ملحمة حكاية شعب لحسين السوهاجى

المؤلف/الشاعر حسين علام السوهاجى

حكاية شعب 1
********

أول بدا أذكر الله
واحد أحد بانفراده
واللى بيلجأ لمولاه
ربى لطيف بعباده

يارب سلم وصلى
ع اللى بكت له النخيله
الرزق منك وصلى
غصبٍِ عن بن البخيله

وامدح ف سيرة نبى زين
الجــــزع حــــن وبـكالـه
شاف الجمل باكى وحزين
شاور له جـه واشتكا لـه

أنا بعد ما امدح نبينا
هاحكى حكايه غريبه
الظلم كشر نابينا
وادى منه قصه عجيبه

ملك البـــــــــلاد المفدى
ع الشعب دايس عا ليهم
يوم التلات كا نش عدى
على حرسه نادم عليهم

2
قال اجمعوا ليا شعبى
فى القصر لجل اتسلى
أصل الزهق فيا شاع بى
سيفى فى غمده هسله

اليوم واحد ف تشرين
ودا يوم ميلادى وعيدى
هاتولى من سن عشرين
لحسن أنفذ . وعيدى

وقعت لى سنه بلا تين
والنفس ماهى رضيه
ولحد خمسه وتلا تين
ليكون موتكم با يد يا

نزلو ف وسط الشوارع
واتفرقو ف الرعيه
واللى بدا يومها طالع
لموه بطريقه زكيه

قالو الملك عيده عيدين
ياشباب تعالوا وشاركوا
معقوله تبقو بعيدين
لازم تروحوا وتباركوا

3

ولا انتو ياشعب كارهين
عايزنش حفله ف عيده
قالوا ازاى داحنا محبين
وملكنا دا الله يزيده

الناس راحوا و عارفين
لو رفضوا رايح يبيدهم
قوم راحوا وهمه خايفين
والأمر ماهو فى إيدهم

قالوا الأمر كله بيد الله
هو خالقنا وبارينا
للخير يارب دلاه
من ظلمه ياما اتبرينا

يارب داحنا غلابه
وملكنا ظالم و فاجر
حواليه شوية ديابه
نجينا منهم ياقادر

يارب احنا اتوحلنا
والسجن ضلمه وحالك
ندعوك تلطف بحالنا
نجينا من دى مهالك
4

وعلى دوله نستغفر الله
مافى غيره يدرى الخليقه
الريق مافى حاجه بالاه
ولا لقيو ابدا طريقه

قاموا الحرس جمعوا الناس
ف القصر دخلوا العباد
ما خلوا ولا زول كناس
يمشى ف حوارى البلاد

ودخل له قائد لحراس
قال له ياسيدى ماقولك
جهزنا طلبلك على الراس
الناس بره و أتو لك

الناس بره وقعدين
كل الحرس تحت أمرك
صاحيين احنا ما نا يمين
ولا حد فينا تأمرك

قال روحوا وأقفلوا الباب
من الصبح قاعد بعانى
ودى شى يذهب بالألباب
واصغى لقولى ومعانى

5

يوم طل من شرفة القصر
واتكربجت الخلايق
نزل العرق يعصروه عصر
ما طاقوا حتى الخلايق

والكل واقف ومرعوب
عارفينوا ظالم وقاسى
وكأن مخه دا مركوب
ما يهمه شعبه يقاسى

عارفينوا ظالم وجبار
واللى يجيبو يبيده
والكل واقف ومحتار
والحل والربط بيده

الباب كنه ورب بى
والبين شحطط نيانا
الناس تدعى وربى
هو اللى سامع دعانا

يارب ارحم عبيدك
دا الخلق ميه وطينه
العفو منك وبيدك
لا يجيب عالينا واطينا

6

يارب أغفر ذللنا
واغفرذنوب الخلايق
وارحمنا م اللى ذللنا
وسجنا جوه الخلايق

يارب فرج كربنا
نجينا من دى مهالك
والظالم اللى كربنا
ما يمسى إلا وهالك

الظالم اللى كوى الناس
وجمعنا لجل التسالى
مافى حد غيرك ووناس
عايز ييتم عيالى

سعفان خلص دعاويه
ع الظالم اللى جمعهم
ع الناس قرب خطا ويه
مظلوم زيهم جه معهم

قال الملك اسمعو زين
واصغوا لمعنى كلامى
قاعد من الصبح وحزين
ف القلب دمى كالامى

7
مافى حد فيكم هيمشى
ولا راح يروح لداره
والكدب عندى هيمشى
والصدق نقطع دباره

اللى هيلضم لى كدبه
من الاولا و البدايه
يصدقشى لحسن هدبه
ف البير وتبقى النهايه

واللى هيكدب على طول
ويكون ف كدبه ها يبشى
يتمنى بالعرض والطول
واللى يقوله هيمشى

وبراح ليكم من الأن
ولحد وقت المغارب
لو ما تقدم لى انسان
هقتل ابوكم واحارب

نادم بحسه ياقمصان
خد سيفك أمشى وسنه
قام يجرى رايح وعجلان
وقع إنكفى راح له سنه

8

العبد يصرخ يقول آه
والدم نازل وسايل
ينزف ولاحاجه حايشاه
واتعزرت الوسايل

وهناك لما راق نزيفه
قال يوم عارفه مطين
قام يجرى ويسن سيفه
والجرح ف الخشم عين

الخلق هاجت وما جت
و لا لقيو ابدا بصاره
الضهر يدن وما جت
على فكر واحد بصاره

الكل يبكى وخوفان
عارفينوا فاجر وفاشى
كنه هيدبح فى خرفان
ورخاص زى المواشى

الناس تاخد وتدى
علشان ما يلقوا طريقه
بالشورى مع بعض ودى
مافى حد بالع لريقه

9

قال واحداسمعو لى
مهما تحاولوا هنفشل
ياخونا متوسعوا لى
وتعبت منكم هنتشل

هاتوصاعب اللى ماله زى
وادى حل مافى خلافه
مافى حد غيره مالي الزى
ف الكدب ليه الخلافه

هو بيكدب ومعروف
دايما يدس الحقايق
وجميله فينا ومعروف
ف الكدب ليه الطرايق

الكل وافق على الحل
قالو راح تروح الندامه
ان شالله نمشى ونرحل
واتبشرو بالسلامه

الشعب كله تلملم
على صاعب الكدب طبعه
وقالولو لازم تلملم
كل الكدب انت طابعه

10

يا صاعب احنا ف أزمه
والكدب بيدك وفاتله
واليوم كدبك له لازمه
أغرف من الكدب هات له

طول عمرك انت اللى كداب
والكدب سارى ف دمك
تكدب وتقفى ورى الباب
والكل لامك ودمك

وادى النهارده جاك الدور
راح تبقى فارس علينا
احكى له با للف والدور
لا يجيب واطينا عالينا

أكدب يا صاعب متنساش
لا تطير رقاب العباد
ويكفنونا ف متر شاش
ويلفو بينا البلاد

سيافه واقف عامل كيف
واقف وكانن ف جاره
دا عبد فاجر معاه سيف
والعبد زاد إنفجاره
11

ياصاعب أحناسبايا
للى ما عنده سلامه
فرسين ليك وعبايا
لو رحنا منه بسلامه

يا صاعب احنا من الحين
لو متنا مالناش ديه
تصدقشى ل نروحوا طايحين
خلصنا م البلوه ديه

لو ننجى تملك من اليوم
وأرضنا تبقى أرضك
شورة الملك شورة الشوم
واحنا وقعنا ف عرضك

دا احنا ياصاعب غلابه
مليناش فى الأمر حيله
ملعون ابوه واللى جابه
خلى الليالى كحيله

ياصاعب إ مشى لقدام
واكدب براحتك وكيفك
والعمر مشيات واقدام
ورينا كدبك وزيفك
12

قال صاعب البلوى ديه
مش زى كل البلاوى
والأمر لو كان بيديا
والله عمرى ما لاوى

بس الطلب دا مشدد
مش زى كل اللى فاتوا
شايفينوا واقف وهدد
هنروحوا زى اللى ماتوا

أنا كدبى كان للتسالى
ماخسرت ولا حتى ليفه
بس الملك شرطه غالى
هتطير رقبتى بسيفه

فرغ الفتى من كلامه
والدمع نازل ف خده
على الدمع ماحد لامه
والعبد نادم وشده

العبد جبده وعمل كيف
قال يوم أبوكم سواد
قدامه راح جرد السيف
قال له امشى تقطعش زادى

قال له أمشى يالله على طول
من الصبح واقف بنادى
ياك كنت تحلم ولا تطول
تحكى لمليك البلاد

إمشى تحرك ياجربوع
يا لله ياولد الفواتى
دا ابوك ميت من الجوع
متقولشى ناسى وخواتى

قال له احترمنى ياقمصان
تنساشى أصلى وناسى
أنا صاعب أ نا ولد صعبان
لو كنت جاهل وناسى

يا كلب بتشد وتهين
إزاى بتغلط ف سيدك
ما كفايه هو احنا نا قصين
والله نقطع وريد ك

دنيا بتنكر وفا الناس
والواطى ليه شأن عالى
والندل قاعد وفناس
والأتنين مايسوو نعالى

يادنيا فيكى اللى باع باع
والندل ماشيه ف طريقه
والحر يوم ان جه بعبع
تلقاكى نشفتى ريقه

دنيا رديه بلا حشام
واطيه وحلت شعرها
ع الوش جايبه بلح شام
والمر لما لقعرها

دنيا ما تسوى قراطـين
جاريه ف سوق النخاسه
مايبربط التوب بالطين
غير عبد ماشى بخساسه

العبد قال له كفايه
أنا كنت قاعد ونايم
بزياده غلطك معايا
شبعت ابويا شتايم

أمشى يا صاعب يامعدول
أخر النهار راح نبيدك
هنلمك انت مع دول
وضرورى نقطع وريدك

بزياده أمشى هناك قول
وأحكى لملكنا بكيفه
جبناك حدانا ومنقول
هات له حكايه ظريفه

قال اتكالى على الله
هو خالقنا وناشينا
واللى إنكتب راح نلقاه
مهما هربنا ومشينا

العمر واحد ومكتوب
ما ليناش ف العمر حيله
والرزق من بدرى محسوب
وقدرنا مين راح يحيله

أنا صاعب أ نا ولد صعبان
وبإ يدى ماسك إماره
على خاطرى واخد وصعبان
لو راح عمرى خساره

راح أجيب م الكدب جرنين
وأرصهم له بطريقه
والكدب والبطل قا رنين
علشان تتوه الحقيقه

و حصب له الكدب ف قداح
وأزقيه لما يكرع
أنا صاعب أبو عزم براح
والكدب منى يفرع

أنا كدبى ماله حجازى
ولا حد يقدر يحوشه
وماليش جوه الحجا. زى
ولا خفت يوم من وحوشه

أنا كدبى عدى الكدب فوق
ما فى حد يكدب قباله
من كدبى عمرك ما هتفوق
لو جت كبار القبالو

أنا كدبى لا ضمه ف عنقود
وعملته كيف الدواير
والله ليحلف ما حنقود
وعليه تدور الدواير

على دوله أستغفر الله
والمولى يدرى بحالى
الريق مافى حاجه بالاه
م الظلم طال ارتحالى

العبد قال له ياصاعب
روح للملك عنده قول له
كفيانى ياخى مصاعب
دا زمانى كادنى بزله

روح للملك يالله توق ليه
واحكى له ريح لى راسى
إن شالله تشوى وتقليه
ويقعدك ع الكراسى

قرب بيده يشاشى
لجلن ينجى الصحاب
لافف له شالين وشاشى
لم الملك راح له حابى

قرب وشاور بيداه
ويقول له جاهزوناوى
والصبر ربى بيداه
ياجى يكفى البلاوى

راح للملك عنده قله
إنت مليك البلاد
كتر الكلام زى قله
أنا ف وادى وانت ف وادى

يامولاى أنا ليه شرطين
وانت اللى حاكم وقادر
تنساش وادينا شارطين
لو فزت إنت تغادر

وادى شرط تانى يامولاى
بالكدب أ دينا علينا
متقولش كدبك جه ازاى
تنساشى شرطك علينا

أول كلامى معاليك
وحد إلهنا وبارينا
جايب حكايه معى ليك
م الكدب ياما اتبرينا

الكدب عارفه يامولاى
ولا قانى ياما ولقيته
عمال يكدب ياما. ولاى
يتلوا عاوج طاقيته

واقف وشايفه من الشيش
لما اشوفه لازم انتشى ,له
على بطنه يزحف ما يمشيش
مافى رجل راضيه تشيله

ف الحلق يوقف وف الزور
وف القلب يكتر نزيفه
والبخل واد عمه والزور
والبطل داعمه بزيفه

الكدب فاجر غـليض عين
ولا عمره يخشى الملامه
لاعمره ينفع ولا يعين
على كدبه ماحد لامه

من الكدب هتشم وتضوق
والكدب دا ليه دخاله
والشح والفقر والضوق
للكدب دول ولد خاله

اسمع حديتى افهمه زين
وعليا طول ف بالك
ف القلب بتحز حزين
عاجبنى تاجك وشالك

كان ورث ابويا نخلتين
من ورث ابوه بعد جده
يوم جيت طرح النخل تين
والخلق تعبوا فى عده

مش بس نخله طرح تين
والعنز ولدت جموسه
والبحر صره ف طرحتين
وتشيله منه نموسه

مات ابويا خلفنى انا وديك
ماله حد غيرنا خليفه
تعادينى عمرى معاديك
ياسيدى دا انت الخليفه

انا بكرى وانا المسؤل
والديك هو الصغيرى
ربيته بالعرض والطول
ولا لهش ف الدنيا غيرى

يوماتى ياكل له جديين
وتقول خمسين فطيره
م التين يا كل شجرتين
ونا يملى فوق الحصيره

ويوماتى يشرب له زيرين
وطشطين من بعد قله
وزنه دا ياجى وزيرين
مافى حد قادر يقله

وشقيت لجل اربيه
لما صار مثل الجمال
م الباب داخل وارب بيه
ولا شفت زيه جمال

الناس قالو انت تعبان
واخوك نايم وبارك
ف الشغل قول له تعا بان
ف الرزق ربك يبارك

قلت له اسمع يابو العم
انت اخويا وشقيقى
نومك دا بيزود الهم
خليك معايا ف طريقى

الشغل ساهل ومش عيب
دا ابوك كان ليه إماره
كان صاحبه منسى مع شعيب
هما الصحاب الأماره

كان يعزق الغيط وحديه
من الصبح لما المغارب
كان جمله اروحله واحديه
تانى يوم يطلع يحارب

الدمعه فطت من العين
لما ابوك جانى ف بالى
ونيران ف القلب والعين
من جرح عمره ما بالى

ياخويا وانا على دين
ديانا رايحه وجا يه
والخلق واقفه وحا سدين
والفقر كمل عليا

الفقرى لو راح يصاهر
ما حد يرضى يصاهره
دا الفقر باين وظاهر
والغلب طاحنه وصاهره

علم وليـد ك وربيه
وريه خصال الرجاله
ل زمانه ياجى وارب بيه
ويضيع ما ياخد مجاله

وسط المقاعد يكون زوق
ولبيب ويد رى الا شاره
يقعدش ف النص معزوق
على وشه باينه الكشاره

علم وليدك وخليه
ف القعده قوله مواجز
وان عمه قاعد وخال ليه
يضحك تبان النواجز

إكرم ف ضيفك وهليه
وتخلى عندك فراسه
وكأنك انت أهل ليه
لا ترغى تاكل ف راسه

للضيف احسب ميت احساب
ولا تستــقـلش ضيـــــوفك
لو ضيـــــف عيل ما ينساب
ع الــراحه شيـــله بكفوفك

رحب بضيفك مع الشاى
قــدم له قهــــــوه بيمينك
ولو حتى جاي لك معشاى
ادبـــــح له بــر بيـميـنك

صب القهاوى مع الهيل
للضيف وكلك بشاشه
وترحاب زايد وتهليل
بيت الكرم عالى شاشه

قال لى يا صاعب انا معاك
شغلنى كيف ما بدالك
تبكيش خلصت دمعاك
و نشيل حملك بدالك

أسمع يا صاعب وانا ديك
وصبحت جمل المحامل
با زعق بحسى وانا ديك
ولقيتك انت ما حامل

انت اخويا اللى ربان
ياما شلت عنى بلاوى
م اليوم دا انت اللى ربان
ولا كنت عمرى بلاوى

ف الصعب تمشى وشقيت
وتعبت ياما انت قايل
ياصاعب اتعبت وشقيت
انا اشيل حمل التقا يل

نتذكر فى الجزء الأول ما كان من قصة الملك وجمعه للرعية وطلبة الغريب عن حكاية كذب فى كذب
والتى تصدى لها الفتى صاعب بعدما طلب منه اهل بلدته هذا لما عرف عنه من كذب وخيال
ويقبل هذا الأمر بصعوبة ولكنه يشترط على الملك الرحيل فى حالة نجاحه ويتفقا على هذا الشرط
وهنا نستمع ونستمتع بالجزء الثالث لهذه القصة الخيالية المكذوبة
والتى بدء يحكى شاعرنا على لسان صاعب عن اخيه الديك الاشبة بالجمل
ونلاحظ كما يقال اول القصيدة كذب انها حكاية الديك الأقرب للجمل
ويحكى صاعب كيف كان يعتمد عليه فى حمله وعمله
الى ان أصيب بجرح فى ظهره
وحار به الفكر الى أن أشار عليه الطبيب بطحن نويتين بلح ورشهما على الجرح فى ظهره
ومن حبه الشديد لأخيه الديك طحن بدل النويتين عشرة ومن بينهم نواه صحيحة وكانت المفاجأة

انا جبت عشرة نوايات
وهركتهم له بيديا
والمولى يدرى النوايات
صعبان جملى عليا

ع الجرح بيدى ورشيت
واخويا يزعق ياغلبى
قولت له يكفى تغشيت
ياربى الطف ياربى

يومين وقلت اروح ليه
واخويا اصله وحشنى
ف الوحده اقعد واسليه
واللى رأيته دهشنى

ألقيت نوايا صحيحه
ضربت ف ضهره بفرحه
ويومين بقيت فضيحه
والنخله بانت وطارحه

وبعدما طرحت هذه النواة نخلة ضخمة تشاور مع أخيه وقررا قطع هذه النخلة ولكنهما بعد التشاور قررا الإبقاء عليها ثواب لما فيها من منافع ،،،
ويستمر نهر كذب صاعب فى التدفق فكان يمشى الديك وعلى ظهره النخلة التى قام الصبية باخذها بالطوب الى ان تكونت فوق ظهر الديك جزيرة

العيله تا خدها بالطوب
من كتره بقيت جزيره
الناس قالو انت معطوب
ازرعها قبل الدميره

وجزيرتى صبحت خصيبه
والناس ما لاقيه اراضى
قالولى بيع يا مصيبه
عشرين فدان ماراضى

وتخيلوا معى هذا الكذب حيث يطلب من صاعب بيع عشرين فدان من الجزيرة فتخيلوا حجم هذه الجزيرة الضخم التى هى فى الاساس على ظهر ديك
ويسأل صاعب جيرانه عن أفضل زراعة فكانت المشورة بالسمسم
ويرزع صاعب الجزيرة التى تكونت فوق ظهر اخيه الديك
ويستمر كذب صاعب الخيالى ومهارة شاعرنا فى نسج هذا الكذب حيث يقول للملك انه جمع محصول الجزيرة من السمسم وقام بعده غلة غلة واخر المطاف وجد غلة سمسم ناقصة
وبدأت رحلة البحث عن هذه الغلة وسط سبوع ووحوش وارضى متسعة ولا ننسى ان كل هذا فوق الجزيرة
وبعد اسبوعين يجد الغلة فى ضفر عجل قوى شرس وبعد محاولات واسابيع يتمكن من نزع هذه الغلة من ضفر العجل وبعدها يحلف بعدم زراعة السمسم مرة اخرى فى جزيرته ،،،

ولكنه احتار فيما يصلح زراعته وبالسؤال والمشورة قال له البعض اذهب للمنسى فهو ادرى بهذه الأمور
ويأتى السؤال من يكون هذا المنسى وما هو دوره فى تطور رحلة صاعب هذا ما سنتعرف عليه مع استكمال قصتنا مع صاعب
حيث رحلته الجديدة الى المنسى
وانظروا معى الى هذا المربع الغريب
الأسبوع عدى بلا حد
متوضى ماشى وطاهر
ومشيت م الحد للحد
ولا حد باين وظاهر
تخيلوا ان صاعب ماشى م الحد للحد اسبوع كامل على طهارة كذب على قدر ضغرها على قدر عدم إمكانية حدوثها
وفى الأسبوع التالى يتقابل مع المنسى الذى يعرف حسبه ونسبه حين يعرفه صاعب بنفسه

قالولى اسم الكريم ايه
يابو شال ع القرن مايل
اسمك تقوللنا عليه
وترد مين فى القبايل

انا قلت صاعب وصعبان
دا ابويا كان له أماره
من الحر مكوى وتعبان
قالوا مرحبا بالأماره

ياصاعب أقعد هنا ارتاح
دا ابوك تاجنا و شيخنا
ياما عشنا ايامنا ف براح
وكبرنا ادينا وشخنا

أطلب يا صاعب وع الكيف
واحنا نلبى المطالب
لو تطلب الحربه والسيف
يا ولدى فالمولى غالب

من فيكم المنسى ياعم
انا ليا عنده سؤالى
جايكم وشايل كتير هم
من الخلق ياما جرالى

وحكى صاعب قصته للمنسى بكل فروعها وطلب منه النصح والاستشارة
وكان رأى المنسى كما يلى .....

قال ليا اسمع يا ابو الشيخ
كتر الحديت زى قلة
خذ بذر وازرعها بطيخ
والبذر اهو قوم وقله

شكر صاعب المنسى ولكن المنسى قاله له يا ابنى انا بينى وبينك سر كبير
ياترى ما هو ذاك السر الكبير بين المنسى وصاعب وكما لم يتعرفا سوى منذ لحظات ..............

الناس ياولدى اسرار
بين ابوك وبينى سريره
مات ابوك وانا اللى محتار
من سره قاعد فى حيره

دا ابوك اغلى صاحب لى
شلته ف ننى عيونى
فاتل حباله بحبلى
بس الدواهى عيونى

فيه سر ياولدى مدفون
شايله ف قلبى وتاعبنى
لما كنت نقعد ومغبون
كان ابوك هو يداعبنى

اصحاب عشنا محبين
ولا فيش بينامصايب
ولا كنا ابدا ما بين بين
والراى واحد وصايب

جانى و قال لى يابو الليل
يا منسى فيه أمر واعر
خلقاته مبلوله بلليل
كان ابوك فارس وشاعر

قال لى يا منسى يابو العم
فوق الجبل جن ساكن
من همى انا زدت ميت هم
والعقل فيا ما ساكن

قلت له قول لى يا صعبان
فهمنى ايه الحكايه
خليتنى حاير وتعبان
دا لكل حاجه نهايه

قال لى يا منسى ليا سيف
بتار و فيه ا لمنافع
سرقه يهودىو حريف
مع جنى واقف يدافع

والجنى فوق الجبل داك
لازم وهنشوفو له حله
شهرين تمشى مع حداك
تلقاه قاعد ف تله

عايزين نروح له نباريه
والسيف دا يبقى لدينا
شارى القلم غير باريه
ونا خدوه من جوه عينه

قلت له وانا بعبلى
يا صاحبى ليه المخاطر
جاينى وجايب التعب لى
علشان دا السيف ماا خاطر

سيوف ياما و غير دى
موجوده ف السوق كتيره
كل البلا وى ولا دى
والروحه برضه خطيره

ويظهر امامنا موضوع اخر وهو قصة سيف صعبان ابو صاعب وهذا السيف تم الاستيلاء عليه من يهودى ويحميه جنى وهنا يظهر الرمز جليا فى صراع قديم ومسنمر وسيستمر بيننا وبين اليهود فما اكثر السيوف والحقوق التى استولى عليها هؤلاء اليهود سواء يهود اليوم اويهود الأمس وفى كل عصر لكل يهودى الجنى الذى يحميه ويدافع عنه وهذه صورة رائعة لما حدث ويحدث بين الواقع والخيال
وتسير بنا القصة منذ هذا الحين الى منعطف جديد الصراع بين صاعب واليهودى المتحالف مع الجنى لاستعادة الحقوق المسلوبة .
وهنا ينتهى الجزء الثالث مخلفا ورائه حلقة جديدة من الصراع العربى اليهودى
فهل يكمل صاعب مسيرة ابيه ام يكتفى بحل مشكلة الخاصة فى زراعة ارضه
وماهى التطورات التى سوف تسير بنا فى الأجزاء القادمة من الملحمة
هذا ما سوف نتابعه سويا فى الجزء الرابع من ملحمة شعب للشاعر الكبير حسين السوهاجى
دمتم بكل الخير
خالد الطاهر

واليكم نص الحكاية ......................................

دخلت ياما عليه بوص
وعليه ياما شلت لاصه
نشتغلو ما بين قنا وقوص
كان جملى هو الخلاصه

جه يوم الحمل بيه مال
من جرح ف الضهر صابه
كان جرحه من تقل الأحمال
والجرح واخده ما جابه

انا قلت وين الطبيب وين
كيف العمل يا طبيبى
راح قال اطحن نوايتين
ضهره يروق ياحبيبى

رش الطحين ع الجروحى
الجرح زاد انكشافه
تتعبش روحك وروحى
هتلاقى جملك تشافا

انا جبت عشرة نوايات
وهركتهم له بيديا
والمولى يدرى النوايات
صعبان جملى عليا

ع الجرح بيدى ورشيت
واخويا يزعق ياغلبى
قولت له يكفى تغشيت
ياربى الطف ياربى

يومين وقلت اروح ليه
واخويا اصله وحشنى
ف الوحده اقعد واسليه
واللى رأيته دهشنى

ألقيت نوايا صحيحه
ضربت ف ضهره بفرحه
ويومين بقيت فضيحه
والنخله بانت وطارحه

قولت له كيف العمل كيف
فى النخله دى يا حبيبى
قال قوم و اقطعها بالسيف
انت اخويا وطبيبى

النخله صرخت ياعربان
مافى منى تاجى أزيه
احباب بينا الشعور بان
بزياده قسوه عليا

عمتكم النخله ياواد
ياما منى تاخدو منافع
دا الزاد منى وزواد
وعلاج غيرى مانافع

قلت له لو هيه تعباك
نسحبها منك نسلها
ياخويا نخله وحباك
ودى طا يبه زايد عسلها

قال سيبها والأمر لله
وأقله ناخدو ثواب
ياما غيرى فوق ضهره عله
من تقلها يمشى حابى

العيله تا خدها بالطوب
من كتره بقيت جزيره
الناس قالو انت معطوب
ازرعها قبل الدميره

وجزيرتى صبحت خصيبه
والناس ما لاقيه اراضى
قالولى بيع يا مصيبه
عشرين فدان ماراضى

دلونى تتزرع ايه
والجار ينصح لجاره
والخير هيعم عليه
وبدال ما ابيعها خساره

ياخلق طالب مشوره
ونصيحه تبقى نجابه
وجحا اولى بتوره
دلونى كله بثوابه

يوم جانى جارى وصايح
قال لى لقيت لك زراعه
لازم تتم النصايح
كد الفتى من دراعه

ازرعها سمسم ياصاعب
راح تجنى منها دراهم
كفياك رمح ومصاعب
دا الزرع تعبه مراهم

أزرع وكلف ما تبخاش
ع الزرع خليك مبحبح
خليك عاقل وما تملش
ونصحنى لما الصوت اتبح

وزرعت سمسم يامولاى
والزرع طايب جنيته
والحاله يعلمها مولاى
ودا كل واحد ونيته

محصولى كله جمعته
عديته غله بغله
ما شفت نوم ف جمعته
اخر شوال نا قصه غله

دورت قول يا جى اسبوع
ويوماتى ادور واعافر
ولقيت فيه عجل وسبوع
والجو قالب وعافر

العحل يضرب ف سبعين
ينطح وترفس رجوله
واتلمو قول ياجى سبعين
هربو السباع م الرجوله

العجل طاح ع الأراضى
والخلق تقلب وتعدل
ياعجل ما تقوم ما راضى
ورجوله ماراضيه تعدل

بصيت ف رجله دهشنى
غلايتى شابكه فى ضافره
ما عايزش واحد يحوشنى
شديتها من وسط حافره

من يومها واحلف بالأيمان
عرقصت والوش تانى
والناس ف شمالى وايمان
ما ازرعشى سمسم دا تانى

وسألت أهل المعارف
دلونى ياهل البصيره
ف الزرع عمرى ما عارف
صيدسمكه يبدأ بصيره

الريق ما فى حاجه بالاه
والكل واقع ف عرضى
وحلفت يمينين بالله
مزرعشى سمسم ف أرضى

وسألت جيرانا فالحين
وللزرع يدرو راحات له
قالو روح ف التو والحين
للمنسى ناسك راحت له

انا قلت دلونى ع البيت
لجلن اروح له يدادينى
ما انا أصلى غاو ى وحبيت
والزرع حبى ودينى

قالولى تطلع هناك فوق
ف أعلى الجبل تمشى اسبوع
وان رحت لازم كده تفوق
فوق الجبل حيه وسبوع

شديت جملى وراه حمار
على ضهره خرجين وزادى
وسط الخلا جملى راح مار
لجلن مانبلغ مرادى

الاسبوع عدى بلا حد
متوضى ما شى وطاهر
ومشيت م الحد للحد
ولا حد باين وظاهر

فات سبعه من بعد الأتنين
وكان يومها بعد العصارى
ولقيت عشه فيها اتنين
وواحد بيعد ف مصارى

ونزلت سلمت ف الحال
قالولى مرحب خاطرنا
يا ولدى بزياده ترحال
الضيف ف بالنا وخاطرنا

مرحب ياولد الأجاويد
وصبولى فنجان قهاوى
ترحاب ياما وبيزيد
وجرونى لم الحكاوى

المنسى راح قال نعمين
دا انا كنت نازل حاجيبك
طلبك يا صاعب على العين
اسألنى وانا حا جيبك

وحكيت له حكاية الزرع
وحكيت له ع اللى حصلى
قصه و فيها ميتين فرع
قال لى كلامك وصلى

قلت له ياعمى قول لى
ياما شلت م الطينه لاصه
وبزرعه زينه تشور لى
وتكون هيه الخلاصه

قال ليا اسمع يابو الشيخ
كتر الحديت زى قله
خد بذر وازرعها بطيخ
والبذر اهوه قوم وقله

قلت له تشكر ياعمى
بطريقه لكن فصيحه
وادى شالى قوم لفه عمى
وشكرا على دى نصيحه

الناس ياولدى اسرار
بين ابوك وبينى سريره
مات ابوك وانا اللى محتار
من سره قاعد فى حيره

دا ابوك اغلى صاحب لى
شلته ف ننى عيونى
فاتل حباله بحبلى
بس الدواهى عيونى

فيه سر ياولدى مدفون
شايله ف قلبى وتاعبنى
لما كنت نقعد ومغبون
كان ابوك هو يداعبنى

اصحاب عشنا محبين
ولا فيش بينامصايب
ولا كنا ابدا ما بين بين
والراى واحد وصايب

جانى و قال لى يابو الليل
يا منسى فيه أمر واعر
خلقاته مبلوله بلليل
كان ابوك فارس وشاعر

قال لى يا منسى يابو العم
فوق الجبل جن ساكن
من همى انا زدت ميت هم
والعقل فيا ما ساكن

قلت له قول لى يا صعبان
فهمنى ايه الحكايه
خليتنى حاير وتعبان
دا لكل حاجه نهايه

قال لى يا منسى ليا سيف
بتار و فيه ا لمنافع
سرقه يهودىو حريف
مع جنى واقف يدافع

والجنى فوق الجبل داك
لازم وهنشوفو له حله
شهرين تمشى مع حداك
تلقاه قاعد ف تله

عايزين نروح له نباريه
والسيف دا يبقى لدينا
شارى القلم غير باريه
ونا خدوه من جوه عينه

قلت له وانا بعبلى
يا صاحبى ليه المخاطر
جاينى وجايب التعب لى
علشان دا السيف ماا خاطر

سيوف ياما و غير دى
موجوده ف السوق كتيره
كل البلا وى ولا دى
والروحه برضه خطيره