حالة حب مفاجىء

موضوع: حالة حب مفاجىء الخميس مايو 29, 2014 11:20 am

تخبى عيونك
تجلد ضهرك
تلبس غير الوش
بتهرج وكإنك خالى
وبتعمل احيانا اراجوز
علشان تتلاشى عيونها
ملعونه عيونها اما بتسرح علي لونك
وبتسرق تفانينك
وتسيبك ضل ..
خايف تغرق في الحب
بتقول انك مش متهيأ
وان قليبك فوق طرف لسانك بتتاجر بيه
ف حروفك حواديت وبنات
واغاني لفيروز الطاهرة
وورود .. وهدايا قديمه
وغرام مكنون لحنان وسناء ومني وطماطم
ورغم فنونك
في البعد وفي الطفشان .....حبيتها
رغم صباح الخير المره
الوحده بتلعب ف حاجاتك
وبتسرق من تحت النظره
وتفلرح لما تشوفها بتخطف روحك
وتطير لهنااااااااااااااااااااااااااااااك لبعيد
الصبر يا صاحبي الصبر
اكسر مراياتك كما شئت
غالط روحك
امدح خشمك الواسع
ضهرك المحني ف كرامه
وعيونك اللي كانت خضرا زمان... ضاقت ع النني
اكمني علمتك ان الحب خطيئه
ان كلام الشعر كلام
البنت المغروسه ف دمك
ماتت مع اول شمس
بتشرق في الاوده القبر
يومك حبر
البنت الهاديه الاموره اللي ...
بتتعلم علي قلبك تمشي
وانت بترشي الليل لجل يروح
تشوفها الصبح بشوق
تروح ضارب لخمه
وتنسي كل كلام في الحب اتقال او ما اتقلش
وتعود سلبي
تترد لاول صدر حضنته بشوق
وتحطك علي رف قديم
ف كتاب سيء عن لوركا وعن اراجون
ملعون الشعر خلاك هامش
.....
لا عليك إن جزت مدارك واتكعبلت ف ريق
(( علي قد الشوق اللي ف عيوني يا ....))
مش نايم قلبك ان ما عشقش
ولا صاحي
ارتد الاّن ...انت المتعود ع الزوغان
يا جبان
( اّهٍ لو )
فنجانك مش بيقول .. يظهر إن البن إتغش.................!!!!!!!!!!!!!!

راااائع
كأنك بتغزل من الشعر حكاية عشق لم يكن على الخاطر ولحديث النفس فنون وشجون انت تتقنها شاعرنا الجميل
شكرا لك ولجميل عباراتك المنظومه ببراعة

الأستاذه / زهرة بنت ساحة الطيب ..أشكرك جدا يا أختنا الغالية وأسعد بأنها لاقت قبولا لديك .. دام مرورك الرائع و دمتى خلوقة .. تحياتى لك

احيانا يحاول الانسان ان يظهر علي غير
طبيعته خشية ان يُعرف مابداخله
ولكن مهما حاول فإن هناك اشياء قد تطفو علي السطح
بصورة لا اراديه فيتكشف للرائي بعض مما تخفيه القلوب والعيون
حالة موجوده بالفعل لدي الكثيرين من المحبين وقد يكون الدافع لهدا ايضا

اظهار عدم الوقوع في شراك الحب الا ان هدا الامر غير خاضع للحواس الظاهره التي يبديها
الانسان ولكن يكون الخضوع لقلب لا يملك عليه سلطان ...
اعجبتني كثيرا الصور الجماليه في القصيده فهي اكثر من رائعه

ومنها ==البنت الهاديه الاموره اللي ...
بتتعلم علي قلبك تمشي==ملعونه عيونها اما بتسرح علي لونك
وبتسرق تفانينك
وتسيبك ضل ..==البنت المغروسه ف دمك
ماتت مع اول شمس
بتشرق في الاوده القبر
والكير والكثير من المعاني الجماليه الاخري
أبدعت استاد نميري

.......................

أشكرك كثيرا يا أستاذنا الشاعر الكبير أ / عبد الفتاح عبد الشافى.. ولا يخفى علينا أن كلماتك وهبت حروفى حياة ووهجا .. تحياتى لحرفك الودود
وأن يلقى نصى المتواضع قبولا لديكم هو جائزة كبيرة عسى أن أنالها دوما ...... تقبل امتنانى ومحبتى

شكراً استاذ/ نميري
علي هذا الموضوع الجميل سلم لنا قلمك الرائع وفكرك المستنير
تناولت الموضوع ببراعه شديده جدا
تقبل تحياتي لشخصكم الطيب

المدير العام / ابو حسام
الشكر الموصل لرقة التعليق والحفاوة ..
وليس لمثلى إلا الثناء على حسن ضيافتكم وقبولى بينكم
... تقبلوا كل محبة وامتنان

» حالة يأس
» حالة ولادة
» التأمل حالة عقلية سليمة
» أول حالة تزوير لصالح مرسى
» نص قانون حالة الطوارىء المعلن الآن