عريس مصر القادم قصيدة بالعامية المصرية

عريس مصر القادم قصيدة بالعامية المصرية
كتبها الدكتور محمد فؤاد منصور
*****
عريسك يا مصر
يا ست العرايس
مفلس ومشيخ وهايص ولايص
وفيه الممثل وفيه الهجايص
وفيه الكِشر .. ووشه عِكر
وفيه اللي ناعم
وفيه اللي مايص
***
ده واحد نعلق عليه الآمال
وعايش في بدلة حبيبنا جمال
ولكن كلامه بعيد الاحتمال
لأن اللي مات مستحيل يتبعث
وشغل النضال ده .. ده أصبح محال
***
وواحد يقول ده بعتني النبي
وقصر الرياسة ده فيه ملعبي
مفكر يا مصر إن شعبك غبي
ها يقبل رئيسه يكون له رئيس
ببوس الأيادي كلي واشربي
***
وواحد شغلنا بلا مشغلة
يمثل علينا كلام حنجلة
وينفخ سيجاره وعامل ولا
كأن الرياسة بتاعت أبوه
وأحنا يا عيني قطيع في الفلا
***
وواحد ده ساكت وعامل شجيع
مخاصم حبايبه وباين وديع
وعند الرئاسة ها يقلب بديع
يقطّع أيادي ويرجم في ناس
وشعبك يا مصر مسالم مطيع
***
وواحد قراري وفل الفلول
وداخل بصدره وفشره المهول
ويلبس بلوفر ويطلع يقول
أنا الرئيس الأنيس النميس
وكل العيال دي ناقصة عقول
***
عريسك يا مصر ده لازم يكون
موظف إدارجي عظيم الفنون
يحبك وشعبك وعاقل حنون
وعارف بأِنه في يوم نفترق
ولو كان يحبك لحد الجنون

كلمات جميلة جدا ووصف اكثر من رائع لما نحن عليه

الان ونسأل المولى عز وجل ان يولى مصر من يعدل ان شاء الله

وان كنت أرى من وجهة نظرى المتواضعة ان جميع الصور

المعروضة حاليا باهتة ولا يوجد بينها من يمتلك جدارة الحصول

على هذا المنصب الرفيع .شكرا استاذنا الحاج حمادة على الانتقاء

الجميل والرائع

أسعـــــــد
الله قلبك وأيامك
أخي أستاذ/ سعيد العارف
الله يجزاك كل خـــــــــير .. يا طيب
مشكور على مرورك الطيب وما ننحرم
منك جعلها ربــــــي بميزان حسناتك
أستودعكم الله وفـــــي رعايته
تحياتي الطيبة

» بقلمي// قصيدة دولة الباشا ومدامه بالعامية
» عريس آند عروسة
» حكاية عريس وعروسه هبل
» عريس يطلق زوجته لتاييدها الرئيس المخلوع مبارك
» الكهرباء‏..‏ القادم أسوأ‏..‏