مش هنقلع \ المركز الاول فى قصيدة العامية

مش هَنقلع"
***********
هــــو ده حجاب جدتى
طرحه تلّى و برده صوف
هو ده لباس الحشامه
اللى بيدارى الكفــــوف
هو ده اللى لسه باقى
مهما دورنا مع السواقى
وفـــ بلدنا راح تلاقــــــى
م الحجاب ده مية الوف
ايوه هــــــى دى الحقيقه
كل حـــــى وله طريقه
مهمـــــــا قالوا علينا بيئه
وللا عايشين ف الكهوف
اللى عايزه تحل راسها
وللا تخلع من اساسها
هــــــــى حره ويا ناسها
كل حـــــى وله ظــــروف
اللى جايه تفك شالها
وللا حتـــى تفك حــــالها
احنا مالنا وهــــــى مالها
راح رجلهـــا وجه خـــروف
هـــــو ده حجابنا وعجبنا
واللى مش عاجبه يحاسبنا
وان طلع فيه شىء يعيبنا
يبقى يتفضل يشـــــــوف
مش هنخلع مش هنطلع
واللى مش ويانا يولــــــــع
زى ما احنا مش هنقلع
مـــش هنضرب ع الدفوف
هــــــــو ده حجاب جدتى
طرحه تلّى وبرده صــوف
هــــو ده لباس الحشامه
اللى بيــدارى الكفــــوف
*************
قلم/ حلمى قاسم
$مش هنقلع \ المركز الاول فى قصيدة العامية 11169904_707451682696549_521338869850747997_n$

» دموعى \ المركز الرابع فى قصيدة العامية
» الله يرحم ستى وستك \ المركز الثانى فى قصيدة العامية
» اصنع امل \ المركز الثالث فى شعر العامية
» اوصانى جدى \ المركز الاول فى القصة
» المركز الاول لومضات السها بجداره واستحقاق