أنزل يا أما؟؟

موضوع: أنزل يا أما؟؟ الجمعة مايو 11, 2012 10:59 pm

الواد ف بطن امه عدى التاسع من شهور

قـالــتــلـه اوعــى تــنــزل ..بابــنـي الـبــلـد بتثور
... ...
و انـــا بــوعــدك..هـبـقـى أولــدك ,,لـمـا الــريـس يـغـور
... ... ... ... ... ...

D: أنزِل يا أماا ؟-

يابــنــي اسـتـنى الريس غار

بـــــــس مـــــافـيش استقرار

علشان تلقى رغيف العيش

! اُصبُـر ست شهور عالجيش

انزل يا أماا ؟-

يا بني استنى ماتستعجلش !!-

!انا عايزاك يعني ماتنزلش ؟

سيب الجيش شغال بمزاج

ليه تفسي كاوتش الانتاج ؟

و خلاص بيحاكموا اهو المخلوع

يعني اتطمن م الموضوع

و بكرة جمعة التطهير

يوم السبت اِنزل على خير !

: ] هااا.. انزل يا أماا ؟ -

لا استني كمان معلش-

اصل الناس يومها مانزلتش

يا أما ازاي ؟ ده أنا لسة شايف ف المصري اليوم-

! التحرير فيه كذا مليون ...

ما تبقاش خايب زي ابوك -

! دول فوتوشوب .. ازاي خدعوك

:O انزل يا أماا ؟؟-

اسكُت يابني -

شفت ابوك راح يشتري فول

راحوا مسكوه على انه فلول ,,,

يا أما ازاي ؟؟؟ منغير قضية ؟؟-

لأ بمحاكمة عسكرية -

:S طب أنزِل يا أماا ؟؟-

شفت في حادثة ناحية بيتنا -

كنيسة اتضربت فحصل فتنة

ازاي يا أما !! و الجيش فين؟؟-

أمما صحيح مجلس مساطيل

يا بني بس ماتظلمهوش-

!كانت الساعة اتنين بليل

أناا ناااازل يا أماا -

مش عارفة ليه مستعجل انتَ-

فاكر انك أجدع م الشرطة ؟!

اُصبُر شهر اتنين ب كتيره

و اِنزل على تسليم السُلطة

لأه خلاص يا أما و لايهمِك-

خدت خلاص عالقعدة ف بطنِك..

بس فحالة اني زهِقت

و صللي عندي كابل الِنت

و لو الكابل هيعمل زنقة

حطي بداله واي فاي مش فارقة

و بلاي ستايشن و دراع مالتي

نلعب أنا و أخويا يا مامتي

اه ب الحق اخوك عامل ايه ؟-

سلملي بالمرة عليه

:اخويه كويس اهو بيقوللك -

ماتنسيش تبعتي ليه بلالين..

..بكره هيتم التلاتين

,,,

: و بيسأل

ينزِل يا أما؟؟

موضوع: رد: أنزل يا أما؟؟ السبت مايو 12, 2012 11:39 am

لا ..خليكو قاعدين

.................

شكرا زهره علي هذه الكلمات الساخره

من اوضاع مصرنا الغاليه
.............

موضوع: رد: أنزل يا أما؟؟ السبت مايو 12, 2012 1:05 pm

خليهم قاعدين
مش معاهم وصلة نت ومتابعين الاحداث من جوه
يبقى يتعبوا نفسهم ليه بلا هم
شكرا ابو جمال

موضوع: رد: أنزل يا أما؟؟ السبت مايو 12, 2012 1:11 pm

والوليه كل شويه بطاريتها تشحن وتفضا

هتستحمل ايه ولا ايه
.........

موضوع: رد: أنزل يا أما؟؟ السبت مايو 12, 2012 1:15 pm

هما الوالدين كده لازم يستحملوا
امال بيخلفوا ليه
وايه ذنب العيال ييجوا وسط السواد والخيبة التقيله دى