رباعيات حماده شحات

ياللي تلوم ع الزمان استني و حاذر كدا منه

زمن الفوارس صحيح انتهي ومفيش ولاشيئ منه

بس صفة الاخلاص والوفا خدوها الرجال منه

شايفها بعيني فيك وفي ولدك مهما صغر سنه

</td></tr></table>

***

هانت عليك نفسك بالمر والالم تكويها

ارجوك ياصاحبي بلاش المر يضنيها

دورعلي خل وفي يصون المحبه مايفنيها

ورب العباد موجود ياعم لكل نفس يشفيها

***

مهما طالت العله تلاقي الدوا اكيد موجود

يشفي الجراح لو الالم ف الحشي موجود

افتكر نعسه وايوب لما سكن ف جسمه الدود

ناخد منها عبره للزمان ورب العباد موجود
***

نار الهوي والحب بتكوي القلوب صحيح ياخال

قالوا زمان الصبر اجمل دوا يشفي اللي قلبه مال

اتحلي بيه وارتاح ياقلبي وعن الحبيب تاني ماتسأل

بس اعمل ايه في قدري ساكن ف قلبي مهما غيابه طال

روح ياهوي بلغ حبيبي سلامي واشواقي

مهما تعبني الهوي ولوعته ع الحبيب انا باقي

صاين وداده وفي القلب مكانه موجود باقي

لاحيرة ولاسهر ولا لوم مدام الخل الوفي كدا باقي

***

يصعب عليا حالي وانا معاك وناسيني

شايف كلامك ولسه بتأمل فيه انا بعيني

يسلام عليك ياصاحبي لما بودك تراعيني

توصيني بكلام افرح بيه ومتدمعش عليه عيني

</td></tr></table>

هقول الكلام الزين في المدح ياغالي

اصلي بعشق المدح وتلاقي الذكر يحلالي

اسمه محمد نبينا وعلي كل القلوب غالي

يارب توعدنا جمعاً بزيارة حبيبك الغالي
***

ياللي غويت المدح انزل هنا الساحه

امتعنا بمدحك برواقه بس بالراحه

تلقي قلبي يميل ويصفي معاك بسماحه

حبه ملك قلبي وساكن في عقلي بصراحه

***

هامات الرجال دايما مكانها في السما مرفوعه

لما تكون الصفات من اساس الاصل مصنوعه

تلاقي راجل حكيم شيخ بلد وعمده في مكانه

يحكم بالادب والعدل تلاقي قولته في البلد مسموعه

***

[center]راح الفكر والهم والزعل مني

لما مدحت النبي الكل غار مني

حبيت اطلعك منك الدرر وامدح معاك

قولت انت كلام حلو وكلامي راح مني
***
يا سيدنا النبي غني بأسمك الطير علي الشجر

حبك سكن قلوب الطير ومن قبلهم كان البشر

في احد وحطين بدعوتك وسيفك الاسلام انتصر

وصيت وقلت في عهدك امتي هتكون خير البشر

***

[/center]

ربيت في البيت معايا غزال جميل وصغير سنه

واخدته انا صاحب وعلمته الادب وضحك معاي سنه

خليته انا معاي في العين والقلب وتوجته علي راسي

وعن اهلي وناسي بديته بس العيبه ما جاتني غير منه

</td></tr></table>

***

ياقلبي سيبك من العين والناس وعزالك

عارفك رهيف طيب وتنسي اللي جرالك

مهما قسي عليك الزمان ياقلبي ياحيران

اوعي تنسي المكتوب وارضي ومكتوبك اهو جالك

***

وايا جابه ليا الطبيب انا قلتله قلبي

قلي جروحك سليمه ياواد داري كدا وخبي

تلاقي الاراضي اشتكت منك ومن غلبي

ياناس فراق الحبايب والله لم راضي قلبي

***

ياغالي بالك مع مين وانا هقعد هنا لبكره

شغلتني بحب النبي خليت حالتي بقت عبره

ولبستني توب يامحلاه وجماله ومشلل بلا ابره

توب الحجاز نفسي فيه ازور البيت واخد منه العبره

شكرا زهره

رباعيات ابو حسام لا يمل منها

يرجع لنا بالسلامه ان شاء الله

ليه وحشه والله ابو بطه
..........

يرجع ان شاء الله بالسلامة
وتعود الايام
وكتر الف خيره هى الدنيا كده
وزجليات حماده لا يمل منها
لا حرمنا الله منكم رواد السها

» اشتقت اليكِ يا أمى \حماده شحات
» ابنى حبيبى لحماده شحات
» حماده شحات\ بمدح فى النبى الزين
» ايهما لديه القدرة علي كتمان السر؟/ حماده شحات
» هل جربت ان تواجه نفسك وتكون صادقا معها لو ثواني؟/ حماده شحات