غريب يا زمان ..

.............

غريب يا زمان

زمان غريب يا زمان
يا زمان مالكش أمان
تفرق ليه قلوب مشيت
سوا مشوارها و اتعاهدت
و فرحت قد ما فرحت
و يوم ما قربت بعدت
و كنا زمان اعز اصحاب
و عشنا عمرنا أحباب
و آه لو بايدنا
ما كناش بعدنا
و لا ليلة واحدة
و كنا فضلنا
سوا للنهارده و بعد النهارده
حبايب حبايب ما يقدر علينا الزمان
غريب يا زمان

يا فرحنا الليالي و كل ليلة عيد
ياما سهرنا النجوم في الحب و المواعيد
كنا دايما كل ايامنا سوا
كنا حتى كل ما نبعد سوا
فاكر وقت ايام تحلفلي ح تفضل هنا على طول
مش كده يا حبيبي و انا وحدي و خايفة ليالي البعد تطول
و آه لو بايدنا
ما كناش بعدنا
و لا ليلة واحدة
و كنا فضلنا
سوا للنهارده و بعد النهارده
حبايب حبايب ما يقدر علينا الزمان
غريب يا زمان

احنا افترقنا ليه
احنا جرالنا ايه
ازاي في ليلة واحدة
نرضى بفراقنا
و الدنيا تانية
هو الزمان ايوه الزمان
ما اقدرش اقول غير الزمان
ياما الزمان فرق و جمع قبلنا كتير من زمان
عشت بعدك حاضنة عهدك
و الليالي تقول يا مين
تضمك الايام لمين
و آه لو بايدنا ...
...
ياللي واخداك الليالي بعيد
و غايب عن حبايبك
ياللي واحشاني عينيك
و يا ريتني طول العمر جنبك
ياما استنيتك
و معايا طيفك ليل نهار
ياما اتمنيتك تيجي
ما لاقيتك و فايتني في نار
و ازاي اعيش هنا و ما تكونش هنا
و الله حرام فراقنا ده عن بعضنا
انا ح اجيلك انا
والله ح اجيلك انا
و لما اجيلك راح نقول
احنا كنا لبعض
و ح نفضل سوا
و الزمن للعاشقين احسن دوا
و ادي احنا بعدنا
و ادي احنا رجعنا
حبايب ما يقدر علينا الزمان .

رائعة من روائع فايزة احمد التى لا تنتهى

شكرا ابوجمال على الانتقاء الحميل

شكرا سعيد

نعم ..روائع السيده فايزه احمد

لها مذاق خاص جدا ومميز
............