قالوا العتب ع النظر

قالوا العتب ع النظر
قلت العتب ع القلب
كان ليه بيهوى الخطر
ويعيش سنين الصعب
****
مااعرفش ليه العطش
رغم انى فيك شارب
يكونش قلبى اتلطش
ساب حبله ع الغارب
****
مال الشجر ناحيتى
وشوش احاسيسى
قال العلا سكتى
والحب تاسيسى
****
مدى خطاوى الهوى
حنى لاشواقى
قلبى عليكى انكوى
خوفى من الباقى

محمد عبد الرازق الزهيرى

الله الله الله

ابيات قصيره لكنها غاية في الرقه

والعذوبه ...شكرا لك زهره

وشكرا للشاعر صاحب الابيات الجميله
.........

الشاعر فعلا جميل فى قصائده يا ابو جمال
بارك الله فيك