قفاك

ابو حسام

عسل عسل عسل
زجلية رااائعة يا حماده
يستاهل البصباص ابو عيون زايغه
والله سلمت يمينك ولو يتذكر الشاب انه كما تدين تدان لما فعل هذا
ولكنهم يغفلون ويجلسون على قارعة الطرقات يعاكسون
والادهى ان الظاهره اصبحت فى الصبيان والبنات بقى فيه بنات بتعاكس ودى وقعه سودا منيله

وذكر فإن الذكرى تنفع المؤمنين
إن شاء الله يا عم حماده يكون فيه بصيرة ووعى عند الشباب ليس من جنس واحد ولكن من الجنسين حتى لايقع فى المحظور وبدلا من أن يأخذه شيطانه إلى الهاوية فيندم حيث لاينفع الندم يرجع ويدرك أن له ربا مطلع يحاسب على الفتيل والقطمير وأنه كما تدين تدان

زهرة بنت ساحة الطيب كتب:: عسل عسل عسل
زجلية رااائعة يا حماده
يستاهل البصباص ابو عيون زايغه
والله سلمت يمينك ولو يتذكر الشاب انه كما تدين تدان لما فعل هذا
ولكنهم يغفلون ويجلسون على قارعة الطرقات يعاكسون
والادهى ان الظاهره اصبحت فى الصبيان والبنات بقى فيه بنات بتعاكس ودى وقعه سودا منيله

اشرقت الانوار بتشريفك للموضوع يازهرة يابنت الاكابر
مش كدا برضه ابو عيون تدب فيها رصاصه
مش لازم ياخد جزائه وفعلا كما تدين تدان
تحياتي يابنت الاصول

الهوارى كتب:: وذكر فإن الذكرى تنفع المؤمنين
إن شاء الله يا عم حماده يكون فيه بصيرة ووعى عند الشباب ليس من جنس واحد ولكن من الجنسين حتى لايقع فى المحظور وبدلا من أن يأخذه شيطانه إلى الهاوية فيندم حيث لاينفع الندم يرجع ويدرك أن له ربا مطلع يحاسب على الفتيل والقطمير وأنه كما تدين تدان

سيبك انت من كل دا خالص
انا عمال اقول الموضوع نور قوي كدا ليه وملعلع كمان
اتاري الغالي ابن الاصول هنا
والله زمان ياهواري يا اصيل
السها نورت والله وافتقدناك من زمان فينك وفين اراضيك
والله ليك شوقه ياعمنا الغالي
والله كمان بنتمني من الله ان يصلح حالنا واحوال المسلمين
ويهدي شبابنا الغالي ويراعوا انه كله سلف ودين
وربك يهدي ياعم الحاج قول امين يارب
نورت والله الموضوع يامولانا واسعدني جدا مرورك الطيب

نقد ساخر ولازع جدا لمرتكبي

هذه الحماقات اللاخلاقيه

التسكع والتنطع في الطرقات والنواصي

لا لشئ الا لمضايقات ومعاكسات

قد تنتهي نهايه مأساويه جدا

لكلا الطرفين......وهذا مرده الي انحطاط اخلاقي

وعقليات متسطحه غير مدركه او مغيبه بفعل فاعل

عن واقع شئنا ام ابينا هو واقعنا الذي يجب

ان نتعامل معه علي عيبه كما يقال ولكن بطريقة تضمن لنا الصلاح

والفلاح لنا ولاخوة لنا من الجنسين

سلوك لابد ان يحذر منه......وان ينتبه اليه كل انسان

فحريتك تنتهي عند ايذاء الاخرين

ابدعت او حسام في السرد والتفاصيل
...............

عمنا الغالي والحبيب
واستاذي الجليل واخي الكبير
ابو جمال
تحيه معطره بأرق واجمل الكلمات
لتشريفك وتحليلك وتعقيبك القيم
نعم ياعمي لقد اصبت بتحليلك القيم ما اردت توصيله
كفانا الله واياكم شر هذه الفئه الغريبه التي لاتعي
ان كل شيئ سلف ودين وكما تدين تدان
افعل يفعل بك
ونحن ياعمنا نتعلم منك دائما فنتخذ من نهجك طريقا نسير علي دربه
لك ارق واجمل العبارات في الكون كله
وربنا ما يحرمك مني هههههه
ولايحرمني من تشجيعك المستمر واطرائك الوفير علي