المخلص اللى غسل المواعين

كتب:خالد الشافعى
----------------
وانا رايح اتوضى من نصف ساعة عشان اصلي الشفع والوتر
قلت ادخل اعمل كوباية شاي
دخلت المطبخ لقيت الاولاد بعد مانامت زوجتي تناولوا العشاء وسابوا المطبخ متبهدل قوي وكمية مواعين مش طبيعية
... قوم ايه ؟
قوم عقلي قالي : يا عم خالد الست زوجتك هتقوم بالسلامة كمان شوية والطاحونة هتشتغل زي كل يوم
ايه رايك نغسل شوية المواعين دوول ونروق المطبخ واهو منها تاخد ثواب مساعدة اختك المسلمة وادخال السرور على قلب زوجتك والتأسي بالنبي صلى الله عليه وسلم في مساعدة أهله في مهنة البيت ؟
قوم أنا قلت للهاتف ده : يا عم الدنيا ساقعة قوي
قالي شغل الميه السخنة
المهم من هنا لهنا وكلمة منه على كلمة مني فتحت الحنفية واستعنت بالله وروحت غاسل المواعين كلها وشوية ترويق في المطبخ
ودخلت أطبع ورقة على البرنتر كنوع من الشكر لها عشان اعلقها في المطبخ
للاسف البرنتر مافيهوش حبر
قلت ابعت لها الكلمتين في رسالة على المحمول :
زوجتي الحبيبة أنا غسلت المواعين كنوع من المشاركة البسيطة في المجهود الحربي اللي انت بتقومي بيه يا بطلة سامحيني اني مش عارف اساعدك جزاك الله خيراً ، تقبلي مروري الرهيب بالمطبخ

المخلص اللي غسل المواعين

ايوه هو عايز يحسها انه عمل انجاز عظيم
وهو حاسس كده فعلا

شكرا جمال