دنيا وماشية بالمقلوب

لما نزرع عمر ذنوب... ولما الشوك يصير دروب...رح نعرف
انو الدنيا.... كلا صارت بالمقلوب
....
لما الوادي يصير جبال ...ولما البدر يصير هلال ...والعالم تلعب عا حبال ..
ولما شمال يصير جنوب.. رح نعرف انو الدنيا.... كلا صارت بالمقلوب
....

لما الضحكة تخبي نياب ... ويتسكّر عالصدق بواب ...ونغرق ببحر السرساب ...
وتتحجر بالصدر قلوب... رح نعرف انو الدنيا.... كلا صارت بالمقلوب ....

ولما العتم بيخطف نور ....والأرنب يغتال نسور .. نحنا نشهد ظلم وزور..
ولما تلج الحق يدوب .... رح نعرف انو الدنيا.... كلا صارت بالمقلوب ....

لما نغرق بالتمثيل ...وميزان العدالة يميل ...و النملة تدعس عالفيل...
ولما شروق الشمس غروب ... رح نعرف انو الدنيا.... كلا صارت بالمقلوب ....


لما يغني بصوتو البوم ...والظالم يشكي المظلوم ...لما تشتي الدنيا هموم..
ولما خيل الحقد يجوب ... رح نعرف انو الدنيا.... كلا صارت بالمقلوب ....

لما نزول يصير طلوع ...لما البسمة تصير دموع ... وما نسمع صرخة موجوع ..
ولما ريح الظلم هبوب.... رح نعرف انو الدنيا.... كلا صارت بالمقلوب ....

ولما غول بياكل غول ...والكفر يعربد ويجول ...بوقاحة نحكي ونقول ...
نحنا عنا كتير عيوب ... رح نعرف انو الدنيا.... كلا صارت بالمقلوب