مساجلة خفيفة متنوعة بين الاستاذ عبد الفتاح وزهرة

فى عالم الاحساس تركت زادى وارتحلت
ولما لم تعجبنى العوالم قتلت نفسى واعترفت
زهرة
في عالم الاحساس نسيت نفسي وابتليت==== وحين ضاق الصدر مني زاد وجدي فاحترقت .
عبد الفتاح
فى عالم الوجد القلب تاه منى ....يا مين يجمعنى بيه دا هو العقل والننى
زهرة
في عالم الوجد كان صغير سني ==ولما كبرت لقيته سكن بعيد عني
عبد الفتاح
لما كبر سنى زادت بقلبى البلايا...... وما التقيت منها غير الاسى فى حشايا
زهرة
بلايا القلوب زادت لما اتمحي الاحساس.... ناس بوزن الدهب وناس كثيره مداس
عبد الفتاح
دلونى على الدهب فين التقيه....والخل الوفى ربنا يجمعنا بيه
زهرة
الخل الوفي محال تلاقيه ... نكتب له شعر وقصص وفي القلوب نأويه
عبد الفتاح
يعنى نعيش فى الخيال؟ نمسك خيوط الامل.... وفى النهاية نقول من وين تكون اراضيه
زهرة
خيال العقول احسن من واقع نعيش مآسيه ....والصبر احسن دوا وبكره الاصيل نلاقيه
عبد الفتاح
هو احنا لسه كمان فيه بكره ويانا ؟ لا يا عم اعتذر ..على ايه ندور عليه
زهرة
كره وبعده وسنين نلف عليه .. بس العمر لو طال كم يوم هيفضل فيه ؟؟
عبد الفتاح
دعواتى دايما لربى يطفى الشموع بدرى بدرى ...الروح تحن لقربه وحياتى مش ملك يدى
زهرة
فال الله ولا فالك والعمر مين فاته ... افقر رجل بالكون اللي تموت منه مراته
عبد الفتاح
لسعد بيلاحقه لما تموت زوجته ...يجدد بسرعه قوام ويخرج من الاحزان
زهرة
ما حد يقدر عليكم وكلامكو مش م القلب ...لو شكت في جوزها الواحده زي الوابور لو هب
عبد الفتاح
حسناته فى الغربال دايما ما شايفاها ...وتفتكر له الشين دمعتها سابقاها
زهرة
شهاده من فاهم تساوي مية مليون .....لو كل النسا فهموا كانت عيشتنا تهون
عبد الفتاح
النسا من النسيان ودى خصله جوانا ...واللى يداوينا كلمه ينمحى اسانا
زهرة
كلام كتير بنقوله لكن مفيش فايده ..تراضونا في دفيفتين واسابيع نيران قايده
عبد الفتاح
العيب فى تفكيركم ورسولنا طمنكم ....قال القوارير تتكسر لو طالها غضب منكم
زهرة
حوا الوداد والروح والنبض دا منكم .... كل البشر في الكون من عز منبتكم
عبد الفتاح
تزرع حنين تلقاه تاخد ضيا عيونهم...والفكر يوم لو تاه يرجع بضحكتهم
زهرة
كل سنه وانتم طيبين

شكرا لك زهره
عملتي منها حكايه وقصه
بس برافو عليكي مش بتفوتي ولا فرصه
الا وتستثمريها لصالح المنتدي
لك كل الموده والتقدير
علي جميل كلماتك بالمساجله
واعتقد انني رفعت الرايه البيضاء بالنهايه
والي لقاء في مساجلة اخري ان شاء الله
.............

مين قال انى رافعة الراية البيضا
انا فقط اعطى مفتاح التعامل مع المرأة وتجنب غضبها
علشان متبقاش نار قايده  اضحك عليها بكلمتين  فيه اسهل من كده؟

واعتقد انني رفعت الرايه البيضاء بالنهايه
أ ن ن ي ............. مش انتي

لا لا نضحك عليها ازاي ده كلام
الضحك ده اسلوب انا مليش فيه
لان اللي بيعملوه سذج وميعرفوش
قوة ذكاء المرأه او مبيقدرهوش
انا اتعامل مع المرأه علي انها
اكثر مني ذكاء ومعرفه وفهم للامور
يبقي كده اخدت حقها .. وبالتالي
ساعة ما احاسبها احاسبها علي هذا
الاساس وكده يبقي انا كمان باخد
حقي ومحدش يلومني

معلتش يا ابو جمال بقى متكسفنيش العتب على النظر
مشفتش اننى
لا متحاسبهاش على هذا الاساس  الست لها تكوين يطغى عليها
العاطفة تطغى  لذا فهى اكثر تسامحا

وبعدين ؟؟؟؟؟؟؟؟؟؟
حيرتونا معاكم ....عاوزين مساواه ولا عاوزين حسابنا وحسابكم ؟؟

مساواة فى اشياء وحسابنا وحسابكم فى اشياء وحق القوامة لكم على الدوام
واعترف رغم كثير من معارضات بنات جنسى  المرأة بدون قوامة الرجل قد تعوج  كثيرا

رائعه اخري من روائعكم الممتعه والشيقه اهل السها الكرام
تحياتي لكما عباقرة السها

انت للابداع اهل يا حماده منكم تعلمت وبحاول اجاريكم