قال ايه \ بقلمى

قال ايه بيحب البنوته
وكاتب لها على ورق التوته
وراسم لها قلب بجناحين
قال ايه عامل نفسه رومانسى
وف صبحه وليله مبينامشى
غلبان مسكين
قال ايه طاير بالاشواق
شارى حبيبه وله مشتاق
وتملى حزين
قال ايه وشارى لها الدبدوب
ولا ناوى يعقل ويتوب
ما هى كنز ثمين
قال ايه ماشى ف رجليها
وتملى بيتودد ليها
لغاية ما تلين
قال ايه ووصل لمراده
والحلو اهو شرف اعتابه
واهو خد له يومين
قال ايه بيدور على غيرها
ما هى قدمت ما اهو كتر خيرها
وقعت فى كمين
قال ايه ولا حب ولا حبايب
ولا حد لا عارف ولا تايب
بقى وضع مهين
قال ايه الحب وله ناسه
هما رجاله وهما اساسه
ف كلتا الحالتين
زهرة

» لا كان ولا كنا/ بقلمى
» انت مين \ بقلمى
» يا نفس كفى عن سوى مولاكِ/بقلمى
» بحر أشجانى \ بقلمى
» غيبيات \ بقلمى