محدش عاجبه حاجه

مرة واحد إسلامى دخل الانتخابات...
نجح، قالوا: بسبب الشعارات الدينية.
سقط، قالوا: طبعا هو مال الدين ومال السياسة؟
قاطع الانتخابات، قالوا: شفتوا السلبية؟!
دخل بأغلبية، قالوا: عشان يكوّش على المقاعد وتبقى دولة دينية.
... دخل بثلث المقاعد، قالوا: عشان يعترضلنا على كل حاجة.
دخل بأقلية، قالوا: شفتوا؟ ده حجمهم الحقيقى.
ساب لهم البلد ومشى، قالوا: سابولنا البلد خربانة وطفشوا.
ساب الأرض وراح المريخ، قالوا: راح يستغل سذاجة المواطن المريخي ويعمل له غسيل مخ.
رفع عليهم قضية سبّ قالوا: بيسيء استخدام الحق العام وضد حرية التعبير واحنا كنا بنهزر.
فقد أعصابه وشتمهم، قالوا: شفتوا السفالة؟
سابهم وراح اعتكف، قالوا: شفتوا الدروشة؟
زهق ورمى نفسه في البحر، قالوا: انتحر ابن الكافرة!
قعد على جنب يقرا قرآن، قالوا: بيعزّم علينا.
قال حسبى الله و نعم الوكيل، قالوا: بيحسبن علينا.
قام راح شغله، قالوا: طمعان فى الدنيا.
ربّى دقنه، قالوا: متمسك بالمظهر مش بالجوهر.
حلق دقنه، قالوا: منافق.
نزل التحرير، قالوا: ركب الثورة.
سابلهم التحرير، قالوا: خان الثورة

اختلف معك استاذ علاء مش الاسلامين وبس لكن احنا كشعب

بالكامل محدش عاجبه حاجة ولا هيعجبه لاننا ذقنا مرارة الحكم

الظالم وجميعنا يريد ضمان حدوث ذلك مرة اخرى والاسلامين

اى ان كان انتمائهم جزء لا يتجزأ من الشعب المصرى ولن

ينفصلوا عنه .شكرا على الطرح القيم