قطار الموت

من كام سنه فاتوا وانا مستنى قطر
الموت يعدى ما بيعديش


يمكن ييجى يلاقى تذاكرى فى
يدى ويا يرحمنى يا مايرحمنيش


قاعد وسط الزحمه فى توهه وبحسب حسبه وياها حسبه حسبة برمة وماتساويش


عايز اقابل ربنا طايع صايم قايم وافى شروطى والعيبة منى ما تجيش


تعبت يا قلمى من الحسابات
صاحى بتشكى وتحكى حكاوى وانت عنى
ما هتغنيش


ياااه يا ولاد قطر الموت دا باين له فات ولا انا لسه ليه على الدنيا دى ساعات


يضحك احمد ولدى يقول ما تخافش يا ابوى
قطر الموت مش هيسيب حد


ولا هيوقفه اعطال ولا اعتصامات ولا
هيهمه غير تنفيذ الحكم فى وقته وبالثانيات


يبص له سامى يقول ودى كلمه تقولها لابوك ..عايزه يموت


بعد الشر عليك يا كبير دا احنا من غيرك ولا نسوى ربك اصله رحيم وقدير


تبكى عزه وتمسك ايدى ما تقولش كده تانى يا ابوى تحت جناحك انا مرتاحه كيف من غيرك بس هعيش


امسك عزه بايدى احضنها والملم دمعى
واقول يا اولاد دا المكتوب عالكل ووحده
الحى الباقى


خلى قلوبكم بيه عمرانه...اوعى يا عزه
اوعى يا بتى تهملى ربك وتمشى ويا رياح عواطفك انا وياكى ميت حى ادينى معاك وربك فوق الكل
يا بنتى


وانت يا سامى كبر مخك وافرد طولك
انت الراجل وانت الضل لقامة ابوك


وانت يا احمد انا عارفك دايما مطمن
قلبك عامر وبقضا ربك دايما متفائل


صلى عليا يا ولدى امام ..وصى خواتك
طيب خواطرهم ذكرهم دايما بالمنان


يتلموا ولادى حواليا ويقولوا يا عم الحاج
هات لنا سيرة تريح بالنا مافيهاش
قطر الموت


وه يا ولادى وهو فيه احلى من سيرة قطر الموت لما يفوت يمى ويحضننى واطير
وياه واقابل رب كريم طمعان فى رضاه


وفجأة حسى يروح واشرق منيهم ..تجرى عزه تجيب كوباية الميه وتيجى ناحيتى جرى


ايه يا ابوى شوية بلغم دول كاتمين عالصدر ...اضحك وابص
لها دى خشخشة الموت يا حبيبتى اصل الموت
دا ليه سكرات


تجمد عينها ويبصوا لبعض ولادى فى ذهول
وييجى القطر واتلقاه بإيديا ترفرف وقلبى يقول اشهد انه غير مولاى مفيش اله


وان محمد عبده ورسوله مبعوث بهداه



زهرة

الله الله

كلمات جميله

اينما تكونوا يدركم الموت

صدق الله العظيم

فالاستعداد ليوم الرحيل يجب ان لا يغيب

عن كل عاقل

شكرا زهره

شكرا زهره علي هذه التذكره

التي يجب ان لا تغيب عنا

نعم للموت سكرات

والنفس المطمئنه لها بلقاء ربها فرحات

اللهم هون علينا سكرات الموت

واجعلنا ممن يحبون لقاء الله فيحب الله لقائهم

دام قلمك المبدع ..زهــــــــــرة
............

احمد ابو عاصم كتب:

الله الله

كلمات جميله

اينما تكونوا يدركم الموت

صدق الله العظيم

فالاستعداد ليوم الرحيل يجب ان لا يغيب

عن كل عاقل

شكرا زهره

نعم استاذ احمد
كل من عليها فان
والموت واعظ من لا واعظ له
جزيل الشكر بارك الله فيك

عبد الفتاح عبد الشافي كتب:

شكرا زهره علي هذه التذكره

التي يجب ان لا تغيب عنا

نعم للموت سكرات

والنفس المطمئنه لها بلقاء ربها فرحات

اللهم هون علينا سكرات الموت

واجعلنا ممن يحبون لقاء الله فيحب الله لقائهم

دام قلمك المبدع ..زهــــــــــرة
............

من احب لقاء الله احب الله لقائه
جزيل الشكر ابو جمال
وهنزلها دلوقت يوتيوب ويهمنى رأيك

ادمعتي اعيننا ...زهره بهذا الفيديو

والموسيقي المصاحبه له

وكأنه موكب جنائزي بالفعل

عمل متقن جدا فنيا

وخيال خصب ورائع لاب يودع ابناؤه

في لحظة جميعنا ينتظرها عاجلا ام آجلا

كل الشكر والتحيه لكِ

دمتِ مبدعة دائماً
.................

جزيل الشكر لك ابو جمال على التشجيع الدائم
والموسيقى المصاحبه وجدتها لو وضعت لوحدها بدون كلمات لعبرت عن لحظات حتمية
رقق الله قلوبنا وجعل العبرة والعظة امام اعيننا فى كل اللحظات

اذا تصورنا المشهد فالعين تبكى وهذا يدل على رقة القلوب
وقلوبكم رقيقة والحمد لله
شكرا ام سندس

طيب اقولك ايه انا دلوقتي بعد ما سمعته وما رأيته بعيني
روحي الله يسامحك يا بنت الاكابر
وتسلم الايادي ويسلم القلم اللي قدر يحرك المشاعر بداخلنا
لتصل الي هذا الحد من الشجن والتذكره التي نغفلها احيانا ونتذكرها تاره
الله يسامحك يازهرة والله برغم جمالها برضه الله يسامحك علي اللي عملتيه فينا

ليه يا عبقر
اعتبر نفسك بتشوف مشهد فى فيلم او مسلسل وعدى خلاص
حقك على يا اخى