عمرى ما ابيع \ محمد شحاته العمدة

عمرى ما أبيع
،
وقلتوا المسلمين اخوان
ونهضتنا فى وحدتنا
وكنتوا أول اللى خان
عملتوا الشرخ فى بيتنا
***
وكنتوا الصفوة والأخيار
وخدتوا الجنة لحسابكم
وكنّـا فى عرفُـكُم فُجّـار
طردتـونا على بابكم
***
نسيتوا السنة والقرآن
وبعتوا الكل بالكرسى
عملتوا للغريب أوطان
عشان يفضلكم مرسى
***
شبابكم فى البلد يحرق
وقذف المحصنات عادة
كلام مشايخكوا يتصدق
كأنه شريعة وعبادة
ودم ولادنا قلتوا رخيص
وقتلاكم على شهادة
***
اهانتوا الثورة والثوار
رعبتونا بعذاب النار
ياك الاسلام على أيديكم
وكنّـا قبلكم كُـفّـار
***
برئ الدين من الخاين
يا ناس متساقَـه زى قطيع
مدام وطنَـك عليك هاين
فبيع أنت وعمرى ما أبيع
،

» اهداء للإخوة الأقباط من محمد شحاته العمدة و أحمد سعد
» حلقة جميلة عن فن الواو مع محمد شحاته العمدة وشيماء سباعى
» سحابة عمرى
» اخاف يا عمرى
» رفقا يا عمرى بحياتى