هام جدا اللي عنده بنات يخااف عليهم اليومين دول

هاااااااااااااااام جدا

يا ناس إللي عنده بنات ( ينتبه جداً جداً ويخاف عليهم اليومين دول )

فيه بنتين راحو على محل وإشتروا كيس شيبسي وعصير
... وهما راجعين للبيت شافوا عجوزة ماشية وراهم !
المهم العجوزة دي مشيت وراهم لحد ما وصلوا البيت

وقفت العجوزه عند باب البيت بعدها راحت البنت الصغيرة
وحكت لأمها القصة وطلعت الأم لاقت العجوزه واقفة عند الباب
و سألتها إتفضلي ياحاجّة في حاجة ؟؟

قالتلها شكراً بس ناديلي البنت الصغيرة
اللي دخلت من شوية !!
قالتلها: أنا أمها لو البنت عملت حاجه إحكيلي ؟

بصت لها العجوزه وقالت: ممكن تناديها بس !
خافت الأم ودخلت قالت لأبوها

وطلع الأب وقال إتفضلي يا ستي مالك في حاجة
قالتله نفس الكلام وإنها عايزة تشوف البنت الصغيرة
أهل البنت خافوا .. وبصراحةعندهم حق وشكوا في العجوزة

قال الأب: إقصري الشر ... لو ما مشتيش هبلغ الشرطة
قالت العجوزه: مش هقدر أمشي إلا لما أشوفها !!
بلغوا الشرطة وجت ولقوا العجوزة قاعدة عند الباب
الشرطة قالوا لها في ايه مالك يا حاجّة ؟؟؟

قالتلهم خلوني أشوف البنت و بعدين إعملوا اللي انتوا عايزينه
قال أبوها: ما دام الشرطة موجوده تعالي يا بنتي كلميها
ونادوا علي البنت ومسكينة كانت ميتة من الخوف
وقالتلها العجوزة:

يابنتي: أنا هقعد عند الباب
ولما تخلصي
كيس الشيبسي هاتيهولي عشان عايزة افرقعه برجلي

هههههههههههه عجوزه بقا هنعملها ايه

يعنى وبعدين فى المقالب دى يا جمال
مااااشى مردوده لك ان شاء الله

فاضي بقي...زي كيس الشيبسي

والفاضي يعمل قاضي

ولو شفتك هفرقعك زيه

قصدي زي الست العجوزه

دي
..............

هههههههههه احسن حاجة بعملها فى موضوعاتك انى بقراها من

تحت مش من فوق والحمد لله لحقتها وهى بتفرقع كيس الشيبسى

قبل ما اقرا الموضوع وبعدين افرقع انا .شكرا جمال على الموضوع

الطريف ومش جديدة عليك

زهرة بنت ساحة الطيب كتب:: يعنى وبعدين فى المقالب دى يا جمال
مااااشى مردوده لك ان شاء الله

ههههههههه مش جديده عليا يا ام شروق

نورتي الموضوع

عبد الفتاح عبد الشافي كتب:: فاضي بقي...زي كيس الشيبسي

والفاضي يعمل قاضي

ولو شفتك هفرقعك زيه

قصدي زي الست العجوزه

دي
..............

ههههههههههههههههههههههههههه

تعيش وتاخد غيرها بقا يا حج

وعلي رأيك الفاضي يعمل قاضي

سعيدالعارف الضبع كتب:: هههههههههه احسن حاجة بعملها فى موضوعاتك انى بقراها من

تحت مش من فوق والحمد لله لحقتها وهى بتفرقع كيس الشيبسى

قبل ما اقرا الموضوع وبعدين افرقع انا .شكرا جمال على الموضوع

الطريف ومش جديدة عليك

هوا دا اللي كنت خايف منه والله

انك متوقعش في المقلب دا

اعمل ايه فيك بس يا اخ سعيد

عموما الجايات اكتر

وشاكر مرورك

ههههههههههههههههههههههه
لا حلوه يا اخ جمال شديت انتباهى فعلا وشربتها
واضح انك روحك حلوه زى السيد الوالد
حيااااااااااااااااااك

محمد عبدالفتاح ابراهيم كتب:: ههههههههههههههههههههههه
لا حلوه يا اخ جمال شديت انتباهى فعلا وشربتها
واضح انك روحك حلوه زى السيد الوالد
حيااااااااااااااااااك

بارك الله فيك يا اخ محمد

اضأت الموضوع بمرورك فيه

وللاسف هتلاقي نص مواضيعي بالشكل دا

هههههههههههههههههههه

جمال عبد الفتاح كتب:

سعيدالعارف الضبع كتب:: هههههههههه احسن حاجة بعملها فى موضوعاتك انى بقراها من

تحت مش من فوق والحمد لله لحقتها وهى بتفرقع كيس الشيبسى

قبل ما اقرا الموضوع وبعدين افرقع انا .شكرا جمال على الموضوع

الطريف ومش جديدة عليك

هوا دا اللي كنت خايف منه والله

انك متوقعش في المقلب دا

اعمل ايه فيك بس يا اخ سعيد

عموما الجايات اكتر

وشاكر مرورك

ههههههههههه لا انسى يا ريس مفيش اى موضوع لك الا وبقراه

من الاخر وعلى رأى المثل الشعبى اللى اتسلع من الشوربة ينفخ

فى الزبادى وكفاية مرة واحدة

» فرصة ذهبية اللى عنده عروسه فوق الخمسين سنه ييجى هنا فورا
» فكرهم ونكد عليهم
» اولئك عليهم صلوات من ربهم ورحمة
» مختطفو طفل بقنا يطلقون سراحه بعد تضييق الخناق عليهم
» "الصوفية" يؤسسون جماعة "إخوان رسول الله"يلا يعنى جات عليهم