مربعات/واوات :سيدالشاعر

وقبل البداية باوحد
اللى خلقنا و قادر
يهدى قلوبنا توحد
ونرضى بكل المقادر
************
ولاأنسى مدح التهامى
اللى جمعنا ب رايه
وصلاتى تسبق سلامى
وتزول همومى وشقايا
***************
ويوسف واسفى ياولداه
كيدو أتالوا من اهله
والاخ عقله ذهب تاه
وضيع شقيقه بجهله
*************
والكدب يفضح مساتير
الديب لاشافوولاراه
عبرك تأسس دساتير
ناكركلامك هلك تاه
************
يعقوب ف حزنه ومكلوم
والعين تسح المدامع
راضى بقدره ده معلوم
والرب شايف وسامع
*************
وجار البياض ع السواده
ذهب البصر.قل نورو
ولااداش لعقله هواده
والفكر يبدر بذورو
*************
وف قلب جوفك تخبى
سرك وبيرك ف بطنك
ولا يفضح المستخبى
غيركتررغيك ورطنك
***************
وسكاكين تجزالايادى
وعيون بهرها جمالو
دخل النبى نوروبادى
صحبات زليخاجومالو
*************
وحوش يا رب المكايد
كيد النسا.جا.ف كتابو
والفعل منهم يكايد
والشعربيض ماتابو!
*************
وزليخا شوقها فضحها
والقلب هيمان بيوسف
وربه أرادله ف ضحى
راح اتحبس،أمريوسف!.........(أمر يؤسف له)
******************************

والبيروسيع،كنه جنه
والسجن ليه بس ضيق
درب الرضا نور وحنه
درب الشجاعه رقيق
**************
واختم كلامى بسلامك
وازيدسلامى صلايا
نفسى الامس مقامك
تبقى هيامى وهوايا
**************
يارب سترك يا ستار
وجيب العواقب سليمه
والندل مشيوكداعار
واصلا عتابه جريمه!
************
واوات من احسن القصص
.....................................
سيدفاروق احمد
أسيوط

الله عليك وعلى المربعات الصعيدى التى لا تأتى الا بالكلام اللى فى الصميم
شكرا لك يا استاذ سيد دمت ودام ابداعك