خواطر من دفاتر مدفونه

حتي في غيابك حافظ ودادك
لا عمري هخون ولا اخلف ميعادك
انا قلبي طيب ومنك قريب ولاعمره سابك
بتقسي وتجرح وتظلم وتدبح بكترة عنادك
المره دي خلاص قرارك وخدته وانا عهدي صنته
هسيبك لوحدك تقاسي عنادك
تحلف تقول بأيدي ظلمتك واهو السهم صابك
هتعرف صحيح اني فصيح في حبي صريح
واللوع منك والغدر منك وتقول اكمنك فرحت ببعادك
قرار مصيري وبيد غيري وانا ليه مطاوع وقلبي رافض
كرامتي اغلي وعندي اعلي من كتر شوقي وحبي ف سهادك
حبك قتلني وخدني مني وف البعد عني هتلاقي عذابك
حنينك لماضي حبي وسهادي ولوعي وعنادي
هتلاقيه في وشك ولا عمره غشك
تشوف بس مني ايه اللي صابك
هتقاسي كتير وتشوف الويل وربك كبير
والشوق كتير واعظم دليل المر اللي صابك

====================
من ذكريات قديمه في اوراق مدفونه
ايام كنت بتعلم فيها الزجل جديد حاجه كده ع الماشي
ابو حسام

هات لنا من الدفاتر القديمه دى كتير يا عبقر
ولا مستنى توته لما تكبر وتعمل لك بيها مراكب
هاتها هنا فى الحفظ والصون

والله ابو حسام بتطلع منه حاجات
انا مش عارف هو ليه سايب الزجليات الجميله
ودافنها في ادراجه ... حرام عليك يا اخي
خلينا نشوف ابوحسام علي طبيعته بقي
روووعه يابو حسام
سلمت وسلم ابداعك
..............

» دفاتر الذكري
» قراءة فى دفاتر بعض الحمير
» خواطر وأنات \ بقلمى
» للمرة الثانية المطابع تصوّت لمرسي في 5 دفاتر كاملة بالشرقية أيضا
» خواطر ا بو العبا دى